ಭಾರತ ಎಷ್ಟೇ ಗುರಿ ನೀಡಿದರೂ ನಾವು ಬೆನ್ನಟ್ಟಲಿದ್ದೇವೆ: ಭಾರತಕ್ಕೆ ಬೈರ್‌ಸ್ಟೋವ್ ಎಚ್ಚರಿಕೆ

ದೊಡ್ಡ ಗುರಿ ನೀಡುವತ್ತ ಭಾರತ

ಮೊದಲ ಇನ್ನಿಂಗ್ಸ್‌ನಲ್ಲಿ ಭಾರತ ತಂಡ 132 ರನ್‌ಗಳ ಮುನ್ನಡೆ ಸಾಧಿಸುವಲ್ಲಿ ಯಶಸ್ವಿಯಾಗಿತ್ತು. ನಂತರ ಎರಡನೇ ಇನ್ನಿಂಗ್ಸ್ ಆರಂಭಿಸಿರುವ ಭಾರತ ಮೂರು ವಿಕೆಟ್ ಕಳೆದುಕೊಂಡು 125 ರನ್‌ಗಳಿಸಿದೆ. ಹೀಗಾಗಿ ಭಾರತ ತಂಡ ಎರಡನೇ ಇನ್ನಿಂಗ್ಸ್‌ನಲ್ಲಿ ಬೃಹತ್ ಗುರಿ ನಿಡುವತ್ತ ಸಾಗಿದೆ. ಎರಡು ದಿನಗಳ ಸಂಪೂರ್ಣ ಆಟ ಬಾಕಿರುವ ಕಾರಣ ಭಾರತ 400ಕ್ಕೂ ಅಧಿಕ ರನ್‌ಗಳ ಗುರಿ ನೀಡುವ ಸಾಧ್ಯತೆಯಿದೆ ಎನ್ನಲಾಗಿದೆ. ಈ ವಿಚಾರವಾಗಿ ಬೈರ್‌ಸ್ಟೋವ್ ತಮ್ಮ ತಂಡದ ಬಗ್ಗೆ ಅತಿ ಆತ್ಮವಿಶ್ವಾಸದಿಂದಲೇ ಪ್ರತಿಕ್ರಿಯಿಸಿದ್ದಾರೆ.

ನಮ್ಮ ಯೋಜನೆಯಂತೆಯೇ ಮುನ್ನುಗ್ಗಲಿದ್ದೇವೆ

ಇಂಗ್ಲೆಂಡ್ ತಂಡಕ್ಕೆ ಬೆನ್ ಸ್ಟೋಕ್ಸ್ ಹೊಸ ನಾಯಕನಾಗಿ ಆಯ್ಕೆಯಾದ ಬಳಿಕ ಹಾಗೂ ಕೋಚ್ ಆಗಿ ಬ್ರೆಂಡನ್ ಮೆಕ್ಕಲಮ್ ನೇಮಕವಾದ ಬಳಿಕ ಟೆಸ್ಟ್ ಮಾದರಿಯಲ್ಲಿ ಆಕ್ರಮಣಕಾರಿ ಆಟಕ್ಕೆ ಒತ್ತು ನೀಡುತ್ತಿದೆ. ನ್ಯೂಜಿಲೆಂಡ್ ವಿರುದ್ಧದ ಸರಣಿಯ ಮೂರು ಪಂದ್ಯದಲ್ಲಿಯೂ ಇದೇ ಮಾದರಿಯಲ್ಲಿ ಭರ್ಜರಿ ಪ್ರದರ್ಶನ ನಿಡಿ ಇಂಗ್ಲೆಂಡ್ ಗೆಲುವು ಸಾಧಿಸಿತ್ತು. ಈ ಪಂದ್ಯದಲ್ಲಿ ಭಾರತ ತಮಡ 400ಕ್ಕೂ ಅಧಿಕ ರನ್‌ಗಳ ಗುರಿಯನ್ನು ನೀಡಿದರೂ ತಮ್ಮ ತಂಡ ಹಿಂದಿನಂತೆಯೇ ಆಕ್ರಮಣಕಾರಿಯಾಗಿಯೇ ಮುನ್ನುಗ್ಗಲಿದೆ. ಇದರಲ್ಲಿ ಯಾವುದೇ ಬದಲಾವಣೆಯಿಲ್ಲ ಎಂದಿದ್ದಾರೆ.

