IND vs ENG ಪ್ರಥಮ ಏಕದಿನ: ಈ ಮೈಲಿಗಲ್ಲುಗಳ ಮೇಲೆ ರೋಹಿತ್, ಶಿಖರ್ ಧವನ್ ಮತ್ತು ರೂಟ್ ಕಣ್ಣು

ಈ ಮೈಲಿಗಲ್ಲುಗಳತ್ತ ರೋಹಿತ್ ಶರ್ಮಾ ಕಣ್ಣು

• 9283 ಅಂತರರಾಷ್ಟ್ರೀಯ ಏಕದಿನ ರನ್ ಕಲೆಹಾಕಿರುವ ರೋಹಿತ್ ಶರ್ಮಾ ಈ ಪಂದ್ಯದಲ್ಲಿ 96 ರನ್ ಕಲೆಹಾಕಿದರೆ 9378 ರನ್ ಬಾರಿಸಿರುವ ಮಹಮ್ಮದ್ ಅಜರುದ್ದೀನ್ ಅವರನ್ನು ಹಿಂದಿಕ್ಕಿ ಟೀಮ್ ಇಂಡಿಯಾ ಪರ ಅತಿ ಹೆಚ್ಚು ಅಂತರರಾಷ್ಟ್ರೀಯ ಏಕದಿನ ರನ್ ಬಾರಿಸಿರುವ ಆಟಗಾರರ ಪಟ್ಟಿಯಲ್ಲಿ ಆರನೇ ಸ್ಥಾನಕ್ಕೆ ಏರಿಕೆ ಕಾಣಲಿದ್ದಾರೆ.

• 845 ಬೌಂಡರಿಗಳನ್ನು ( 4 ) ಬಾರಿಸಿರುವ ರೋಹಿತ್ ಶರ್ಮಾ ಈ ಪಂದ್ಯದಲ್ಲಿ 5 ಬೌಂಡರಿ ಬಾರಿಸಿದರೆ 850 ಏಕದಿನ ಬೌಂಡರಿಗಳನ್ನು ಬಾರಿಸಿದ ಮೈಲಿಗಲ್ಲನ್ನು ಮುಟ್ಟಲಿದ್ದಾರೆ.

• 245 ಸಿಕ್ಸರ್ ಬಾರಿಸಿರುವ ರೋಹಿತ್ ಶರ್ಮಾ ಈ ಪಂದ್ಯದಲ್ಲಿ 5 ಸಿಕ್ಸರ್ ಬಾರಿಸಿದರೆ 250 ಏಕದಿನ ಸಿಕ್ಸರ್ ಬಾರಿಸಿದ ಮೈಲಿಗಲ್ಲನ್ನು ಮುಟ್ಟಲಿದ್ದಾರೆ.

• ವಿದೇಶಿ ನೆಲದಲ್ಲಿ ಒಟ್ಟು 99 ಏಕದಿನ ಇನ್ನಿಂಗ್ಸ್ ಆಡಿರುವ ರೋಹಿತ್ ಶರ್ಮಾ ಈ ಪಂದ್ಯದಲ್ಲಿ ಕಣಕ್ಕಿಳಿಯುವ ಮೂಲಕ 100ನೇ ವಿದೇಶಿ ಏಕದಿನ ಇನ್ನಿಂಗ್ಸ್ ಮೈಲಿಗಲ್ಲನ್ನು ಮುಟ್ಟಲಿದ್ದಾರೆ.

ಇನ್ನಿತರ ಟೀಮ್ ಇಂಡಿಯಾ ಆಟಗಾರರು ಮುಟ್ಟಬಹುದಾದ ಮೈಲಿಗಲ್ಲುಗಳು

• ಇಲ್ಲಿಯವರೆಗೂ 149 ಅಂತರರಾಷ್ಟ್ರೀಯ ಏಕದಿನ ಪಂದ್ಯಗಳನ್ನಾಡಿರುವ ಶಿಖರ್ ಧವನ್ ಈ ಪಂದ್ಯದ ಮೂಲಕ 150ನೇ ಏಕದಿನ ಪಂದ್ಯವನ್ನಾಡಲಿದ್ದಾರೆ.

• 947 ಏಕದಿನ ರನ್ ಕಲೆಹಾಕಿರುವ ಶ್ರೇಯಸ್ ಅಯ್ಯರ್ ಈ ಪಂದ್ಯದಲ್ಲಿ 53 ರನ್ ಕಲೆಹಾಕಿದರೆ 1000 ಅಂತರರಾಷ್ಟ್ರೀಯ ಏಕದಿನ ರನ್ ಮೈಲಿಗಲ್ಲನ್ನು ಮುಟ್ಟಲಿದ್ದಾರೆ.

• 49 ಏಕದಿನ ಸಿಕ್ಸರ್ ಬಾರಿಸಿರುವ ರವೀಂದ್ರ ಜಡೇಜಾ ಈ ಪಂದ್ಯದಲ್ಲಿ ಇನ್ನೊಂದು ಸಿಕ್ಸರ್ ಬಾರಿಸಿದರೆ 50 ಅಂತರರಾಷ್ಟ್ರೀಯ ಏಕದಿನ ಸಿಕ್ಸರ್ ಬಾರಿಸಿದ ಮೈಲಿಗಲ್ಲು ಮುಟ್ಟಲಿದ್ದಾರೆ.

