IND vs ENG: 'ಮರೀಬೇಡ, ಚೇತೇಶ್ವರ ಪೂಜಾರ ಕಾಯುತ್ತಿದ್ದಾನೆ'; ಶುಭ್ಮನ್ ಗಿಲ್‌ಗೆ ಎಚ್ಚರಿಕೆ ಕೊಟ್ಟ ರವಿಶಾಸ್ತ್ರಿ

ಕಳೆದ 12 ತಿಂಗಳುಗಳಲ್ಲಿ ಡ್ಯಾಶಿಂಗ್ ಓಪನರ್ ಶುಭ್ಮನ್ ಗಿಲ್ ಅವರ ಕ್ರಿಕೆಟ್ ಪಯಣವು ಸಂಪೂರ್ಣ ತಿರುವು ಮುರುವು ಪಡೆದುಕೊಂಡಿದೆ. ಇದಕ್ಕೆ ತಾಜಾ ಉದಾಹರಣೆ, ಇಂಗ್ಲೆಂಡ್ ವಿರುದ್ಧದ ಟೆಸ್ಟ್ ಸರಣಿಯಲ್ಲಿ ಕಳಪೆ ಬ್ಯಾಟಿಂಗ್ ಪ್ರದರ್ಶನ.

ಒಂದು ಕಾಲದಲ್ಲಿ ಸರಣಿ ಗಮನಾರ್ಹ ಪ್ರದರ್ಶನಗಳ ನಂತರ 'ಪ್ರಿನ್ಸ್' ಎಂದು ಪ್ರಶಂಸಿಸಲ್ಪಟ್ಟ ಶುಭ್ಮನ್ ಗಿಲ್ ಇದೀಗ ಕಳಪೆ ಬ್ಯಾಟಿಂಗ್ ಫಾರ್ಮ್‌ನೊಂದಿಗೆ ಹೋರಾಡುತ್ತಿದ್ದಾರೆ. ಇದು ಮೈದಾನದಲ್ಲಿ ಅವರ ಇತ್ತೀಚಿನ ಹೆಣಗಾಟವು ಸ್ಪಷ್ಟವಾಗಿ ಕಂಡುಬರುತ್ತದೆ.

2ನೇ ಟೆಸ್ಟ್‌ ಪಂದ್ಯದಲ್ಲಿ ಇಂಗ್ಲೆಂಡ್ ವಿರುದ್ಧದ ಶುಭ್ಮನ್ ಗಿಲ್ 34 ರನ್‌ಗಳ ಇನ್ನಿಂಗ್ಸ್ ಮೂಲಕ ಉತ್ತಮ ಸಮಯ ಮತ್ತು ಶಾಟ್ ಎಕ್ಸಿಕ್ಯೂಶನ್ ಪ್ರದರ್ಶಿಸಿದರೂ, ಅವರ ಬ್ಯಾಟಿಂಗ್‌ನಲ್ಲಿ ಸ್ಥಿರತೆಯ ಸಮಸ್ಯೆಯ ಸುಳಿವು ನೀಡಿದೆ.

2023ರ ಏಕದಿನ ವಿಶ್ವಕಪ್‌ನಲ್ಲಿ ಡೆಂಗ್ಯೂ ಜ್ವರದಿಂದ ಚೇತರಿಸಿಕೊಂಡ ನಂತರ, ಶುಭ್ಮನ್ ಗಿಲ್ ಕ್ರೀಸ್‌ನಲ್ಲಿ ಅದೇ ಶಕ್ತಿಯಾಗಿ ಉಳಿದಿಲ್ಲ. ಹೆಚ್ಚಿನ ಸ್ಕೋರ್‌ಗಳನ್ನು ಗಳಿಸುವಲ್ಲಿ ಗಮನಾರ್ಹ ಕುಸಿತ ಮತ್ತು ಕಡಿಮೆ ರನ್‌ಗಳ ಸಂಖ್ಯೆ ಹೆಚ್ಚಳವು ಅವರ ಬ್ಯಾಟಿಂಗ್ ಸವಾಲುಗಳನ್ನು ಎತ್ತಿ ತೋರಿಸುತ್ತದೆ.

