ಗಾಬಾ ಕೋಟೆ ಭೇದಿಸಿ ಆಸ್ಟ್ರೇಲಿಯಾ ವಿರುದ್ಧ ಐತಿಹಾಸಿಕ ಜಯ ಸಾಧಿಸಿದ ಟೀಮ್ ಇಂಡಿಯಾ

ಪಂತ್, ಗಿಲ್, ಪೂಜಾರ ಅದ್ಭುತ ಬ್ಯಾಟಿಂಗ್ ಪ್ರದರ್ಶನ

ಟೀಮ್ ಇಂಡಿಯಾದ ಪರವಾಗಿ ರಿಷಭ್ ಪಂತ್, ಶುಬ್ಮನ್ ಗಿಲ್ ಚೇತೇಶ್ವರ್ ಪೂಜಾರ ತೋರಿದ ಬ್ಯಾಟಿಂಗ್ ಪ್ರದರ್ಶನ ಟೀಮ್ ಇಂಡಿಯಾದ ಈ ಗೆಲುವಿನಲ್ಲಿ ಪ್ರಮುಖ ಪಾತ್ರವಹಿಸಿತು. ಅದರಲ್ಲೂ ರಿಷಬ್ ಪಂತ್ ಪ್ರದರ್ಶಿಸಿದ ಸಮಯೋಚಿತ ಪ್ರದರ್ಶನ ಗೆಲುವನ್ನು ಖಾತ್ರಿ ಪಡಿಸಿತು.

ಶತಕದಂಚಿನಲ್ಲಿ ಎಡವಿದ ಗಿಲ್

ಅಂತಿಮ ದಿನದಾಟದಲ್ಲಿ ಭಾರತದ ಗೆಲುವಿಗೆ 324 ರನ್‌ಗಳ ಅಗತ್ಯವಿತ್ತು. ಇದನ್ನು ಬೆನ್ನಟ್ಟಿದ ಟೀಮ್ ಇಂಡಿಯಾ ರೋಹಿತ್ ಶರ್ಮಾ ವಿಕೆಟನ್ನು ಅಗ್ಗಕ್ಕೆ ಕಳೆದುಕೊಂಡಿತು. ಆದರೆ ಬಳಿಕ ಜೊತೆಯಾದ ಶುಬ್ಮನ್ ಗಿಲ್ ಹಾಗೂ ಚೇತೇಶ್ವರ್ ಪೂಜಾರ ಎಚ್ಚರಿಕೆಯ ಆಟವನ್ನು ಪ್ರದರ್ಶಿಸಿದರು. ಈ ಜೋಡಿ 114 ರನ್‌ಗಳ ಜೊತೆಯಾಟವನ್ನು ನೀಡುವ ಮೂಲಕ ತಂಡವನ್ನು ಕುಸಿತದಿಂದ ಪಾರು ಮಾಡಿದರು. ಈ ಸಂದರ್ಭದಲ್ಲಿ ಶುಬ್ಮನ್ ಗಿಲ್ ಶತಕದಂಚಿನಲ್ಲಿ ಎಡವಿ 91 ರನ್‌ಗೆ ವಿಕೆಟ್ ಕಲೆದುಕೊಂಡರು.

ಪೂಜಾರ-ಪಂತ್ ಜುಗಲ್‌ಬಂದಿ

ಬಳಿಕ ಅಜಿಂಕ್ಯ ರಹಾನೆ ಹಾಗೂ ಪೂಜಾರ ಉತ್ತಮ ಜೊತೆಯಾಟವನ್ನು ಪ್ರದರ್ಶಿಸಿದರು. ಈ ವೇಳೆ ರನ್ ಗತಿ ಏರಿಸುವ ಭರದಲ್ಲಿ ಅಜಿಂಕ್ಯ ರಹಾನೆ ತಮ್ಮ ವಿಕೆಟ್‌ಅನ್ನು ಕಳೆದುಕೊಂಡರು. ಬಳಿಕ ರಿಷಭ್ ಪಂತ್ ಹಾಗೂ ಚೇತೇಶ್ವರ್ ಮತ್ತೊಂದು ಉತ್ತಮ ಜೊತೆಯಾಟವನ್ನು ನೀಡುವಲ್ಲಿ ಯಶಸ್ವಿಯಾದರು. ಈ ವೇಳೆ ತಾಳ್ಮೆಯಿಂದ ಆಡುತ್ತಿದ್ದ ಪೂಜಾರ ತಮ್ಮ ವಿಕೆಟ್ ಕಳೆದುಕೊಂಡರು.

