ಇಂದೋರ್ ಕ್ರೀಡಾಂಗಣದಲ್ಲಿ ಸೋಲಿಲ್ಲದ ಸಾಧನೆಯೇ ಟೀಮ್ ಇಂಡಿಯಾಗೆ ಸ್ಪೂರ್ತಿ

ಮೊದಲ ಪಂದ್ಯ ಒಂದೂ ಎಸೆತ ಕಾಣದೆ ರದ್ದಾದ ಬಳಿಕ ಟೀಮ್ ಇಂಡಿಯಾ ಎರಡನೇ ಪಂದ್ಯಕ್ಕೆ ಸಿದ್ಧವಾಗಿದೆ. ಇಂದೋರ್ ನ ಹೋಲ್ಕರ್ ಕ್ರೀಡಾಂಗಣ ಸರಣಿಯ ಎರಡನೇ ಪಂದ್ಯದ ಆತಿಥ್ಯ ವಹಿಸಲು ಸಿದ್ಧವಾಗಿದ್ದು ಇಂದು ಸಂಜೆ 7 ಗಂಟೆಗೆ ಪಂದ್ಯ ಆರಂಭವಾಗಲಿದೆ. ಪಂದ್ಯದ ಆರಂಭಕ್ಕೂ ಮುನ್ನ ಈ ಕ್ರೀಡಾಂಗಣದ ದಾಖಲೆಯೇ ಟೀಮ್ ಇಂಡಿಯಾದ ಗೆಲುವಿಗೆ ಸ್ಪೂರ್ತಿಯಾಗಿದೆ.

ಇಂದೋರ್ ಕ್ರೀಡಾಂಗಣ ಟೀಮ್ ಇಂಡಿಯಾಗೆ ಅದೃಷ್ಟದ ಅಂಗಳ ಅಂದರೆ ತಪ್ಪಾಗಲಾರದು. ಯಾಕೆಂದರೆ ಈ ಕ್ರೀಡಾಂಗಣದಲ್ಲಿ ಟೀಮ್ ಇಂಡಿಯಾ ಈವರೆಗೂ ಸೋತೆ ಇಲ್ಲ. ಈ ದಾಖಲೆ ಕೇವಲ ಟಿ20ಗೆ ಮಾತ್ರ ಸೀಮಿತವಾಗಿಲ್ಲ. ಮೂರೂ ಫಾರ್ಮೆಟ್‌ಗಳಲ್ಲಿ ಆಡಿರುವ ಯಾವ ಪಂದ್ಯವೂ ಟೀಮ್ ಇಂಡಿಯಾದ ವಿರುದ್ಧವಾಗಿ ಬಂದಿಲ್ಲ ಅನ್ನುವುದು ವಿಶೇಷ.

ಭಾರತ vs ಶ್ರೀಲಂಕಾ 2nd ಟಿ20: ಪಂದ್ಯಕ್ಕೂ ಮುನ್ನ ತಿಳಿಯಲೇಬೇಕಾದ ಪ್ರಮುಖಾಂಶಗಳು

ಮಧ್ಯ ಪ್ರದೇಶದ ಇಂದೋರ್‌ನ ಹೋಲ್ಕರ್ ಕ್ರೀಡಾಂಗಣದಲ್ಲಿ 2006 ರಿಂದ ಅಂತರಾಷ್ಟ್ರೀಯ ಪಂದ್ಯಗಳು ನಡೆಯಲು ಆರಂಭವಾಗಿದೆ. ಆ ಬಳಿಕ ಆಡಿರುವ ಎಲ್ಲಾ ಪಂದ್ಯ ಪಂದ್ಯಗಳು ಟೀಮ್ ಇಂಡಿಯಾವನ್ನು ಗೆಲ್ಲಿಸಿದೆ ಎನ್ನುವುದು ವಿಶೇಷ. ಎಲ್ಲಾ ಮಾದರಿಯಲ್ಲಿ ಒಟ್ಟು 8 ಅಂತರಾಷ್ಟ್ರೀಯ ಪಂದ್ಯಗಳಿಗೆ ಹೋಲ್ಕರ್ ಸ್ಟೇಡಿಯಮ್ ಆತಿಥ್ಯವನ್ನು ವಹಿಸಿದೆ. ಐದು ಏಕದಿನ, ಎರಡು ಟೆಸ್ಟ್ ಮತ್ತು ಒಂದು ಟಿ20 ಪಂದ್ಯಗಳಲ್ಲಿ ಈವರೆಗೆ ಆಯೋಜನೆ ಮಾಡಲಾಗಿದೆ.

India vs Sri Lanka: ಇಂದೋರ್‌ನಲ್ಲಿ 2ನೇ ಟಿ20 ನಡೆಯುತ್ತಾ, ಇಲ್ವಾ?!

ವಿಶೇಷೆಂದರೆ ಈ ಮೈದಾನದಲ್ಲಿ ಆಡಿರುವ ಏಕೈಕ ಟಿ20 ಪಂದ್ಯ ಶ್ರೀಲಂಕಾ ವಿರುದ್ಧವೇ ಆಗಿದೆ. ಈ ಪಂದ್ಯವನ್ನು ಭಾರತ 88 ರನ್‌ಗಳಿಂದ ಭರ್ಜರಿಯಾಗಿ ಗೆದ್ದುಕೊಂಡಿತ್ತು. ಹೋಲ್ಕರ್ ಮೈದಾನ 27000 ಪ್ರೇಕ್ಷಕರ ಸಾಮರ್ಥ್ಯವನ್ನು ಹೊಂದಿದೆ. ಹೋಲ್ಕರ್ ಮೈದಾನ ನಿರ್ಮಾಣಕ್ಕೂ ಮುನ್ನ ಇಂದೋರ್‌ನ ಮತ್ತೊಂದು ಕ್ರೀಡಾಂಗಣವಾದ ನೆಹರು ಸ್ಟೇಡಿಯಮ್‌ನಲ್ಲಿ ಪಂದ್ಯವನ್ನು ಆಯೋಜನೆ ಮಾಡಲಾಗುತ್ತಿತ್ತು.