ನಿಧಾನವಾಗಿ ಚೇತರಿಸಿಕೊಳ್ಳುವ ಚೇತೇಶ್ವರ ಪೂಜಾರ ಬದಲಿಗೆ ಶುಭ್ಮನ್ ಗಿಲ್ ಅವರನ್ನು ಮೂರನೇ ಕ್ರಮಾಂಕಕ್ಕೆ ವರ್ಗಾಯಿಸಲು ಭಾರತ ತಂಡದ ಮ್ಯಾನೇಜ್‌ಮೆಂಟ್‌ನ ನಿರ್ಧಾರವು ಪ್ರಗತಿಯಲ್ಲಿದೆ ಎಂದು ತೋರುತ್ತದೆ.

ಇದೀಗ ಭಾರತ ತಂಡದ ಮಾಜಿ ಮುಖ್ಯ ಕೋಚ್ ರವಿಶಾಸ್ತ್ರಿ ಯಾರನ್ನೂ ಹೆಸರಿಸದೆ, ಭಾರತದ ಆಡುವ 11ರ ಬಳಗದಲ್ಲಿ ಸ್ಥಾನಕ್ಕಾಗಿ ಸ್ಪರ್ಧಿಸುತ್ತಿರುವ ಯುವ ಆಟಗಾರರಿಗೆ ಸಮಯೋಚಿತ ಎಚ್ಚರಿಕೆಯನ್ನು ನೀಡಿದರು.

ಶುಭ್ಮನ್ ಗಿಲ್‌ಗೆ ಸ್ಪಷ್ಟವಾಗಿ ನಿರ್ದೇಶಿಸದಿದ್ದರೂ, ದೇಶೀಯ ಟೂರ್ನಿಯಲ್ಲಿ ಉತ್ತಮ ಪ್ರದರ್ಶನ ನೀಡಿ ಕಾಯುತ್ತಿರುವ ಚೇತೇಶ್ವರ ಪೂಜಾರ ಬಗ್ಗೆ ರವಿಶಾಸ್ತ್ರಿ ಅವರ ಉಲ್ಲೇಖವು ಬ್ಯಾಟಿಂಗ್‌ನೊಂದಿಗೆ ಹೆಣಗಾಡುತ್ತಿರುವ ಶುಭ್ಮನ್ ಗಿಲ್ ಹೊರಬೀಳುವ ನಿರ್ಧಾರವನ್ನು ಸೂಚಿಸುತ್ತದೆ.

ಅನುಭವಿ ಚೇತೇಶ್ವರ ಪೂಜಾರ ದೇಶೀಯ ಕ್ರಿಕೆಟ್‌ನಲ್ಲಿ ಗಮನಾರ್ಹ ಫಾರ್ಮ್ ಪ್ರದರ್ಶಿಸುವುದರೊಂದಿಗೆ, ಸೌರಾಷ್ಟ್ರ ಪರ ಸತತವಾಗಿ ರನ್ ಗಳಿಸುತ್ತಿದ್ದಾರೆ. ಇದು ಯುವ ಆಟಗಾರರು ತಮ್ಮನ್ನು ತಾವು ಸಾಬೀತುಪಡಿಸುವ ಅಗತ್ಯವನ್ನು ರವಿಶಾಸ್ತ್ರಿ ಒತ್ತಿ ಹೇಳಿದರು.

"ಸದ್ಯ ಭಾರತ ತಾಜಾ ತಂಡವಾಗಿದೆ ಮತ್ತು ಯುವ ತಂಡವಾಗಿದೆ. ಈ ಯುವಕರು ತಮ್ಮನ್ನು ತಾವು ಸಾಬೀತುಪಡಿಸಬೇಕು, ಮರೆಯಬೇಡಿ, ಚೇತೇಶ್ವರ ಪೂಜಾರ ಕಾಯುತ್ತಿದ್ದಾರೆ. ಅವರು ರಣಜಿ ಟ್ರೋಫಿಯಲ್ಲಿ ಅದನ್ನು ಮಾಡುತ್ತಿದ್ದಾರೆ ಮತ್ತು ಯಾವಾಗಲೂ ರಾಡಾರ್‌ನಲ್ಲಿದ್ದಾರೆ," ಎಂದು ರವಿಶಾಸ್ತ್ರಿ ಕಾಮೆಂಟರಿಯಲ್ಲಿ ಪ್ರತಿಕ್ರಿಯಿಸಿದ್ದಾರೆ.

