ಆಸ್ಟ್ರೇಲಿಯಾ ಮಾಧ್ಯಮಗಳ ಅಸಲಿಯತ್ತು ಬಿಚ್ಚಿಟ್ಟ ಕೆವಿನ್ ಪೀಟರ್ಸನ್!

ಆಸ್ಟ್ರೇಲಿಯಾ ಗೆಲ್ಲುತ್ತದೆ ಅಂದುಕೊಂಡಿದ್ದರು

ಅದ್ಭುತ ಪ್ರದರ್ಶನದ ಬಳಿಕ ಸರಣಿಯ ಗತಿಯನ್ನೇ ಬದಲಿಸುತ್ತಿರುವ ಭಾರತೀಯರ ಪ್ರದರ್ಶನಕ್ಕೆ ಇಂಗ್ಲೆಂಡ್‌ನ ಮಾಜಿ ಕ್ರಿಕೆಟರ್ ಕೆವಿನ್ ಪೀಟರ್ಸನ್ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. 'ಸರಣಿ ಆರಂಭದಲ್ಲಿ ಹೆಚ್ಚಿನ ಮಂದಿ ಸರಣಿಯನ್ನು 4-0ಯಿಂದ ಆಸ್ಟ್ರೇಲಿಯಾ ಗೆಲ್ಲುತ್ತದೆ ಎಂದು ಊಹಿಸುತ್ತಿದ್ದುದನ್ನು ನೋಡಿದ್ದೆ. ಮುಖ್ಯವಾಗಿ ಕೊಹ್ಲಿ ಮೊದಲ ಟೆಸ್ಟ್‌ನಲ್ಲಿ ಮಾತ್ರ ಆಡುತ್ತಿದ್ದಾರೆ ಎಂದು ತಿಳಿದ ಬಳಿಕ ಹೆಚ್ಚಿನ ಜನ ಸರಣಿಯಲ್ಲಿ ಆಸ್ಟ್ರೇಲಿಯಾ ಗೆಲ್ಲುತ್ತದೆ ಎಂದೇ ಹೇಳುತ್ತಿದ್ದರು,' ಎಂದು ಪೀಟರ್ಸನ್ ಹೇಳಿದ್ದಾರೆ.

ಆಸ್ಟ್ರೇಲಿಯಾ ಮಾಧ್ಯಮಗಳ ಅಸಲಿಯತ್ತು

ಮಾತು ಮುಂದುವರೆಸಿದ ಪೀಟರ್ಸನ್, 'ಆದರೆ ಭಾರತೀಯರು ಜನಪ್ರಿಯ ಸರಣಿಯನ್ನು ತಮ್ಮಲ್ಲೇ ಉಳಿಸಿಕೊಳ್ಳುವ ಸ್ಥಿತಿಯಲ್ಲಿದ್ದಾರೆ. ಆಸ್ಟ್ರೇಲಿಯನ್ನರ ಬಾಯಿ ಮುಚ್ಚಿಸಬೇಕಾದರೆ ಭಾರತ ಸರಣಿ ಗೆಲ್ಲಬೇಕು. ನಾವಿದನ್ನು ಕಳೆದ ಒಂದಿಷ್ಟು ಸೀಸನ್‌ಗಳಲ್ಲಿ ಮಾಡಿದ್ದೇವೆ. ಆಸ್ಟ್ರೇಲಿಯಾ ತಂಡ ಸೋಲಲಾರಂಭಿಸಿದ ಕೂಡಲೇ ಅಲ್ಲಿನ ಮೀಡಿಯಾಗಳು ತನ್ನದೇ ದೇಶದ ಆಟಗಾರರ ವಿರುದ್ಧ ಬರೆಯುವುದನ್ನು ನೋಡಲು ಅದ್ಭುತವಾಗಿರುತ್ತದೆ,' ಎಂದಿದ್ದಾರೆ.

ಟೀಮ್ ಇಂಡಿಯಾ ಗೆಲ್ಲುತ್ತದೆಯೇ?

ಸಿಡ್ನಿ ಕ್ರಿಕೆಟ್‌ ಗ್ರೌಂಡ್‌ನಲ್ಲಿ ನಡೆದ ತೃತೀಯ ಟೆಸ್ಟ್‌ನಲ್ಲಿ ಭಾರತದ ಅದ್ಭುತ ಪ್ರದರ್ಶನದ ಬಳಿಕ ಈಗಾಗಲೇ ಟಿಮ್ ಪೈನ್ ಮತ್ತು ಬಳಗ ದೂರಲ್ಪಡಲಾರಂಭಿಸಿದೆ. ಕೊನೇಯ ಟೆಸ್ಟ್ ನಡೆಯುವ ಬ್ರಿಸ್ಬೇನ್‌ ಪಿಚ್ ಕೊಂಚ ಬೌನ್ಸಿ ಆಗಿದೆ. ಅದು ಆಸ್ಟ್ರೇಲಿಯಾದ ವೇಗಿಗಳ ದಾಳಿಗೆ ಹೆಚ್ಚು ಅನುಕೂಲಕರವಾಗಿದೆ. ಆದರೆ ಈಗಲೂ ಭಾರತ ಸರಣಿ ಗೆಲ್ಲಲು ಅವಕಾಶವಿದೆ ಎಂದು ಪೀಟರ್ಸನ್ ಅಭಿಪ್ರಾಯಪಟ್ಟಿದ್ದಾರೆ. ನಾಲ್ಕನೇ ಟೆಸ್ಟ್‌ನಲ್ಲಿ ಮೊದಲನೇ ದಿನದಾಟದ ಅಂತ್ಯಕ್ಕೆ ಟಾಸ್ ಗೆದ್ದು ಬ್ಯಾಟಿಂಗ್ ಆಯ್ದುಕೊಂಡಿದ್ದ ಆಸ್ಟ್ರೇಲಿಯಾ 87 ಓವರ್‌ಗೆ 5 ವಿಕೆಟ್ ಕಳೆದು 274 ರನ್ ಗಳಿಸಿತ್ತು.