IND vs SA: ಕ್ರೀಡಾ ಸ್ಪೂರ್ತಿ ಮೆರೆದ ವಿರಾಟ್‌ ಕೊಹ್ಲಿ, ದಕ್ಷಿಣ ಆಫ್ರಿಕಾ ಫ್ಯಾನ್ಸ್‌ ಕ್ಲೀನ್ ಬೋಲ್ಡ್

ದಕ್ಷಿಣ ಆಫ್ರಿಕಾ ಮತ್ತು ಭಾರತ ನಡುವಿನ ರೋಚಕ ಟೆಸ್ಟ್ ಸರಣಿಗೆ ಮುಂಚೆಯೇ, ಸ್ಟಾರ್ ಮತ್ತು ಅನುಭವಿ ಆಫ್ರಿಕನ್ ಬ್ಯಾಟ್ಸ್‌ಮನ್ ಡೀನ್ ಎಲ್ಗರ್ ನಿವೃತ್ತಿ ಘೋಷಿಸಿದ್ದರು. ಬುಧವಾರ ಅವರು ತಮ್ಮ ಕೊನೆಯ ಟೆಸ್ಟ್‌ನ ಎರಡೂ ಇನ್ನಿಂಗ್ಸ್‌ಗಳನ್ನು ಒಂದೇ ದಿನ ಆಡಿದ್ದು ವಿಶೇಷವಾಗಿತ್ತು.

ಮೊದಲ ಟೆಸ್ಟ್‌ನಲ್ಲಿ ಭರ್ಜರಿ ಬ್ಯಾಟಿಂಗ್ ಮಾಡಿ ಶತಕ ಬಾರಿಸಿದ್ದ ಡೀನ್‌ ಎಲ್ಗರ್, ಎರಡನೇ ಟೆಸ್ಟ್‌ನಲ್ಲಿ ನಿರಾಸೆ ಅನುಭವಿಸಿದರು. ಈ ಮೂಲಕ ತಮ್ಮ ಕೊನೆಯ ಟೆಸ್ಟ್‌ ಪಂದ್ಯವನ್ನು ಸ್ಮರಣೀಯವಾಗಿ ಇರಿಸಿಕೊಳ್ಳುವ ಆಸೆ ಫಲಿಸಲಿಲ್ಲ. ಆದರೆ, ಇವರಿಗೆ ಎದುರಾಳಿ ಆಟಗಾರರು ನೀಡಿದ ವಿದಾಯ ದಕ್ಷಿಣ ಆಫ್ರಿಕಾದ ಅಭಿಮಾನಿಗಳ ಮನ ಗೆದ್ದಿತು.

ಪಂದ್ಯದ ಮೊದಲ ದಿನದಂದು ತಮ್ಮ ಟೆಸ್ಟ್ ವೃತ್ತಿಜೀವನದ ಕೊನೆಯ ಇನ್ನಿಂಗ್ಸ್ ಆಡಿದ ನಂತರ ಡೀನ್ ಎಲ್ಗರ್ ಔಟಾದಾಗ. ಟೀಂ ಇಂಡಿಯಾದ ಸ್ಟಾರ್ ಆಟಗಾರ ವಿರಾಟ್ ಕೊಹ್ಲಿ ಎಲ್ಲರ ಮನ ಗೆದ್ದಿದ್ದಾರೆ.

ವಿರಾಟ್ ಗೌರವ

ದಕ್ಷಿಣ ಆಫ್ರಿಕಾದ ಎರಡನೇ ಇನ್ನಿಂಗ್ಸ್‌ನಲ್ಲಿ ಡೀನ್ ಎಲ್ಗರ್ 28 ಎಸೆತಗಳಲ್ಲಿ ಕೇವಲ 2 ಬೌಂಡರಿಗಳ ಸಹಾಯದಿಂದ 12 ರನ್ ಗಳಿಸಿ ಔಟಾದರು. ಮುಖೇಶ್ ಕುಮಾರ್ ಎಸೆದ ಆಫ್‌ ಸ್ಟಂಪ್‌ ಆಚೆಯ ಚೆಂಡನ್ನು ಎದುರಿಸುವಲ್ಲಿ ಎಲ್ಗರ್ ವಿಫಲರಾಗಿ ವಿರಾಟ್ ಕೊಹ್ಲಿಗೆ ಕ್ಯಾಚ್ ನೀಡಿದರು.