ಯುವ ಪ್ರತಿಭೆಗಳ ಮೇಲೆ ಭಾರತ ತಂಡದ ಮ್ಯಾನೇಜ್‌ಮೆಂಟ್ ಗಮನಹರಿಸಿದ್ದರೂ, ರವಿಶಾಸ್ತ್ರಿ ಅವರು ವಿಶೇಷವಾಗಿ ತವರಿನ ಪರಿಸ್ಥಿತಿಗಳಲ್ಲಿ, ಚೇತೇಶ್ವರ ಪೂಜಾರ ಅವರ ಅನುಭವದ ಮೌಲ್ಯವನ್ನು ಎತ್ತಿ ತೋರಿಸಿದರು.

ಮೂರನೇ ಕ್ರಮಾಂಕದಲ್ಲಿ ಶುಭ್ಮನ್ ಗಿಲ್ ಅವರ ಇತ್ತೀಚಿನ ರನ್‌ಗಳು ಅವರು ಎದುರಿಸುತ್ತಿರುವ ಸವಾಲುಗಳನ್ನು ಒತ್ತಿಹೇಳುತ್ತವೆ. ಟೆಸ್ಟ್ ಕ್ರಿಕೆಟ್‌ನಲ್ಲಿ ತಾಳ್ಮೆ ಮತ್ತು ಹೊಂದಾಣಿಕೆಯ ಪ್ರಾಮುಖ್ಯತೆಯನ್ನು ತಿಳಿಸಲು ರವಿಶಾಸ್ತ್ರಿ ಅವರನ್ನು ಪ್ರೇರೇಪಿಸಿದೆ.

"ಇದು ಟೆಸ್ಟ್ ಪಂದ್ಯವಾಗಿದೆ. ನೀವು ಕ್ರೀಸ್‌ನಲ್ಲಿಯೇ ಇರಬೇಕಾಗುತ್ತದೆ. ಇಲ್ಲದಿದ್ದರೆ, ನೀವು ಎಲ್ಲಾ ರೀತಿಯ ಸಮಸ್ಯೆಗಳಿಗೆ ಸಿಲುಕುತ್ತೀರಿ. ಜೇಮ್ಸ್ ಆಂಡರ್ಸನ್ ಅವರಂತಹ ಕ್ಲಾಸ್ ಬೌಲರ್ ವಿರುದ್ಧ ನೀವು ಕಳಪೆಯಾಗಿ ಚೆಂಡನ್ನು ಕೆಣಕುತ್ತಿದ್ದೀರಿ," ಎಂದು ರವಿಶಾಸ್ತ್ರಿ ತಿಳಿಸಿದರು.

ಮೊದಲ ದಿನದಾಟದಲ್ಲಿ ಟಾಸ್ ಗೆದ್ದ ಭಾರತ ತಂಡ ಮೊದಲ ಬ್ಯಾಟಿಂಗ್ ಮಾಡಿ 93 ಓವರ್‌ಗಳಲ್ಲಿ 6 ವಿಕೆಟ್‌ಗೆ 336 ರನ್ ಕಲೆಹಾಕಿದೆ. ಆರಂಭಿಕ ಬ್ಯಾಟರ್ ಯಶಸ್ವಿ ಜೈಸ್ವಾಲ್ ಅವರು 257 ಎಸೆತಗಳಲ್ಲಿ 17 ಬೌಂಡರಿ ಮತ್ತು 5 ಸಿಕ್ಸರ್‌ಗಳ ಸಮೇತ ಅಜೇಯ 179 ರನ್ ಗಳಿಸಿ ದಿನದ ಸ್ಟಾರ್ ಪರ್ಫಾರ್ಮರ್ ಆದರು.