IND vs ENG: ಮೊದಲ ಟೆಸ್ಟ್ ಪಂದ್ಯದ ಸೋಲಿಗೆ ಇದೇ ಕಾರಣ; ರಾಹುಲ್ ದ್ರಾವಿಡ್ ಗರಂ!

ಭಾನುವಾರ, ಜನವರಿ 28ರಂದು ಹೈದರಾಬಾದ್‌ನ ರಾಜೀವ್ ಗಾಂಧಿ ಅಂತಾರಾಷ್ಟ್ರೀಯ ಸ್ಟೇಡಿಯಂನಲ್ಲಿ ನಡೆದ ಮೊದಲ ಟೆಸ್ಟ್ ಪಂದ್ಯದಲ್ಲಿ ಆತಿಥೇಯ ಭಾರತ ತಂಡದ ಬೆನ್ ಸ್ಟೋಕ್ಸ್ ನಾಯಕತ್ವದ ಪ್ರವಾಸಿ ಇಂಗ್ಲೆಂಡ್ ತಂಡವು 28 ರನ್‌ಗಳ ಐತಿಹಾಸಿಕ ಗೆಲುವು ಸಾಧಿಸಿತು.

ತವರಿನ ಹೊರಗೆ ಆಡುವಾಗ ಇಂಗ್ಲೆಂಡ್ ನಂಬಲಾಗದ ಸ್ಥಿರತೆಯ ಆಟವನ್ನು ಪ್ರದರ್ಶಿಸಿತು ಮತ್ತು ಪವಾಡ ರೀತಿಯ ಗೆಲುವನ್ನು ಸಾಧಿಸಿತು. ಸುಲಭವಾಗಿ ಗೆಲ್ಲಬಹುದಾಗಿದ್ದ ಪಂದ್ಯವನ್ನು ಬ್ಯಾಟರ್‌ಗಳ ವೈಫಲ್ಯದಿಂದ ಆತಿಥೇಯ ತಂಡವು ಬಿಟ್ಟುಕೊಟ್ಟಿತು.

ರೋಹಿತ್ ಶರ್ಮಾ ನಾಯಕತ್ವದ ಭಾರತ ತಂಡವು ಪಂದ್ಯವನ್ನು ಗೆಲ್ಲಲು ಮತ್ತು ಸರಣಿಯಲ್ಲಿ ಮುನ್ನಡೆ ಸಾಧಿಸಲು 231 ರನ್‌ಗಳ ಗುರಿ ಬೆನ್ನಟ್ಟಿತು. ಆದರೆ, 202 ರನ್‌ಗಳಿಗೆ ಆಲೌಟ್ ಆಗಿದ್ದರಿಂದ ಹೀನಾಯವಾಗಿ ಪಂದ್ಯವನ್ನು ಸೋತಿತು.

ಸೋಲಿನ ಬಗ್ಗೆ ಮಾತನಾಡಿದ ಭಾರತದ ಮುಖ್ಯ ಕೋಚ್ ರಾಹುಲ್ ದ್ರಾವಿಡ್, ಟೀಮ್ ಇಂಡಿಯಾ ಅಗತ್ಯಕ್ಕಿಂತ 70-80 ಕಡಿಮೆ ರನ್ ಗಳಿಸಿದೆ ಎಂದು ಭಾವಿಸಿದರು. ಪಿಚ್‌ನ ಸವಾಲಿನ ಸ್ವರೂಪದ ಬಗ್ಗೆಯೂ ಅವರು ಮಾತನಾಡಿದ ಅವರು, ಇದು ಬ್ಯಾಟರ್‌ಗಳನ್ನು ಅಸಹಾಯಕಗೊಳಿಸಿತು ಎಂದರು.

"ನನ್ನ ಪ್ರಕಾರ, ನಾಲ್ಕನೇ ದಿನ ಪಿಚ್ ಸವಾಲಿನಿಂದ ಕೂಡಿತ್ತು ಮತ್ತು ಬ್ಯಾಟರ್‌ಗಳನ್ನು ನಿರ್ಣಯಿಸಲು ನಾನು ತುಂಬಾ ಕಠಿಣವಾಗಲಿಲ್ಲ. ವಾಸ್ತವವಾಗಿ ನಾವು ಮೊದಲ ಇನ್ನಿಂಗ್ಸ್‌ನಲ್ಲಿ ಸ್ಕೋರ್ ಬೋರ್ಡ್‌ನಲ್ಲಿ ಬಹುಶಃ 70 ರನ್‌ಗಳನ್ನು ಕಡಿಮೆ ಗಳಿಸಿದ್ದೇವೆ ಎಂದು ಭಾವಿಸಿದೆ. ಎರಡನೆ ದಿನದಂದು ಬ್ಯಾಟಿಂಗ್ ಮಾಡಲು ಪಿಚ್‌ನ ಪರಿಸ್ಥಿತಿಗಳು ಉತ್ತಮವಾಗಿದ್ದವ".

"ಅಂತಹ ಸಂದರ್ಭಗಳಲ್ಲಿ ನಾವು ಕೆಲವು ಉತ್ತಮ ಆರಂಭಗಳನ್ನು ಪಡೆದುಕೊಂಡಿದ್ದೇವೆ. ಆದರೆ, ನಾವು ನಿಜವಾಗಿಯೂ ಅದನ್ನು ಲಾಭ ಮಾಡಿಕೊಳ್ಳಲಿಲ್ಲ. ನಾವು ಒಂದೇ ಒಂದು ಶತಕ ಗಳಿಸಲು ಸಾಧ್ಯವಾಗಲಿಲ್ಲ. ಯಾವುದೇ ಒಬ್ಬ ಬ್ಯಾಟರ್ ನಮಗೆ ದೊಡ್ಡ ಶತಕವನ್ನು ಗಳಿಸಲು ಸಾಧ್ಯವಾಗಿದ್ದರೆ ಪರಿಸ್ಥಿತಿ ಬೇರೆ ಆಗಿರುತ್ತಿತ್ತು".

