IND vs ENG 5ನೇ ಟೆಸ್ಟ್: ಸಂಕಷ್ಟದಲ್ಲಿರುವ ಇಂಗ್ಲೆಂಡ್ ಫಾಲೋಆನ್ ತಪ್ಪಿಸಿಕೊಳ್ಳಲು ಇಷ್ಟು ರನ್ ಗಳಿಸಲೇಬೇಕು!

ಫಾಲೋ ಆನ್‌ನಿಂದ ಪಾರಾಗಲು ಎಷ್ಟು ರನ್ ಗಳಿಸಬೇಕು?

ಸದ್ಯ ಎರಡನೇ ದಿನದಾಟದಂತ್ಯಕ್ಕೆ 5 ವಿಕೆಟ್ ನಷ್ಟಕ್ಕೆ 84 ರನ್ ಕಲೆಹಾಕಿ 332 ರನ್‌ಗಳ ಹಿನ್ನಡೆಯನ್ನು ಅನುಭವಿಸಿರುವ ಇಂಗ್ಲೆಂಡ್ ಫಾಲೋಆನ್ ತಪ್ಪಿಸಿಕೊಳ್ಳಲು ಇನ್ನೂ 132 ರನ್ ಬಾರಿಸಲೇಬೇಕಾದ ಅಗತ್ಯವಿದೆ. ಅಂದರೆ ಟೀಂ ಇಂಡಿಯಾ ಇಂಗ್ಲೆಂಡ್ ತಂಡವನ್ನು 216 ರನ್‌ಗಳ ಒಳಗೆ ಆಲೌಟ್ ಮಾಡಿದ್ದೇ ಆದರೆ ಇಂಗ್ಲೆಂಡ್ ತಂಡವೇ ಎರಡನೇ ಇನ್ನಿಂಗ್ಸ್‌ನಲ್ಲಿ ಮೊದಲು ಬ್ಯಾಟಿಂಗ್ ಆರಂಭಿಸಿ ಫಾಲೋಆನ್ ನಿಯಮವನ್ನು ಅನುಸರಿಸಲಿದೆ.

ಕಣದಲ್ಲಿದ್ದಾರೆ ಬೈರ್ ಸ್ಟೋ ಮತ್ತು ಬೆನ್ ಸ್ಟೋಕ್ಸ್

ಇನ್ನು ಇಂಗ್ಲೆಂಡ್ ಸಂಕಷ್ಟಕ್ಕೆ ಸಿಲುಕಿಕೊಂಡಿದ್ದರೂ ಸಹ ಎರಡನೇ ದಿನದಾಟದಂತ್ಯಕ್ಕೆ ಇಬ್ಬರು ಬಲಿಷ್ಠ ಆಟಗಾರರು ಕ್ರೀಸ್ ಕಾಯ್ದುಕೊಂಡಿರುವುದು ಆಂಗ್ಲರಿಗೆ ತುಸು ಸಮಾಧಾನಕರ ಸಂಗತಿಯಾಗಿದೆ. ಕಳೆದ ನ್ಯೂಜಿಲೆಂಡ್ ಟೆಸ್ಟ್ ಸರಣಿಯಲ್ಲಿ ಮಿಂಚಿದ ಜಾನಿ ಬೈರ್ ಸ್ಟೋ ಮತ್ತು ನೂತನ ನಾಯಕ ಬೆನ್ ಸ್ಟೋಕ್ಸ್ ಕಣದಲ್ಲಿರುವುದು ಇಂಗ್ಲೆಂಡ್ ಪಾಳಯದಲ್ಲಿ ಭರವಸೆ ಮೂಡಿಸಿದೆ. ಅಷ್ಟು ಮಾತ್ರವಲ್ಲದೇ ಟೀಮ್ ಇಂಡಿಯಾ ಕೂಡ ಇದೇ ರೀತಿ ಅಲ್ಪ ಮೊತ್ತಕ್ಕೆ 5 ವಿಕೆಟ್ ಕಳೆದುಕೊಂಡು ನಂತರ ಪುಟಿದೆದ್ದದ್ದು ಇಲ್ಲಿ ಗಮನಿಸಬೇಕಾದ ಅಂಶವಾಗಿದೆ.

ಜಾನಿ ಬೆರಿಸ್ಟೋ ಕಣ್ಣೀರ ಕಥೆ | Oneindia Kannada

ಪಂದ್ಯ ಟೀಮ್ ಇಂಡಿಯಾ ಬೌಲಿಂಗ್ ಗೇಮ್ ಪ್ಲಾನ್ ಮೇಲೆ ನಿಂತಿದೆ

ಇನ್ನು ಎರಡನೇ ದಿನದಾಟದಂದು ಟೀಮ್ ಇಂಡಿಯಾ 5 ವಿಕೆಟ್‍ಗಳನ್ನು ಕಬಳಿಸಿದೆ. ಟೀಮ್ ಇಂಡಿಯಾ ಪರ ಬೌಲಿಂಗ್ ಮಾಡಿರುವುದು ಜಸ್ ಪ್ರೀತ್ ಬೂಮ್ರಾ, ಮೊಹಮ್ಮದ್ ಶಮಿ ಮತ್ತು ಮಹಮ್ಮದ್ ಸಿರಾಜ್ ಈ 3 ಬೌಲರ್‌ಗಳು ಮಾತ್ರ. ಹೀಗೆ ರವೀಂದ್ರ ಜಡೇಜಾ ಹಾಗೂ ಶಾರ್ದೂಲ್ ಠಾಕೂರ್ ಅವರಿಗೆ ಬೌಲಿಂಗ್ ಮಾಡುವ ಅವಕಾಶವನ್ನೇ ನೀಡದ ಟೀಮ್ ಇಂಡಿಯಾ ವಿಭಿನ್ನವಾದ ಯೋಜನೆ ಹೆಣೆದಿದ್ದು, ಮೂರನೇ ದಿನದಾಟದಂದು ಆರಂಭದಲ್ಲಿ ನೂತನ ಬೌಲರ್‌ಗಳನ್ನು ಕಣಕ್ಕಿಳಿಸಿದರೆ ವಿಕೆಟ್ ಪಡೆಯುವ ಸಾಧ್ಯತೆಗಳು ಹೆಚ್ಚಿವೆ.