IND vs NZ: ವಿಶ್ವಕಪ್ ಇತಿಹಾಸದಲ್ಲಿ ಈ ದಾಖಲೆ ಮಾಡಿದ ಮೊದಲ ತಂಡ ಭಾರತ

ಬುಧವಾರ, ನವೆಂಬರ್ 16ರಂದು ಮುಂಬೈನ ವಾಂಖೆಡೆ ಸ್ಟೇಡಿಯಂನಲ್ಲಿ ನಡೆದ 2023ರ ಐಸಿಸಿ ಏಕದಿನ ವಿಶ್ವಕಪ್‌ನ ಸೆಮಿಫೈನಲ್ ಪಂದ್ಯದಲ್ಲಿ ನ್ಯೂಜಿಲೆಂಡ್ ವಿರುದ್ಧ ದಾಖಲೆಯ ಮೊತ್ತವನ್ನು ಕಲೆಹಾಕಿತು.

ಟಾಸ್ ಗೆದ್ದು ಮೊದಲು ಬ್ಯಾಟಿಂಗ್ ಮಾಡಿದ ಭಾರತ ತಂಡ ನಿಗದಿತ 50 ಓವರ್‌ಗಳಲ್ಲಿ 4 ವಿಕೆಟ್ ನಷ್ಟಕ್ಕೆ 397 ರನ್‌ಗಳನ್ನು ಗಳಿಸಿತು. ಭಾರತೀಯ ಬ್ಯಾಟರ್‌ಗಳು ನ್ಯೂಜಿಲೆಂಡ್‌ನ ಬೌಲರ್‌ಗಳನ್ನು ಮನಬಂದಂತೆ ದಂಡಿಸಿದರು.

ಇದೇ ವೇಳೆ ಭಾರತ ತಂಡವು ಏಕದಿನ ವಿಶ್ವಕಪ್ ಇತಿಹಾಸದ ನಾಕೌಟ್ ಪಂದ್ಯದಲ್ಲಿ ಅತ್ಯಧಿಕ ಮೊತ್ತವನ್ನು ದಾಖಲಿಸಿದ ವಿಶ್ವದ ಮೊದಲ ತಂಡವೆಂಬ ಹೆಗ್ಗಳಿಕೆಗೆ ಪಾತ್ರವಾಯಿತು.

ಇದಕ್ಕೂ ಮೊದಲು 2015ರ ವಿಶ್ವಕಪ್ ಕ್ವಾರ್ಟರ್‌ಫೈನಲ್‌ನಲ್ಲಿ ಬಾಂಗ್ಲಾದೇಶ ತಂಡದ ವಿರುದ್ಧ ಭಾರತ ಗಳಿಸಿದ 302 ವಿಶ್ವಕಪ್ ನಾಕೌಟ್‌ಗಳಲ್ಲಿ ಭಾರತ ತಂಡದ ಈವರೆಗಿನ ಅತ್ಯಧಿಕ ಮೊತ್ತವಾಗಿತ್ತು.

ವಿಶ್ವಕಪ್‌ನಲ್ಲಿ ನ್ಯೂಜಿಲೆಂಡ್ ವಿರುದ್ಧ ಭಾರತ ತನ್ನ ಅತ್ಯುತ್ತಮ ಮೊತ್ತವನ್ನು ಹಿಂದಿಕ್ಕಿತು. ಇದೇ ಆವೃತ್ತಿಯ ವಿಶ್ವಕಪ್‌ನಲ್ಲಿ ಧರ್ಮಶಾಲಾದಲ್ಲಿ ನಡೆದ ಪಂದ್ಯದಲ್ಲಿ 274 ರನ್ ಗಳಿಸಿದ್ದು, ಇದರ ಹಿಂದಿನ ಅತ್ಯುತ್ತಮ ಮೊತ್ತವಾಗಿತ್ತು.