ಎಲ್ಗರ್ ಔಟಾದಾಗ, ವಿರಾಟ್ ಈ ವಿಕೆಟ್ ಅನ್ನು ಸಂಭ್ರಮಿಸದಂತೆ ಸೂಚಿಸಿದರು ಏಕೆಂದರೆ ಇದು ಎಲ್ಗರ್ ಅವರ ಕೊನೆಯ ಇನ್ನಿಂಗ್ಸ್. ಅದೇ ಸಮಯದಲ್ಲಿ, ವಿರಾಟ್ ತಮ್ಮ ಹಾವಭಾವದ ಮೂಲಕ ಎಲ್ಗರ್‌ಗೆ ಗೌರವವನ್ನು ನೀಡುವ ಬಗ್ಗೆ ಉಳಿದ ಆಟಗಾರರಿಗೆ ತಿಳಿಸಿದರು.

ಇದರ ನಂತರ, ವೇಗದ ಬೌಲರ್ ಮೊಹಮ್ಮದ್ ಸಿರಾಜ್, ಜಸ್ಪ್ರೀತ್ ಬುಮ್ರಾ ಮತ್ತು ನಂತರ ವಿರಾಟ್ ಕೊಹ್ಲಿ ಡೀನ್ ಎಲ್ಗರ್ ಅವರನ್ನು ತಬ್ಬಿಕೊಂಡು ತಮ್ಮ ಕ್ರಿಕೆಟ್ ವೃತ್ತಿಜೀವನವನ್ನು ಕೊನೆಗೊಳಿಸಿದ್ದಕ್ಕಾಗಿ ಅಭಿನಂದಿಸಿದರು. ವಿರಾಟ್ ಕೊಹ್ಲಿಯ ಈ ಸಂಪೂರ್ಣ ಕ್ಷಣದ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗುತ್ತಿದೆ.

ಮೊದಲ ದಿನ 23 ವಿಕೆಟ್

ಕೇಪ್ ಟೌನ್ ಟೆಸ್ಟ್‌ನ ಮೊದಲ ದಿನ, ದಕ್ಷಿಣ ಆಫ್ರಿಕಾ ಟಾಸ್ ಗೆದ್ದು ಮೊದಲು ಬ್ಯಾಟಿಂಗ್ ಮಾಡಲು ನಿರ್ಧರಿಸಿತು. ಎಲ್ಗರ್ ನಿರ್ಧಾರ ಸಂಪೂರ್ಣ ತಪ್ಪು ಎಂದು ಸಾಬೀತಾಯಿತು. ದಕ್ಷಿಣ ಆಫ್ರಿಕಾ ಮೊದಲ ಇನಿಂಗ್ಸ್‌ನಲ್ಲಿ 23.2 ಓವರ್‌ಗಳಲ್ಲಿ ಆಲೌಟ್ ಆಯಿತು. ಭಾರತದ ಪರ ಮೊಹಮ್ಮದ್ ಸಿರಾಜ್ ಗರಿಷ್ಠ 6 ವಿಕೆಟ್ ಪಡೆದರು.

ಇದಾದ ಬಳಿಕ ಟೀಂ ಇಂಡಿಯಾ ಕೂಡ ಮೊದಲ ದಿನವೇ 34.5 ಓವರ್‌ಗಳಲ್ಲಿ 153 ರನ್‌ಗಳಿಗೆ ಕುಸಿಯಿತು. ಭಾರತ 11 ಎಸೆತಗಳಲ್ಲಿ 6 ವಿಕೆಟ್ ಕಳೆದುಕೊಂಡಿತು. 6 ಬ್ಯಾಟ್ಸ್‌ಮನ್‌ಗಳು ಖಾತೆ ತೆರೆಯದೆ ಔಟಾದರು. ಮೊದಲ ದಿನದಾಟದ ಅಂತ್ಯಕ್ಕೆ ದಕ್ಷಿಣ ಆಫ್ರಿಕಾ ಎರಡನೇ ಇನಿಂಗ್ಸ್ ನಲ್ಲಿ 3 ವಿಕೆಟ್ ನಷ್ಟಕ್ಕೆ ಒಟ್ಟು 62 ರನ್ ಸೇರಿಸಿತ್ತು. ಸದ್ಯ ಈ ಪಂದ್ಯದಲ್ಲಿ ಟೀಂ ಇಂಡಿಯಾ 36 ರನ್‌ಗಳ ಮುನ್ನಡೆಯಲ್ಲಿದೆ.