ಭಾರತ vs ಇಂಗ್ಲೆಂಡ್: ಟೆಸ್ಟ್ ಸರಣಿಯಿಂದ ಹೊರಬಿದ್ದು ಭಾವುಕರಾದ ಸ್ಟುವರ್ಟ್ ಬ್ರಾಡ್

ವಿಷಯಗಳು ಬಹುಬೇಗನೆ ಬದಲಾಗಿ ಬಿಡುತ್ತವೆ

ಮೊದಲ ಟೆಸ್ಟ್ ಮುಗಿಸಿ ಲಾರ್ಡ್ಸ್ ಅಂಗಳಕ್ಕೆ ಬಂದು ಭಾರತ ವಿರುದ್ಧದ ಎರಡನೇ ಟೆಸ್ಟ್ ಪಂದ್ಯಕ್ಕಾಗಿ ಅಭ್ಯಾಸ ಆರಂಭಿಸುವಾಗ ಉತ್ಸುಕನಾಗಿಯೇ ತಯಾರಿ ನಡೆಸಿದ್ದೆ, ಆದರೆ ಕೆಲ ಸಮಯದ ನಂತರದಲ್ಲಿ ಗಾಯದ ಸಮಸ್ಯೆಗೆ ಒಳಗಾದ ನಾನು ಭಾರತದ ವಿರುದ್ಧದ ಸರಣಿಯಿಂದಲೇ ಹೊರಗುಳಿಯಬೇಕಾದ ಅನಿವಾರ್ಯತೆ ಎದುರಾಗಿದೆ. ಕೇವಲ ಸ್ವಲ್ಪ ಸಮಯದ ಅಂತರದಲ್ಲಿ ವಿಷಯಗಳೇ ಬದಲಾಗಿ ಹೋಯಿತು ಎಂದು ಸ್ಟುವರ್ಟ್ ಬ್ರಾಡ್ ಭಾರತ ವಿರುದ್ಧದ ಟೆಸ್ಟ್ ಸರಣಿಯಿಂದ ಹೊರಗುಳಿದಿದ್ದಕ್ಕೆ ಬೇಸರ ವ್ಯಕ್ತಪಡಿಸಿದ್ದಾರೆ.

ಇಂಗ್ಲೆಂಡ್ ತಂಡಕ್ಕೆ ಆಲ್ ದಿ ಬೆಸ್ಟ್ ಎಂದ ಬ್ರಾಡ್

ಹೀಗೆ ಭಾರತ ವಿರುದ್ಧದ ಟೆಸ್ಟ್ ಸರಣಿಯ ಉಳಿದ ಪಂದ್ಯಗಳಿಂದ ಹೊರಬಿದ್ದಿರುವ ಸ್ಟುವರ್ಟ್ ಬ್ರಾಡ್ ಬೇಸರ ವ್ಯಕ್ತಪಡಿಸಿದ್ದು ಉಳಿದ ಪಂದ್ಯಗಳ ಪ್ರತಿಯೊಂದು ಎಸೆತಗಳನ್ನು ಮತ್ತು ರನ್‌ಗಳನ್ನು ಕುಳಿತು ವೀಕ್ಷಿಸುತ್ತೇನೆ ಉತ್ತಮ ಪ್ರದರ್ಶನ ನೀಡಿ ಗೆದ್ದು ಬನ್ನಿ ಎಂದು ಇಂಗ್ಲೆಂಡ್ ತಂಡಕ್ಕೆ ಸ್ಟುವರ್ಟ್ ಬ್ರಾಡ್ ಶುಭ ಹಾರೈಸಿದ್ದಾರೆ. ಹಾಗೂ ಭಾರತದ ಟೆಸ್ಟ್ ಸರಣಿಯಿಂದ ಹೊರಬಿದ್ದಿರುವ ಸ್ಟುವರ್ಟ್ ಬ್ರಾಡ್ ಆದಷ್ಟು ಬೇಗ ಚೇತರಿಸಿಕೊಂಡು ಮುಂಬರಲಿರುವ ಆಸ್ಟ್ರೇಲಿಯಾ ವಿರುದ್ಧದ ಸರಣಿಗೆ ತಯಾರಿ ನಡೆಸುವುದಾಗಿ ವಿಶ್ವಾಸ ವ್ಯಕ್ತಪಡಿಸಿದ್ದಾರೆ.

ಬ್ರಾಡ್ ಸ್ಥಾನ ತುಂಬಲಿದ್ದಾರೆ ಈ ಆಟಗಾರರು

ಗಾಯದ ಸಮಸ್ಯೆಯಿಂದ ಭಾರತ ವಿರುದ್ಧದ ಟೆಸ್ಟ್ ಸರಣಿಯ ಉಳಿದ ಪಂದ್ಯಗಳಿಗೆ ಅಲಭ್ಯರಾಗಿರುವ ಸ್ಟುವರ್ಟ್ ಬ್ರಾಡ್ ಸ್ಥಾನಕ್ಕೆ ಸಕೀಬ್ ಮನ್‌ಮೂದ್ ಮತ್ತು ಮೊಯಿನ್ ಅಲಿ ಆಯ್ಕೆಯಾಗುವ ಸಾಧ್ಯತೆಗಳಿವೆ. ಇತ್ತೀಚೆಗಷ್ಟೇ ಪಾಕಿಸ್ತಾನ ಪ್ರವಾಸ ಕೈಗೊಂಡಿದ್ದ ಇಂಗ್ಲೆಂಡ್ ತಂಡದ ಪರ ಅತ್ಯುತ್ತಮ ಪ್ರದರ್ಶನ ನೀಡಿದ್ದ ಸಕೀಬ್ ಮನ್‌ಮೂದ್ ಸ್ಟುವರ್ಟ್ ಬ್ರಾಡ್ ಸ್ಥಾನ ತುಂಬುವ ಸಾಧ್ಯತೆ ಹೆಚ್ಚಿದೆ. ಇನ್ನು ಇಂಗ್ಲೆಂಡ್ ಭಾರತ ಪ್ರವಾಸ ಕೈಗೊಂಡಿದ್ದಾಗ ಒಂದೇ ಒಂದು ಟೆಸ್ಟ್ ಪಂದ್ಯವನ್ನಾಡಿ ತದನಂತರ ವಿಶ್ರಾಂತಿಗೆಂದು ತೆರಳಿದ್ದ ಮೊಯಿನ್ ಅಲಿ ಮತ್ತೆ ಇಂಗ್ಲೆಂಡ್ ತಂಡವನ್ನು ಸೇರಿಕೊಳ್ಳುತ್ತಿದ್ದು ಮೊಯಿನ್ ಅಲಿ ಕೂಡ ಆಡುವ ಬಳಗದಲ್ಲಿ ಸ್ಥಾನ ಪಡೆದುಕೊಳ್ಳುವ ಸಾಧ್ಯತೆಗಳಿವೆ.