ಪಂತ್ ಸುಂದರ ಆಟ

ಪೂಜಾರ ವಿಕೆಟ್ ಒಪ್ಪಿಸಿದ ಬಳಿಕ ಮಯಾಂಕ್ ಅಗರ್ವಾಲ್ ಪಂತ್ ಜೊತೆ ಸೇರಿಕೊಂಡರು. ಆದರೆ ಅಗರ್ವಾಲ್ ನಿರೀಕ್ಷಿತ ಪ್ರದರ್ಶನ ನೀಡುವಲ್ಲಿ ವಿಫಲರಾದರು. ಆದರೆ ನಂತರ ಬಂದ ವಾಶಿಂಗ್ಟನ್ ಸುಂದರ್ ತಂಡವನ್ನು ಪಂತ್ ಜೊತೆಗೆ ಸೇರಿ ಜಯದತ್ತ ಮುನ್ನಡೆಸಿದರು. ಈ ವೇಳೆ ಸುಂದರ್ ವಿಕೆಟ್ ಕಳೆದುಕೊಂದರು.

ಐತಿಹಾಸಿಕ ಗೆಲುವು

ಸುಂದರ್ ವಿಕೆಟ್ ಕಳೆದುಕೊಂಡ ಬಳಿಕ ಶಾರ್ದೂಲ್ ಠಾಕೂರ್ ಕೂಡ 2 ರನ್‌ಗಳಿಸಿ ಔಟ್ ಆದರು ಕೂಡ ಔಟಾದರೂ ಅದಾಗಲೇ ತಂಡ ಗೆಲುವಿನಂಚಿನಲ್ಲಿತ್ತು. ಅಂತ್ಯದಲ್ಲಿ ಬೌಂಡರಿ ಸಿಡಿಸುವ ಮೂಲಕ ರಿಷಭ್ ಪಂತ್ ಗೆಲುವನ್ನು ಘೋಷಿಸಿದರು. ರಿಷಭ್ ಪಂತ್ 89 ರನ್ ಗಳಿಸಿ ಭಾರತ ತಂಡದ ಜಯದಲ್ಲಿ ಮಹತ್ವದ ಪಾತ್ರವಹಿಸಿದರು. ಈ ಮೂಲಕ ಟೀಮ್ ಇಂಡಿಯಾ ಆಸ್ಟ್ರೇಲಿಯಾ ನೆಲದಲ್ಲಿ ಐತಿಹಾಸಿಕ ಸರಣಿ ಗೆಲುವು ಸಾಧಿಸಿ ಗೆದ್ದು ಬೀಗಿದೆ.
ಸುಂದರ್ ವಿಕೆಟ್ ಕಳೆದುಕೊಂಡ ಬಳಿಕ ಶಾರ್ದೂಲ್ ಠಾಕೂರ್ ಕೂಡ 2 ರನ್‌ಗಳಿಸಿ ಔಟ್ ಆದರು ಕೂಡ ಔಟಾದರೂ ಅದಾಗಲೇ ತಂಡ ಗೆಲುವಿನಂಚಿನಲ್ಲಿತ್ತು. ಅಂತ್ಯದಲ್ಲಿ ಬೌಂಡರಿ ಸಿಡಿಸುವ ಮೂಲಕ ರಿಷಭ್ ಪಂತ್ ಗೆಲುವನ್ನು ಘೋಷಿಸಿದರು. ರಿಷಭ್ ಪಂತ್ 89 ರನ್ ಗಳಿಸಿ ಭಾರತ ತಂಡದ ಜಯದಲ್ಲಿ ಮಹತ್ವದ ಪಾತ್ರವಹಿಸಿದರು. ಈ ಮೂಲಕ ಟೀಮ್ ಇಂಡಿಯಾ ಆಸ್ಟ್ರೇಲಿಯಾ ನೆಲದಲ್ಲಿ ಐತಿಹಾಸಿಕ ಸರಣಿ ಗೆಲುವು ಸಾಧಿಸಿ ಗೆದ್ದು ಬೀಗಿದೆ.