IND vs NZ: ಭಾರತ ಪ್ರವಾಸಕ್ಕೆ ಬಲಿಷ್ಠ ನ್ಯೂಜಿಲೆಂಡ್‌ 'ಎ' ತಂಡ ಪ್ರಕಟ; ಭಾರತೀಯನಿಗೆ ಸ್ಥಾನ!

ಕನ್ನಡ Edition

ICC T20 World Cup 2026

Get Updates

Get notified on match updates, sports news, and in-depth analysis!

IND vs NZ: New Zealand announced strong A squad for India tour

ಮುಂಬರುವ ಸೆಪ್ಟೆಂಬರ್ ತಿಂಗಳಿನಲ್ಲಿ ನ್ಯೂಜಿಲೆಂಡ್ ಎ ತಂಡ ಭಾರತ ಪ್ರವಾಸವನ್ನು ಕೈಗೊಳ್ಳಲಿದ್ದು ಭಾರತ ಎ ತಂಡದ ವಿರುದ್ಧ ಮೂರು 4 ದಿನಗಳ ಟೆಸ್ಟ್ ಪಂದ್ಯ ಹಾಗೂ 3 ಏಕದಿನ ಪಂದ್ಯಗಳಲ್ಲಿ ಸೆಣಸಾಟವನ್ನು ನಡೆಸಲಿದೆ.

2018ರ ನಂತರ ಇದೇ ಮೊದಲ ಬಾರಿಗೆ ನ್ಯೂಜಿಲೆಂಡ್ ಎ ತಂಡ ವಿದೇಶಿ ಪ್ರವಾಸವನ್ನು ಕೈಗೊಂಡು ಪಂದ್ಯವನ್ನಾಡಲಿದ್ದು, ಅಂತಿಮವಾಗಿ ಪಾಕಿಸ್ತಾನ ತಂಡದ ವಿರುದ್ಧ ಸೆಣಸಾಟ ನಡೆಸಲು ಈ ಹಿಂದೆ 2018ರಲ್ಲಿ ಯುಎಇ ಪ್ರಯಾಣವನ್ನು ಬೆಳೆಸಿತ್ತು. ಇನ್ನು ನ್ಯೂಜಿಲೆಂಡ್ ಎ ತಂಡ 2017ರಲ್ಲಿ ಭಾರತ ಪ್ರವಾಸವನ್ನು ಕೈಗೊಂಡಿದ್ದು ಬಿಟ್ಟರೆ ನಂತರ ಇಲ್ಲಿಯವರೆಗೂ ಒಮ್ಮೆಯೂ ಭಾರತ ಪ್ರವಾಸವನ್ನು ಕೈಗೊಂಡಿರಲಿಲ್ಲ.

ಸೆಪ್ಟೆಂಬರ್ 1ರಂದು ನಡೆಯಲಿರುವ ಪ್ರಥಮ ಟೆಸ್ಟ್ ಪಂದ್ಯದ ಮೂಲಕ ಆರಂಭವಾಗಲಿರುವ ಉಭಯ ತಂಡಗಳ ನಡುವಿನ ಹಣಾಹಣಿಗಳು ಸೆಪ್ಟೆಂಬರ್ 27ರಂದು ನಡೆಯಲಿರುವ ಅಂತಿಮ ಟೆಸ್ಟ್ ಪಂದ್ಯದ ಮೂಲಕ ಮುಕ್ತಾಯವಾಗಲಿದೆ. ಹಾಗೂ ಈ ಎಲ್ಲ ತಂಡಗಳು ಬೆಂಗಳೂರು ಹಾಗೂ ಚೆನ್ನೈನ ಕ್ರಿಕೆಟ್ ಕ್ರೀಡಾಂಗಣದಲ್ಲಿ ನಡೆಯಲಿದ್ದು, ಹಣಾಹಣಿಗೆ ಪ್ರಕಟವಾಗಿರುವ ನ್ಯೂಜಿಲೆಂಡ್ ಎ ತಂಡದ ಸ್ಕ್ವಾಡ್ ಹಾಗೂ ವೇಳಾಪಟ್ಟಿಯ ಕುರಿತಾದ ಮಾಹಿತಿ ಕೆಳಕಂಡಂತಿದೆ.

ನ್ಯೂಜಿಲೆಂಡ್‌ ಎ ಸ್ಕ್ವಾಡ್

ರಾಬಿ ಓ'ಡೊನೆಲ್, ಟಾಮ್ ಬ್ರೂಸ್, ಜೋ ಕಾರ್ಟರ್, ಚಾಡ್ ಬೋವ್ಸ್, ಮಾರ್ಕ್ ಚಾಪ್ಮನ್, ಜಾಕೋಬ್ ಡಫಿ, ಡೇನ್ ಕ್ಲೀವರ್, ಮ್ಯಾಟ್ ಫಿಶರ್, ಕ್ಯಾಮೆರಾನ್ ಫ್ಲೆಚರ್, ಬೆನ್ ಲಿಸ್ಟರ್, ಮೈಕೆಲ್ ರಿಪ್ಪನ್, ರಚಿನ್ ರವೀಂದ್ರ, ಸೀನ್ ಸೋಲಿಯಾ, ಜೋ ವಾಕರ್, ಲೋಗನ್ ವ್ಯಾನ್ ಬೀಕ್

ನ್ಯೂಜಿಲೆಂಡ್‌ ತಂಡದಲ್ಲಿ ಸ್ಥಾನಗಿಟ್ಟಿಸಿಕೊಂಡ ಭಾರತೀಯ

ಭಾರತ ಪ್ರವಾಸಕ್ಕೆ ಪ್ರಕಟವಾಗಿರುವ ನ್ಯೂಜಿಲೆಂಡ್ ಎ ತಂಡದಲ್ಲಿ ರಚಿನ್ ರವೀಂದ್ರ ಸ್ಥಾನ ಗಿಟ್ಟಿಸಿಕೊಂಡಿದ್ದಾರೆ. ಆರಂಭದಿಂದಲೂ ನ್ಯೂಜಿಲೆಂಡ್ ತಂಡದ ಪರ ಆಡುತ್ತಿರುವ ರಚಿನ್ ರವೀಂದ್ರ ಅವರ ತಂದೆ ರವಿ ಕೃಷ್ಣಮೂರ್ತಿ ಮೂಲತಃ ಭಾರತದ ಬೆಂಗಳೂರಿನವರು. ಇನ್ನು ರಚಿನ್ ರವೀಂದ್ರ ನ್ಯೂಜಿಲೆಂಡ್ ಪುರುಷರ ಅಂತರ ರಾಷ್ಟ್ರೀಯ ತಂಡದ ಪರವೂ ಕಣಕ್ಕಿಳಿದಿದ್ದು, 2021ರಲ್ಲಿ ಟೀಮ್ ಇಂಡಿಯಾ ವಿರುದ್ಧದ ಟೆಸ್ಟ್ ಪಂದ್ಯದಲ್ಲಿ ಅಂತರರಾಷ್ಟ್ರೀಯ ಕ್ರಿಕೆಟ್‍ಗೆ ಪದಾರ್ಪಣೆ ಮಾಡಿದ್ದರು.