• 148 ಏಕದಿನ ವಿಕೆಟ್ ಪಡೆದಿರುವ ಮೊಹಮ್ಮದ್ ಶಮಿ ಈ ಪಂದ್ಯದಲ್ಲಿ 2 ವಿಕೆಟ್ ಪಡೆದರೆ ಅಂತರರಾಷ್ಟ್ರೀಯ ಏಕದಿನ ಕ್ರಿಕೆಟ್ ಮಾದರಿಯಲ್ಲಿ 150 ವಿಕೆಟ್ ಪಡೆದ ಮೈಲಿಗಲ್ಲನ್ನು ಮುಟ್ಟಲಿದ್ದಾರೆ.

• 93 ಏಕದಿನ ಬೌಂಡರಿಗಳನ್ನು ಬಾರಿಸಿರುವ ಶ್ರೇಯಸ್ ಅಯ್ಯರ್ ಈ ಪಂದ್ಯದಲ್ಲಿ 7 ಬೌಂಡರಿ ಬಾರಿಸಿದರೆ 100 ಏಕದಿನ ಬೌಂಡರಿಗಳನ್ನು ಬಾರಿಸಿದ ಮೈಲಿಗಲ್ಲನ್ನು ಮುಟ್ಟಲಿದ್ದಾರೆ.

• ಶ್ರೇಯಸ್ ಅಯ್ಯರ್ ರೀತಿ ಹಾರ್ದಿಕ್ ಪಾಂಡ್ಯ ಕೂಡ 93 ಏಕದಿನ ಬೌಂಡರಿಗಳನ್ನು ಬಾರಿಸಿದ್ದು ಈ ಪಂದ್ಯದಲ್ಲಿ 7 ಬೌಂಡರಿ ಬಾರಿಸಿದರೆ 100 ಅಂತರರಾಷ್ಟ್ರೀಯ ಏಕದಿನ ಬೌಂಡರಿ ಬಾರಿಸಿದ ಮೈಲಿಗಲ್ಲನ್ನು ಮುಟ್ಟಲಿದ್ದಾರೆ.

• 45 ಏಕದಿನ ವಿಕೆಟ್ ಪಡೆದಿರುವ ಅಕ್ಷರ್ ಪಟೇಲ್ ಈ ಪಂದ್ಯದಲ್ಲಿ 5 ವಿಕೆಟ್ ಪಡೆದರೆ 50 ಅಂತರರಾಷ್ಟ್ರೀಯ ಏಕದಿನ ವಿಕೆಟ್ ಪಡೆದ ಮೈಲಿಗಲ್ಲನ್ನು ಮುಟ್ಟಲಿದ್ದಾರೆ.

ಈ ಮೈಲಿಗಲ್ಲುಗಳತ್ತ ಆಂಗ್ಲರ ಚಿತ್ತ

ಇಂಗ್ಲೆಂಡ್ ತಂಡದ ಆಟಗಾರರು ಈ ಕೆಳಕಂಡ ಮೈಲಿಗಲ್ಲುಗಳನ್ನು ನಿರ್ಮಿಸುವತ್ತ ಚಿತ್ತ ನೆಟ್ಟಿದ್ದಾರೆ

• ಎಲ್ಲಾ ಮಾದರಿಯ ಕ್ರಿಕೆಟ್ ಸೇರಿದಂತೆ ಒಟ್ಟು 299 ಪಂದ್ಯಗಳನ್ನಾಡಿರುವ ಜೋಸ್ ಬಟ್ಲರ್ ಈ ಪಂದ್ಯದಲ್ಲಿ ಕಣಕ್ಕಿಳಿದರೆ 300 ಅಂತಾರಾಷ್ಟ್ರೀಯ ಪಂದ್ಯಗಳನ್ನಾಡಿದ ಮೈಲಿಗಲ್ಲನ್ನು ಮುಟ್ಟಲಿದ್ದಾರೆ.

• 491 ಏಕದಿನ ಬೌಂಡರಿಗಳನ್ನು ( 4 ) ಬಾರಿಸಿರುವ ಜೋ ರೂಟ್ ಈ ಪಂದ್ಯದಲ್ಲಿ 9 ಬೌಂಡರಿ ಬಾರಿಸಿದರೆ 500 ಏಕದಿನ ಬೌಂಡರಿಗಳನ್ನು ಬಾರಿಸಿದ ಮೈಲಿಗಲ್ಲನ್ನು ಮುಟ್ಟಲಿದ್ದಾರೆ.

• 3498 ಏಕದಿನ ರನ್ ಬಾರಿಸಿರುವ ಜಾನಿ ಬೈರ್ ಸ್ಟೋವ್ ಈ ಪಂದ್ಯದಲ್ಲಿ 2 ರನ್ ಕಲೆಹಾಕಿದರೆ 3500 ಏಕದಿನ ರನ್ ಪೂರೈಸಿದ ಮೈಲಿಗಲ್ಲನ್ನು ಮುಟ್ಟಲಿದ್ದಾರೆ.