ಪೂಜಾರ ಕಳಪೆ ಬ್ಯಾಟಿಂಗ್ ಬಗ್ಗೆ ಡ್ರೆಸಿಂಗ್ ರೂಮ್‌ನಲ್ಲಿ ಆಗುತ್ತಿದ್ದ ಚರ್ಚೆಯನ್ನು ಬಹಿರಂಗಪಡಿಸಿದ ರೋಹಿತ್ ಶರ್ಮಾ

ಪೂಜಾರ ಕಳಪೆ ಫಾರ್ಮ್ ಕುರಿತು ಡ್ರೆಸಿಂಗ್ ರೂಮ್‌ನ ಚರ್ಚೆ ಹೀಗಿರುತ್ತಿತ್ತು

ಪೂಜಾರ ಉತ್ತಮ ಪ್ರದರ್ಶನವನ್ನು ಶ್ಲಾಘಿಸಿರುವ ರೋಹಿತ್ ಶರ್ಮಾ ಈ ಹಿಂದೆ ಚೇತೇಶ್ವರ್ ಪೂಜಾರ ಸಾಲುಸಾಲು ಇನ್ನಿಂಗ್ಸ್‌ನಲ್ಲಿ ದೊಡ್ಡ ಮೊತ್ತವನ್ನು ಕಲೆಹಾಕಲಾಗದೇ ಕಳಪೆ ಪ್ರದರ್ಶನ ನೀಡಿದ್ದರ ಕುರಿತು ಡ್ರೆಸಿಂಗ್ ರೂಮ್‌ನಲ್ಲಿ ಯಾರೂ ಸಹ ನಕಾರಾತ್ಮಕವಾಗಿ ಮಾತನಾಡುತ್ತಿರಲಿಲ್ಲ ಎಂದಿದ್ದಾರೆ. ಚೇತೇಶ್ವರ್ ಪೂಜಾರ ಕಳಪೆ ಪ್ರದರ್ಶನದ ಕುರಿತು ಯಾರೂ ಸಹ ಕಾಮೆಂಟ್ ಮಾಡುವುದಾಗಲಿ, ಅಥವಾ ಯೋಚಿಸುವುದಾಗಲೀ ಮಾಡುತ್ತಿರಲಿಲ್ಲ ಏಕೆಂದರೆ ತಂಡದಲ್ಲಿರುವ ಪ್ರತಿಯೊಬ್ಬ ಆಟಗಾರನಿಗೂ ಚೇತೇಶ್ವರ್ ಪೂಜಾರ ಯಾವ ರೀತಿಯ ಅತ್ಯುತ್ತಮ ಆಟಗಾರ ಎಂಬುದು ತಿಳಿದಿತ್ತು. ಆತನಲ್ಲಿರುವ ಬ್ಯಾಟಿಂಗ್ ಗುಣಮಟ್ಟ ಮತ್ತು ಆತನಿಗಿರುವ ಬ್ಯಾಟಿಂಗ್ ಅನುಭವದ ಬಗ್ಗೆ ತಿಳಿದಿದ್ದ ನಾವು ಎಂದಿಗೂ ಆತನ ಕಳಪೆ ಫಾರ್ಮ್ ಕುರಿತು ಟೀಕೆಗಳನ್ನು ಮಾಡಿರಲಿಲ್ಲ ಎಂದು ರೋಹಿತ್ ಶರ್ಮಾ ಹೇಳಿದ್ದಾರೆ.

ಟೀಕಾಕಾರರ ಬಾಯಿಮುಚ್ಚಿಸೋಕೆ ಕೊಹ್ಲಿ ಮತ್ತು ಪೂಜಾರ ಪ್ಲ್ಯಾನ್ | Oneindia Kannada

ಇತ್ತೀಚಿನ ಪಂದ್ಯಗಳಲ್ಲಿ ಆತ ಒಳ್ಳೆಯ ರನ್ ಕಲೆ ಹಾಕಿಲ್ಲ ನಿಜ..

ಇನ್ನೂ ಮುಂದುವರೆದು ಚೇತೇಶ್ವರ್ ಪೂಜಾರಾ ಕುರಿತು ಮಾತನಾಡಿದ ರೋಹಿತ್ ಶರ್ಮಾ 'ಪ್ರದರ್ಶನದ ಕುರಿತು ಮಾತನಾಡಿದರೆ ಪೂಜಾರ ಇತ್ತೀಚಿನ ಪಂದ್ಯಗಳಲ್ಲಿ ದೊಡ್ಡ ಮೊತ್ತ ಕಲೆ ಹಾಕಿಲ್ಲ ಎಂಬುದು ನಿಜ, ಆದರೆ ಕಳೆದ ಲಾರ್ಡ್ಸ್ ಪಂದ್ಯದಲ್ಲಿ ಅಜಿಂಕ್ಯ ರಹಾನೆ ಜೊತೆ ಚೇತೇಶ್ವರ್ ಪೂಜಾರ ಆಡಿದ ಜತೆಯಾಟ ಪ್ರಮುಖವಾದದ್ದು ಮತ್ತು ಕಳೆದ ಆಸ್ಟ್ರೇಲಿಯಾ ವಿರುದ್ಧದ ಸರಣಿಯಲ್ಲಿ ಪೂಜಾರ ಆಡಿದ ಜವಾಬ್ದಾರಿಯುತ ಆಟವನ್ನು ಕಡೆಗಣಿಸುವ ಹಾಗಿಲ್ಲ ಎಂದು ರೋಹಿತ್ ಶರ್ಮಾ ತಿಳಿಸಿದರು.

ಇಷ್ಟು ವರ್ಷಗಳಲ್ಲಿ ಪೂಜಾರ ಮಾಡಿರುವ ಸಾಧನೆಯ ಕುರಿತು ಮಾತನಾಡಬೇಕು

ಚೇತೇಶ್ವರ್ ಪೂಜಾರ ಇತ್ತೀಚಿನ ದಿನಗಳಲ್ಲಿ ಕಳಪೆ ಪ್ರದರ್ಶನ ನೀಡುತ್ತಿರಬಹುದು, ಕೇವಲ ಒಂದೆರಡು ಪಂದ್ಯಗಳಲ್ಲಿ ಅಥವಾ ಒಂದೆರಡು ಸರಣಿಗಳಲ್ಲಿ ಕಳಪೆ ಪ್ರದರ್ಶನ ನೀಡಿದ ಮಾತ್ರಕ್ಕೆ ಆತನ ವಿರುದ್ಧ ಟೀಕೆಗಳನ್ನು ವ್ಯಕ್ತಪಡಿಸುವುದು ತಪ್ಪು. ಈ ಹಿಂದೆ ಚೇತೇಶ್ವರ್ ಪೂಜಾರ ಟೀಮ್ ಇಂಡಿಯಾಗೆ ಎಷ್ಟೆಲ್ಲ ಉತ್ತಮ ಆಟಗಳನ್ನಾಡಿದ್ದಾರೆ ಎಂಬುದನ್ನು ನಾವಿಲ್ಲಿ ನೆನಪಿಸಿಕೊಳ್ಳಬೇಕು ಎಂದು ರೋಹಿತ್ ಶರ್ಮಾ ಚೇತೇಶ್ವರ್ ಪೂಜಾರಾ ಪರ ಬ್ಯಾಟ್ ಬೀಸಿದ್ದಾರೆ.