ಕಿವೀಸ್ ವಿರುದ್ದದ ಎರಡನೇ ಟೆಸ್ಟಿಗೆ ಭಾರತದ ಈ ಪ್ರಮುಖ ಬೌಲರ್ ಡ್ರಾಪ್?

ಮೊದಲ ಟೆಸ್ಟ್ ಪಂದ್ಯದಲ್ಲಿ ಹೀನಾಯ ಸೋಲು

ವೆಲ್ಲಿಂಗ್ಟನ್ ನಲ್ಲಿನ ಬೇಸಿನ್ ರಿಸರ್ವ್ ಮೈದಾನದಲ್ಲಿ ನಡೆದ ಮೊದಲ ಟೆಸ್ಟ್ ಪಂದ್ಯದಲ್ಲಿ ನ್ಯೂಜಿಲ್ಯಾಂಡ್ ಒಂದು ಹಂತದಲ್ಲಿ 225 ರನ್ನಿಗೆ 7ವಿಕೆಟ್ ಕಳೆದುಕೊಂಡಿತ್ತು. ಆದರೆ, ಕೊನೆಯ ಮೂರು ವಿಕೆಟ್ ನಿಂದ 123 ರನ್ ಬಂತು. ಇದು ನ್ಯೂಜಿಲ್ಯಾಂಡ್ ಉತ್ತಮ ಲೀಡ್ ಗಳಿಸಲು ಶಕ್ತವಾಯಿತು. ಕಿವೀಸ್ ಕೊನೆಯ ಹಂತದ ಆಟಗಾರರನ್ನು ಬೇಗ ಔಟ್ ಮಾಡಲಾಗದೇ ಇದ್ದಿದ್ದಕ್ಕೆ ಭಾರತದ ಬೌಲರ್ ಗಳು ತೀವ್ರ ಟೀಕೆಗೆ ಗುರಿಯಾಗಿದ್ದರು.

ಬ್ಯಾಟಿಂಗ್ ನಲ್ಲಿ ಅಶ್ವಿನ್ ವಿಫಲ

ಮೊದಲ ಟೆಸ್ಟ್ ನಲ್ಲಿ ಸ್ಪಿನ್ನರ್ ಆರ್. ಅಶ್ವಿನ್ ಮೂರು ವಿಕೆಟ್ ಅನ್ನು ಪಡೆದಿದ್ದರೂ, ಅವರ ಬ್ಯಾಟಿಂಗ್ ಮತ್ತು ಫೀಲ್ಡಿಂಗ್ ನಾಯಕ ಕೊಹ್ಲಿಗೆ ತೃಪ್ತಿ ತಂದಿಲ್ಲ. ಮೊದಲ ಟೆಸ್ಟಿನ ಮೊದಲ ಇನ್ನಿಂಗ್ಸ್ ನಲ್ಲಿ ಎದುರಿಸಿದ ಮೊದಲ ಎಸೆತದಲ್ಲೇ ಸೌಥಿಗೆ ಬೌಲ್ಡ್ ಆಗಿದ್ದರು. ಇನ್ನು, ಎರಡನೇ ಇನ್ನಿಂಗ್ಸ್ ನಲ್ಲಿ ಕೇವಲ ನಾಲ್ಕು ರನ್ ಗಳಿಸಿದ್ದರು. ಹಾಗಾಗಿ, ಎರಡನೇ ಟೆಸ್ಟಿಗೆ ಅಶ್ವಿನ್ ಡ್ರಾಪ್ ಆಗುವ ಸಾಧ್ಯತೆಯಿದೆ.

ಆಲ್ರೌಂಡರ್ ರವೀಂದ್ರ ಜಡೇಜಾ

ಅಶ್ವಿನ್ ಜಾಗದಲ್ಲಿ ಆಲ್ರೌಂಡರ್ ರವೀಂದ್ರ ಜಡೇಜಾ ತಂಡದಲ್ಲಿ ಸ್ಥಾನ ಪಡೆಯುವ ಸಾಧ್ಯತೆಯಿದೆ. ಬ್ಯಾಟಿಂಗ್ ನಲ್ಲಿ ಉತ್ತಮ ಫಾರಂನಲ್ಲಿರುವ ಜಡೇಜಾ, ಕಳೆದ ಇಪ್ಪತ್ತು ಟೆಸ್ಟಿನಲ್ಲಿ ಸರಾಸರಿ ಐವತ್ತು ರನ್ ಬಾರಿಸಿದ್ದಾರೆ. ಉತ್ತಮ ಫೀಲ್ಡರ್ ಕೂಡಾ ಆಗಿರುವ ಜಡೇಜಾ, ಅಶ್ವಿನ್ ಜಾಗಕ್ಕೆ ಸೇರ್ಪಡೆಯಾಗಬಹುದು.

48 ಟೆಸ್ಟ್ ಪಂದ್ಯಗಳನ್ನು ಆಡಿರುವ ಜಡೇಜಾ, 1,844 ರನ್ ಗಳನ್ನು ಹೊಡೆದಿದ್ದಾರೆ

ಇದುವರೆಗೆ 48 ಟೆಸ್ಟ್ ಪಂದ್ಯಗಳನ್ನು ಆಡಿರುವ ಜಡೇಜಾ, 1,844 ರನ್ ಗಳನ್ನು ಹೊಡೆದಿದ್ದಾರೆ ಮತ್ತು 211 ವಿಕೆಟ್ ಅನ್ನು ಪಡೆದಿದ್ದಾರೆ. ಮೂರೂ ವಿಭಾಗದಲ್ಲೂ ತಂಡಕ್ಕೆ ನೆರವಾಗಬಲ್ಲ ರವೀಂದ್ರ ಜಡೇಜಾ 2ನೇ ಟೆಸ್ಟ್ ಪಂದ್ಯದಲ್ಲಿ ಆಡುವ ಸಾಧ್ಯತೆ ಇದೆ. ಕ್ರೈಸ್ಟ್ ಚರ್ಚ್, ಹಾಗ್ಲೇ ಓವಲ್ ಮೈದಾನದಲ್ಲಿ ಇತ್ತಂಡಗಳ ನಡುವಿನ ಎರಡನೇ ಟೆಸ್ಟ್ ಪಂದ್ಯದ ಮೂಲಕ, ಭಾರತದ ಪ್ರವಾಸ, ನ್ಯೂಜಿಲ್ಯಾಂಡ್ ಪ್ರವಾಸ ಮುಕ್ತಾಯಗೊಳ್ಳಲಿದೆ.