ಇನ್ನು 2015ರ ಆವೃತ್ತಿಯಲ್ಲಿ ವೆಸ್ಟ್ ಇಂಡೀಸ್ ವಿರುದ್ಧ ನ್ಯೂಜಿಲೆಂಡ್ ತಂಡದ 6 ವಿಕೆಟ್‌ಗೆ 393 ರನ್‌ಗಳನ್ನು ಮೀರಿಸಿದ ಭಾರತ ತಂಡವು ಏಕದಿನ ವಿಶ್ವಕಪ್ ನಾಕೌಟ್ ಪಂದ್ಯದಲ್ಲಿ ತಂಡದಿಂದ ಅತ್ಯಧಿಕ ಸ್ಕೋರ್ ಆಗಿದೆ.

ವಿಶ್ವಕಪ್ ನಾಕೌಟ್‌ಗಳಲ್ಲಿ ಅತ್ಯಧಿಕ ತಂಡದ ಮೊತ್ತ

397/4 - ಭಾರತ vs ನ್ಯೂಜಿಲೆಂಡ್, ಮುಂಬೈ, 2023 - ಸೆಮಿಫೈನಲ್
393/6 - ನ್ಯೂಜಿಲೆಂಡ್ vs ವೆಸ್ಟ್ ಇಂಡೀಸ್, ವೆಲ್ಲಿಂಗ್ಟನ್, 2015 - ಕ್ವಾರ್ಟರ್ ಫೈನಲ್
359/2 - ಆಸ್ಟ್ರೇಲಿಯಾ vs ಭಾರತ, ಜೋಹಾನ್ಸ್‌ಬರ್ಗ್, 2003 - ಫೈನಲ್
328/7 - ಆಸ್ಟ್ರೇಲಿಯಾ vs ಭಾರತ, ಸಿಡ್ನಿ, 2015- ಸೆಮಿಫೈನಲ್
302/6 - ಭಾರತ vs ಬಾಂಗ್ಲಾದೇಶ, ಮೆಲ್ಬೋರ್ನ್, 2015 - ಕ್ವಾರ್ಟರ್ ಫೈನಲ್

ಭಾರತದ ದಾಖಲೆ ಮುರಿಯುವ ಇನ್ನಿಂಗ್ಸ್‌ಗೆ ವಿರಾಟ್ ಕೊಹ್ಲಿ ಅವರ ವಿಶ್ವದಾಖಲೆಯ ಶತಕ ಮತ್ತು ಶ್ರೇಯಸ್ ಅಯ್ಯರ್ ಅವರ ಶತಕಗಳಿಂದ ಬಲಗೊಂಡಿತು.

ವಿರಾಟ್ ಕೊಹ್ಲಿ 50ನೇ ಏಕದಿನ ಶತಕ ಬಾರಿಸುವ ಮೂಲಕ ಲೆಜೆಂಡ್ ಕ್ರಿಕೆಟಿಗ ಸಚಿನ್ ತೆಂಡೂಲ್ಕರ್ ಅವರ ದಾಖಲೆ ಹಿಂದಿಕ್ಕಿ, ಏಕದಿನ ಅಂತಾರಾಷ್ಟ್ರೀಯ ಕ್ರಿಕೆಟ್‌ನಲ್ಲಿ ಈ ಸಾಧನೆ ಮಾಡಿದ ಮೊದಲ ಬ್ಯಾಟರ್ ಎನಿಸಿದರು.

ವಿಶ್ವಕಪ್‌ನಲ್ಲಿ ಭಾರತ ತಂಡ ಗರಿಷ್ಠ ಇನ್ನಿಂಗ್ಸ್ ಸ್ಕೋರ್

413/5 vs ಬರ್ಮುಡಾ, ಪೋರ್ಟ್ ಆಫ್ ಸ್ಪೇನ್, 2007
410/4 vs ನೆದರ್ಲ್ಯಾಂಡ್ಸ್, ಬೆಂಗಳೂರು, 2023
397/4 vs ನ್ಯೂಜಿಲೆಂಡ್, ಮುಂಬೈ, 2023
373/6 vs ಶ್ರೀಲಂಕಾ, ಟೌಂಟನ್, 1999