ಭಾರತ vs ಆಸ್ಟ್ರೇಲಿಯಾ: 17 ವರ್ಷಗಳ ಬಳಿಕ ಸೋಲಿನಲ್ಲಿ ಕೆಟ್ಟ ದಾಖಲೆ ಬರೆದ ಭಾರತ

ಸತತ ಸೋಲಿನ ಕೆಟ್ಟ ದಾಖಲೆ

ಟೀಮ್ ಇಂಡಿಯಾ ಆಸ್ಟ್ರೇಲಿಯಾ ವಿರುದ್ದದ ಮೊದಲ ಏಕದಿನ ಪಂದ್ಯದಲ್ಲಿ ಸೋಲು ಕಾಣುವ ಮೂಲಕ ಅಂತಾರಾಷ್ಟ್ರೀಯ ಕ್ರಿಕೆಟ್‌ನ ಎಲ್ಲಾ ಮಾದರಿಯಲ್ಲಿ ಸತತ ಆರನೇ ಸೋಲನ್ನು ಕಂಡಂತಾಗಿದೆ. ಭಾರತ ಕಳೆದ 17 ವರ್ಷಗಳಲ್ಲಿ ಸತತವಾಗಿ ಇಷ್ಟು ಸೋಲು ಕಂಡ ಉದಾಹರಣೆಯಿಲ್ಲ. ಈ ಮೂಲಕ ವಿರಾಟ್ ಪಡೆ ಕೆಟ್ಟ ದಾಖಲೆ ಬರೆದುಕೊಂಡಿದೆ.

2002-03ರಲ್ಲಿ ಸತತ ಸೋಲು

ಟೀಮ್ ಇಂಡಿಯಾ ಇದಕ್ಕೂ ಮುನ್ನ ಅಂತಾಷ್ಟ್ರೀಯ ಕ್ರಿಕೆಟ್‌ನಲ್ಲಿ ಸತತವಾಗಿ ಆರು ಪಂದ್ಯಗಳಲ್ಲಿ ಸೋಲು 17 ವರ್ಷಗಳ ಹಿಂದೆ ಕಂಡಿತ್ತು. ಸೌರವ್ ಗಂಗೂಲಿ ನಾಯಕನಾಗಿದ್ದ ಆ ಸಂದರ್ಭದಲ್ಲಿ ಭಾರತ ಸತತವಾಗಿ ಆರು ಸೋಲು ಕಂಡಿತ್ತು, ಆದರೆ ಬಳಿಕ ಇಂತಾ ಸಂದರ್ಭವನ್ನು ಎದುರಿಸುತ್ತಿರುವುದು ಇದೇ ಮೊದಲು.

ವಿರಾಟ್ ಕೊಹ್ಲಿಯ ಸೋಲು

ವಿರಾಟ್ ಕೊಹ್ಲಿ ನೇತೃತ್ವದ ಟೀಮ್ ಇಂಡಿಯಾ ಆಸ್ಟ್ರೇಲಿಯಾ ವಿರುದ್ಧ ಮೊದಲ ಏಕದಿನ ಪಂದ್ಯದಲ್ಲಿ ಸೋಲು ಕಾಣುವ ಮುನ್ನ ನ್ಯೂಜಿಲೆಂಡ್ ವಿರುದ್ಧದ ಸರಣಿಯಲ್ಲಿ ಮೂರು ಏಕದಿನ ಹಾಗೂ ಎರಡು ಟೆಸ್ಟ್ ಪಂದ್ಯಗಳಲ್ಲಿ ಸೋಲು ಕಂಡಿತ್ತು. ಈಗ ಆರನೇ ಸೋಲಿಗೆ ಒಳಗಾಗಿದೆ.ಸದ್ಯ ಟೀಮ್ ಇಂಡಿಯಾ ಆಸಿಸ್ ವಿರುದ್ಧದ ಸರಣಿಯಲ್ಲಿ 0-1 ಅಂತರದಿಂದ ಹಿನ್ನೆಡೆಯಲ್ಲಿದೆ.