ಎಷ್ಟು ಗುರಿಯನ್ನಾದರೂ ನೀಡಲಿಲ್ಲ

ನಾಲ್ಕನೇ ದಿನದಾಟಕ್ಕೂ ಮುನ್ನ ಮಾತನಾಡಿದ ಬೈರ್‌ಸ್ಟೋವ್ "ಭಾರತ ಎಷ್ಟು ಗುರಿಯನ್ನಾದರೂ ನಿಗದಿಪಡಿಸಲಿ. ಅಂಕಿಅಂಶಗಳತ್ತ ನೋಡುವುದರಲ್ಲಿ ಅರ್ಥವಿಲ್ಲ. ಇದು ಟೆಸ್ಟ್ ಪಂದ್ಯ ಎಂಬುದು ನಮಗೆ ತಿಳಿದಿದೆ. ಇದು ನಾಲ್ಕನೇ ದಿನವಾಗಿದ್ದು ಐದನೇ ದಿನನೇ ದಿನದ ಪಿಚ್‌ನಲ್ಲಿ ನಾವು ಆಡಲಿದ್ದೇವೆ ಎಂಬುದು ನಮಗೆ ಅರಿವಿದೆ. ಅದು ಪರವಾಗಿಲ್ಲ. ಆದರೆ ನಾವು ನಮ್ಮದೇ ರೀತಿಯಲ್ಲಿ ಆಕ್ರಮಣಕಾರಿಯಾಗಿ ಆಡಲಿದ್ದೇವೆ. ಅದೇ ರೀತಿಯಾಗಿ ಈ ಪಂದ್ಯದಲ್ಲಿ ನಾವು ಮುನ್ನುಗ್ಗಲಿದ್ದೇವೆ" ಎಂದಿದ್ದಾರೆ ಜಾನಿ ಬೈರ್‌ಸ್ಟೋವ್.

ಇತ್ತಂಡಗಳ ಆಡುವ ಬಳಗ

ಇಂಗ್ಲೆಂಡ್: ಅಲೆಕ್ಸ್ ಲೀಸ್, ಝಾಕ್ ಕ್ರಾಲಿ, ಆಲಿ ಪೋಪ್, ಜೋ ರೂಟ್, ಜಾನಿ ಬೈರ್‌ಸ್ಟೋವ್, ಬೆನ್ ಸ್ಟೋಕ್ಸ್ (ನಾಯಕ), ಸ್ಯಾಮ್ ಬಿಲ್ಲಿಂಗ್ಸ್ (ವಿಕೆಟ್ ಕೀಪರ್), ಸ್ಟುವರ್ಟ್ ಬ್ರಾಡ್, ಮ್ಯಾಟಿ ಪಾಟ್ಸ್, ಜ್ಯಾಕ್ ಲೀಚ್, ಜೇಮ್ಸ್ ಆಂಡರ್ಸನ್
ಬೆಂಚ್: ಬೆನ್ ಫೋಕ್ಸ್, ಜೇಮೀ ಓವರ್ಟನ್, ಕ್ರೇಗ್ ಓವರ್ಟನ್, ಹ್ಯಾರಿ ಬ್ರೂಕ್
ಭಾರತ: ಶುಬ್ಮನ್ ಗಿಲ್, ಚೇತೇಶ್ವರ ಪೂಜಾರ, ವಿರಾಟ್ ಕೊಹ್ಲಿ, ಹನುಮ ವಿಹಾರಿ, ಶ್ರೇಯಸ್ ಅಯ್ಯರ್, ರಿಷಭ್ ಪಂತ್ (ವಿಕೆಟ್ ಕೀಪರ್), ರವೀಂದ್ರ ಜಡೇಜಾ, ಶಾರ್ದೂಲ್ ಠಾಕೂರ್, ಮೊಹಮ್ಮದ್ ಶಮಿ, ಮೊಹಮ್ಮದ್ ಸಿರಾಜ್, ಜಸ್ಪ್ರೀತ್ ಬುಮ್ರಾ (ನಾಯಕ)
ಬೆಂಚ್: ಉಮೇಶ್ ಯಾದವ್, ಶ್ರೀಕರ್ ಭರತ್, ಪ್ರಸಿದ್ಧ್ ಕೃಷ್ಣ, ರವಿಚಂದ್ರನ್ ಅಶ್ವಿನ್