"ಹೀಗಾಗಿ ಕೆಲವು ರೀತಿಯಲ್ಲಿ ನಾವು ಮೊದಲ ಇನ್ನಿಂಗ್ಸ್‌ನಲ್ಲಿ ಆ 70-80 ರನ್‌ಗಳನ್ನು ಬಿಟ್ಟುಕೊಟ್ಟಿದ್ದೇವೆ ಎಂದು ನಾನು ಭಾವಿಸುತ್ತೇನೆ," ಎಂದು ಭಾರತ ತಂಡದ ಮುಖ್ಯ ಕೋಚ್ ರಾಹುಲ್ ದ್ರಾವಿಡ್ ಪಂದ್ಯದ ನಂತರದ ಪತ್ರಿಕಾಗೋಷ್ಠಿಯಲ್ಲಿ ಹೇಳಿದರು.

ಒಲ್ಲಿ ಪೋಪ್ ಇನ್ನಿಂಗ್ಸ್ ಪಂದ್ಯವನ್ನು ವ್ಯತ್ಯಾಸ ಮಾಡಿತು: ರಾಹುಲ್ ದ್ರಾವಿಡ್

ಇದೇ ವೇಳೆ ರಾಹುಲ್ ದ್ರಾವಿಡ್ ಅವರು ಇಂಗ್ಲೆಂಡ್ ಬ್ಯಾಟರ್ ಒಲ್ಲಿ ಪೋಪ್ ಅವರ ಬೃಹತ್ ಇನ್ನಿಂಗ್ಸ್‌ನ ಬಗ್ಗೆ ಮೆಚ್ಚುಗೆಯನ್ನು ವ್ಯಕ್ತಪಡಿಸಿದರು. ಅದು ಭಾರತ ತಂಡವನ್ನು ಪಂದ್ಯದಿಂದ ದೂರ ಕರೆದುಕೊಂಡು ಹೋಯಿತು ಎಂದು ಅಭಿಪ್ರಾಯಪಟ್ಟರು.

ಇಂಗ್ಲೆಂಡ್‌ನ ಎರಡನೇ ಇನ್ನಿಂಗ್ಸ್‌ನಲ್ಲಿ ಒಲ್ಲಿ ಪೋಪ್ 278 ಎಸೆತಗಳಲ್ಲಿ 196 ರನ್ ಗಳಿಸಿದರು ಎಂಬುದು ಗಮನಾರ್ಹ ಅಂಶವಾಗಿದೆ. ಇದು ಇಂಗ್ಲೆಂಡ್ ತಂಡವು ಆತಿಥೇಯರಿಗೆ ಗುರಿ ಬೆನ್ನಟ್ಟಲು ಸ್ಕೋರ್ ಬೋರ್ಡ್‌ನಲ್ಲಿ ದೊಡ್ಡ ಮೊತ್ತವನ್ನು ಕಲೆಹಾಕಲು ಸಹಾಯ ಮಾಡಿತು.

"ನಾವು ಬಹುಶಃ 232 ರನ್‌ಗಳ ದೊಡ್ಡ ಗುರಿ ಹೊಂದಬಾರದಾಗಿತ್ತು. ನಿಜವಾಗಿಯೂ ಅಸಾಧಾರಣ ಇನ್ನಿಂಗ್ಸ್ ನಮ್ಮನ್ನು ಆ ಮೊತ್ತದ ರನ್‌ಗಳನ್ನು ಬೆನ್ನಟ್ಟುವಂತೆ ಮಾಡುತ್ತದೆ. ಹಾಗಾಗಿ ನನಗೆ ಒಲ್ಲಿ ಪೋಪ್‌ ಅವರ ಇನ್ನಿಂಗ್ಸ್ ನಿಜವಾಗಿಯೂ ಆಟದಲ್ಲಿನ ವ್ಯತ್ಯಾಸ ಎಂದು ನಾನು ಭಾವಿಸುತ್ತೇನೆ".

"ಒಲ್ಲಿ ಪೋಪ್‌ ಹೆಚ್ಚಿನ ಅಪಾಯದ ಶಾಟ್‌ಗಳನ್ನು ಆಡಿದರು. ಆದರೆ ಅವುಗಳನ್ನು ಉತ್ತಮವಾಗಿ ಕಾರ್ಯಗತಗೊಳಿಸಿದ್ದು ಅದು ನಮಗೆ ಹಿನ್ನಡೆ ಉಂಟುಮಾಡಿದೆ ಮತ್ತು ಇದು ನಂಬಲಸಾಧ್ಯವಾಗಿದೆ. ಇಂತಹ ವಿಕೆಟ್‌ನಲ್ಲಿ ಬೇರೆ ಯಾರೂ 50 ಗಳಿಸದೇ ಇದ್ದಾಗ 196 ರನ್ ಆಟದಲ್ಲಿ ವ್ಯತ್ಯಾಸವಾಗಿತ್ತು," ಎಂದು ರಾಹುಲ್ ದ್ರಾವಿಡ್ ತಿಳಿಸಿದರು.