250 ವಿಕೆಟ್ ಪಡೆದು ದಿಗ್ಗಜರ ಸಾಲಿನಲ್ಲಿ ನಿಂತ ಇಶಾಂತ್ ಶರ್ಮ!

ಭಾರತದ ಮೂರನೇ ವೇಗಿ

250 ವಿಕೆಟ್ ಪಡೆದ ಭಾರತದ ಮೂರನೇ ವೇಗಿ ಎಂಬ ಹೆಗ್ಗಳಿಕೆಯನ್ನು ಪಡೆದಿದ್ದಾರೆ. ಮೊದಲು ಭಾರತದ ಆಲ್​ರೌಂಡರ್​ ಕಪಿಲ್​ ದೇವ್​(434), ಜಹೀರ್​ ಖಾನ್​​(311)ವಿಕೆಟ್​ ಗಳಿಸಿದ್ದಾರೆ.

ಒಟ್ಟಾರೆ, ಕಪಿಲ್ ದೇವ್ 131 ಟೆಸ್ಟ್ ಪಂದ್ಯಗಳಿಂದ 434 ವಿಕೆಟ್ ಗಳಿಸಿದ್ದು, 29.64 ವಿಕೆಟ್ ಗಳಿಕೆ ಸರಾಸರಿ ಹೊಂದಿದ್ದಾರೆ. 23 ಬಾರಿ 5 ವಿಕೆಟ್ ಹಾಗೂ 2 ಬಾರಿ 10 ವಿಕೆಟ್ ಗಳಿಸಿದ್ದಾರೆ.

ಜಹೀರ್ ಖಾನ್ ಅವರು 92 ಪಂದ್ಯಗಳಿಂದ 311 ವಿಕೆಟ್ ಗಳಿಸಿದ್ದು, 32.94 ವಿಕೆಟ್ ಗಳಿಕೆ ಸರಾಸರಿ ಹೊಂದಿದ್ದಾರೆ. 11 ಬಾರಿ 5 ವಿಕೆಟ್ ಹಾಗೂ 1 ಬಾರಿ ಪಂದ್ಯವೊಂದರಲ್ಲಿ 10 ವಿಕೆಟ್ ಪಡೆದಿದ್ದಾರೆ.

ಇಶಾಂತ್ ಶರ್ಮ 86 ಪಂದ್ಯಗಳಲ್ಲಿ 35.04 ವಿಕೆಟ್ ಗಳಿಕೆ ಸರಾಸರಿಯೊಂದಿಗೆ 8 ಬಾರಿ 5 ವಿಕೆಟ್ ಹಾಗೂ 1 ಬಾರಿ 10 ವಿಕೆಟ್ ಪಡೆದಿದ್ದಾರೆ.

ಭಾರತದ ಏಳನೇ ಬೌಲರ್

250ಪ್ಲಸ್ ವಿಕೆಟ್ ಪಡೆದವರ ಪೈಕಿ, ಇಶಾಂತ್, ಭಾರತದ ಏಳನೇ ಬೌಲರ್ ಎನಿಸಿಕೊಂಡಿದ್ದಾರೆ.
ಅನಿಲ್ ಕುಂಬ್ಳೆ : 132 ಪಂದ್ಯಗಳಿಂದ 619 ವಿಕೆಟ್
ಕಪಿಲ್ ದೇವ್ : 131 ಪಂದ್ಯಗಳಿಂದ 434
ಹರ್ಭಜನ್ ಸಿಂಗ್ : 103 ಪಂದ್ಯಗಳಿಂದ 417
ಆರ್ ಅಶ್ವಿನ್ : 62 ಪಂದ್ಯಗಳಿಂದ 324
ಜಹೀರ್ ಖಾನ್ : 92 ಪಂದ್ಯಗಳಿಂದ 311
ಬಿಷನ್ ಸಿಂಗ್ ಬೇಡಿ : 67 ಪಂದ್ಯಗಳಿಂದ 266
ಇಶಾಂತ್ ಶರ್ಮ : 86 ಪಂದ್ಯಗಳಿಂದ 250

ಇಂಗ್ಲೆಂಡಿನಲ್ಲಿ 50ಪ್ಲಸ್ ವಿಕೆಟ್ ಗಳಿಕೆ

ಇಂಗ್ಲೆಂಡ್ ವಿರುದ್ಧ ಭಾರತೀಯ ಬೌಲರ್ ಗಳ ಸಾಧನೆ ಗಮನಿಸಿದರೆ, ಇಶಾಂತ್ ಅವರು ವೇಗಿಗಳ ಪೈಕಿ ಕಡಿಮೆ ಪಂದ್ಯಗಳಿಂದ 50 ವಿಕೆಟ್ ಗಳಿಸಿದ್ದಾರೆ. ಈ ಪಟ್ಟಿಯಲ್ಲೂ ಇಶಾಂತ್ ಏಳನೇ ಸ್ಥಾನದಲ್ಲಿದ್ದಾರೆ.

* ಬಿಎಸ್ ಚಂದ್ರಶೇಖರ್ 23 ಪಂದ್ಯದಿಂದ 95ವಿಕೆಟ್
* ಅನಿಲ್ ಕುಂಬ್ಳೆ 19 ಪಂದ್ಯಗಳಿಂದ 92
* ಬಿಷನ್ ಸಿಂಗ್ ಬೇಡಿ: 22 ಪಂದ್ಯಗಳಿಂದ 85
* ಕಪಿಲ್ ದೇವ್ : 27 ಪಂದ್ಯಗಳಿಂದ 85
* ಮಂಕಡ್ : 11 ಪಂದ್ಯಗಳಿಂದ 54
* ಆರ್ ಅಶ್ವಿನ್ : 15 ಪಂದ್ಯಗಳಿಂದ 53
* ಇಶಾಂತ್ ಶರ್ಮ : 16 ಪಂದ್ಯಗಳಿಂದ 50

ನಿಧಾನಗತಿಯಲ್ಲಿ 250 ವಿಕೆಟ್ ಪಡೆದವರು

ಟೆಸ್ಟ್ ಇತಿಹಾಸದಲ್ಲಿ ನಿಧಾನಗತಿಯಲ್ಲಿ 250 ವಿಕೆಟ್ ಪಡೆದವರ ಪಟ್ಟಿಯಲ್ಲಿ ಇಶಾಂತ್ ಎರಡನೇ ಸ್ಥಾನದಲ್ಲಿದ್ದಾರೆ.

ಜಾಕ್ ಕಾಲಿಸ್ (ದಕ್ಷಿಣ ಅಫ್ರಿಕಾ) : 137 ಪಂದ್ಯ
ಇಶಾಂತ್ ಶರ್ಮ (ಭಾರತ) : 86
ಡೇನಿಯಲ್ ವೆಟ್ಟೋರಿ (ನ್ಯೂಜಿಲೆಂಡ್) : 81
ಚಮಿಂಡಾ ವಾಸ್(ಶ್ರೀಲಂಕಾ) : 77
ಮಾರ್ನೆ ಮಾರ್ಕೆಲ್ (ದಕ್ಷಿಣ ಆಫ್ರಿಕಾ): 74