ಭಾರತ vs ಆಸ್ಟ್ರೇಲಿಯಾ 2020: ಟೀಮ್ ಇಂಡಿಯಾಕ್ಕೆ ದೊಡ್ಡ ಆಘಾತ!

ಆಸ್ಟ್ರೇಲಿಯಾಕ್ಕೆ ಹೊರಡಬೇಕಿತ್ತು

ನವೆಂಬರ್ 27ಕ್ಕೆ ಆರಂಭವಾಗಲಿರುವ ಭಾರತ-ಆಸ್ಟ್ರೇಲಿಯಾ ಸರಣಿಗೂ ಮುನ್ನ 14 ದಿನಗಳ ಕಡ್ಡಾಯ ಕ್ವಾರಂಟೈನ್ ಪಾಲಿಸಬೇಕಾಗಿರುವುದರಿಂದ ಇಷ್ಟರಲ್ಲಾಗಲೇ ಇಶಾಂತ್, ರೋಹಿತ್ ಆಸ್ಟ್ರೇಲಿಯಾಕ್ಕೆ ಪ್ರಯಾಣಿಸಬೇಕಾಗಿತ್ತು. ಆದರೆ ಇಬ್ಬರೂ ಇನ್ನೂ ಆಸ್ಟ್ರೇಲಿಯಾಕ್ಕೆ ಪ್ರಯಾಣ ಬೆಳೆಸಿಲ್ಲ. ಜೊತೆಗೆ ಇಶಾಂತ್, ರೋಹಿತ್ ಇಬ್ಬರೂ ಸಂಪೂರ್ಣವಾಗಿ ಚೇತರಿಸಿಕೊಂಡಿಲ್ಲ. ಫಿಟ್‌ನಲ್ಲಿ ಇಲ್ಲ ಎಂದೂ ಹೇಳಲಾಗುತ್ತಿದೆ.

ಫಿಟ್‌ನೆಸ್ ತೃಪ್ತಿ ನೀಡಿಲ್ಲ

ಎನ್‌ಸಿಎ ಅಧಿಕಾರಿಗಳು ಇತ್ತೀಚೆಗೆ ಸಭೆ ನಡೆಸಿ ರೋಹಿತ್, ಇಶಾಂತ್ ಚೇತರಿಕೆ ಸ್ಥಿತಿಯ ಬಗ್ಗೆ ಬೋರ್ಡ್ ಆಫ್ ಕಂಟ್ರೋಲ್ ಫಾರ್ ಕ್ರಿಕೆಟ್ ಇನ್ ಇಂಡಿಯಾ (ಬಿಸಿಸಿಐ) ಅಧಿಕಾರಿಗಳಿಗೆ ಮನವರಿಕೆ ಮಾಡಿದ್ದಾರೆ. ರೋಹಿತ್, ಇಶಾಂತ್ ಫಿಟ್ನೆಸ್ ಎನ್‌ಸಿಎ ಅಧಿಕಾರಿಗೆ ತೃಪ್ತಿ ನೀಡಿಲ್ಲ ಎಂದು ತಿಳಿದು ಬಂದಿದೆ. ಯಾವುದಕ್ಕೂ ಬಿಸಿಸಿಐ ಅಂತಿಮ ನಿರ್ಧಾರ ಇನ್ನೂ ಪ್ರಕಟಿಸಿಲ್ಲ.

ಸಂಗತಿ ಕಠಿಣವಾಗುತ್ತದೆ

'ರೋಹಿತ್ ವೈಟ್‌ಬಾಲ್‌ನಲ್ಲಿ ಆಡುತ್ತಿಲ್ಲ. ನೀವು ಟೆಸ್ಟ್ ಸರಣಿ ಆಡಬೇಕಾದರೆ ಮುಂದಿನ 3-4 ದಿನಗಳಲ್ಲಿ ನೀವು ಆಸ್ಟ್ರೇಲಿಯಾದ ವಿಮಾನ ಹತ್ತಬೇಕಾಗುತ್ತದೆ. ಇಲ್ಲದಿದ್ದರೆ ಸಂಗತಿ ಕಠಿಣವಾಗಲಿದೆ,' ಎಂದು ಎಬಿಸಿ ಸ್ಪೋರ್ಟ್ಸ್ ಜೊತೆ ಮಾತನಾಡಿದ ಶಾಸ್ತ್ರಿ ಇತ್ತೀಚೆಗೆ ಹೇಳಿದ್ದರು. ಅಂದ್ಹಾಗೆ ಟೆಸ್ಟ್ ಸರಣಿ ಡಿಸೆಂಬರ್ 17ರಿಂದ ಜನವರಿ 19ರ ವರೆಗೆ ಅಡಿಲೇಡ್, ಮೆಲ್ಬರ್ನ್, ಸಿಡ್ನಿ ಮತ್ತು ಬ್ರಿಸ್ಬೇನ್‌ನಲ್ಲಿ ನಡೆಯಲಿದೆ.

ಗಾಯಕ್ಕೀಡಾಗಿದ್ದ ರೋಹಿತ್, ಇಶಾಂತ್

ಐಪಿಎಲ್ ವೇಳೆ ಸ್ನಾಯುಸೆಳೆತಕ್ಕೆ (ಹ್ಯಾಮ್‌ಸ್ಟ್ರಿಂಗ್‌) ತುತ್ತಾಗಿದ್ದ ರೋಹಿತ್ ಶರ್ಮಾ ಮತ್ತು ಸೈಡ್ ಸ್ಟ್ರೇನ್‌ಗೆ (ಹೊಟ್ಟೆ ಭಾಗದ ಬದಿಯ ಸ್ನಾಯುಗಳು ಅಥವಾ ಜಾಯಿಂಟ್ ಬೇನೆ) ಒಳಗಾಗಿರು ಇಶಾಂತ್ ಶರ್ಮಾ ಇಬ್ಬರೂ ಇಂಡಿಯನ್ ಪ್ರೀಮಿಯರ್ ಲೀಗ್‌ ಬಳಿಕ ಭಾರತಕ್ಕೆ ವಾಪಸ್ಸಾಗಿದ್ದರು.