ನವದೆಹಲಿ, ಮಾರ್ಚ್ 13: ನವದೆಹಲಿಯ ಫಿರೋಜ್ ಶಾ ಕೋಟ್ಲಾ ಸ್ಟೇಡಿಯಂನಲ್ಲಿ ಬುಧವಾರ (ಮಾರ್ಚ್ 13) ನಡೆದ ಭಾರತ vs ಆಸ್ಟ್ರೇಲಿಯಾ ತಂಡಗಳ ನಡುವಣ 5ನೇ ಮತ್ತು ಅಂತಿಮ ಏಕದಿನ ಕ್ರಿಕೆಟ್ ಪಂದ್ಯದಲ್ಲಿ ವಿರಾಟ್ ಕೊಹ್ಲಿ ಬಳಗ 35 ರನ್ ಸೋಲನುಭವಿಸಿದೆ. ಬ್ಯಾಟಿಂಗ್ ವಿಭಾಗದ ನಿರ್ಲಕ್ಷ್ಯಕ್ಕೆ ಭಾರತ ಸೋಲಿನ ಮುಖಭಂಗ ಅನುಭವಿಸಿತಲ್ಲದೆ, ಏಕದಿನ ಸರಣಿಯನ್ನು 3-2ರಿಂದ ಪ್ರವಾಸಿಗರಿಗೆ ಬಿಟ್ಟುಕೊಟ್ಟಿದೆ.
ಸ್ಕೋರ್ಕಾರ್ಡ್ಗೆ ಕೆಳಗಿನ ಲಿಂಕ್ ಕ್ಲಿಕ್ ಮಾಡಿ.
ಟಾಸ್ ಗೆದ್ದು ಬ್ಯಾಟಿಂಗ್ಗೆ ಇಳಿದ ಆಸ್ಟ್ರೇಲಿಯಾಕ್ಕೆ ಉತ್ತಮ ಆರಂಭ ಲಭಿಸಿತು. ನಾಯಕ ಆ್ಯರನ್ ಫಿಂಚ್ (27) ವಿಕೆಟ್ ಉರುಳುವಾಗ ತಂಡದ ಖಾತೆಯಲ್ಲಿ 76 ರನ್ ಇತ್ತು. ಖವಾಜಾ 100, ಹ್ಯಾಂಡ್ಸ್ಕಾಂಬ್ 52, ಮಾರ್ಕಸ್ ಸ್ಟೋಯ್ನಿಸ್ ಮತ್ತು ಆ್ಯಷ್ಟನ್ ಟರ್ನರ್ ತಲಾ 20, ಜಾಯೆ ರಿಚರ್ಡ್ಸನ್ 29 ರನ್ ಕೊಡುಗೆ ನೀಡಿದರು.
ಸುನಿಲ್ ಗವಾಸ್ಕರ್ ಪ್ರಕಾರ ಟೀಮ್ ಇಂಡಿಯಾ 2019ರ ವಿಶ್ವಕಪ್ ಗೆಲ್ಲೋಲ್ಲ!
ಹೀಗಾಗಿ ಆಸೀಸ್ ಆಸೀಸ್ 50 ಓವರ್ಗೆ 9 ವಿಕೆಟ್ ಕಳೆದು 272 ರನ್ ಬಾರಿಸಿತು. ಎದುರಾಳಿ ನೀಡಿದ 273 ರನ್ ಗುರಿ ಬೆನ್ನತ್ತಿದ ಭಾರತ, ರೋಹಿತ್ ಶರ್ಮಾ ಅರ್ಧಶತಕದ ಹೊರತಾಗಿಯೂ 50 ಓವರ್ಗೆ ಎಲ್ಲಾ ವಿಕೆಟ್ ಕಳೆದು 237 ರನ್ ಗಳಿಸಲಷ್ಟೇ ಶಕ್ತವಾಯಿತು.
ಭಾರತ ವಿರುದ್ಧ 5 ಇನ್ನಿಂಗ್ಸ್ಗಳಲ್ಲಿ ಉಸ್ಮಾನ್ ಖವಾಜಾ ಅತ್ಯಧಿಕ ರನ್ ದಾಖಲೆ!
ಭಾರತದ ಇನ್ನಿಂಗ್ಸ್ ವೇಳೆ ಉಪನಾಯಕ ಶರ್ಮಾ 56, ಕೇದಾರ್ ಜಾಧವ್ 44, ಭುವನೇಶ್ವರ್ ಕುಮಾರ್ 46 ರನ್ ವೈಯಕ್ತಿಕ ಅತ್ಯಧಿಕ ರನ್ ಆಗಿ ಗುರುತಿಸಿಕೊಂಡಿತು. ಅದು ಬಿಟ್ಟರೆ ವಿರಾಟ್ ಕೊಹ್ಲಿಯ 20 ರನ್ ದೊಡ್ಡದೆನಿಸಿತು. ಆಸೀಸ್ ಪರ ಆದಂ ಜಂಪಾ 3, ಪ್ಯಾಟ್ ಕಮಿನ್ಸ್, ಜಾಯೆ ರಿಚರ್ಡ್ಸನ್ ಮತ್ತು ಮಾರ್ಕಸ್ ಸ್ಟೋಯ್ನಿಸ್ ತಲಾ 2 ವಿಕೆಟ್ನೊಂದಿಗೆ ಮಿಂಚಿದರು.
IPL 2019: ಮುಂಬೈ ಇಂಡಿಯನ್ಸ್ ಅಭ್ಯಾಸ ಶಿಬಿರಕ್ಕೆ ಹಾಜರಾದ ಹಾರ್ದಿಕ್
ಆಸೀಸ್ ಇನ್ನಿಂಗ್ಸ್ ವೇಳೆ ಭಾರತ ಪರ ಭುವನೇಶ್ವರ್ ಕುಮಾರ್ 3, ಮೊಹಮ್ಮದ್ ಶಮಿ ಮತ್ತು ರವೀಂದ್ರ ಜಡೇಜಾ ತಲಾ 2, ಕುಲದೀಪ್ ಯಾದವ್ 1 ವಿಕೆಟ್ ಪಡೆದು ಎದುರಾಳಿಯ ರನ್ ಕದಿಯುವಿಕೆಗೆ ಬ್ರೇಕ್ ಹಾಕಿದರಾದರೂ ಅದು ಗೆಲುವಿನ ನೆಲೆಯಲ್ಲಿ ಕೆಲಸಕ್ಕೆ ಬರಲಿಲ್ಲ. ಪಂದ್ಯಶ್ರೇಷ್ಠ, ಸರಣಿ ಶ್ರೇಷ್ಠ ಎರಡೂ ಪ್ರಶಸ್ತಿ ಆಸೀಸ್ ಬ್ಯಾಟ್ಸ್ಮನ್ ಉಸ್ಮಾನ್ ಖವಾಜಾ ಅವರಿಗೊಲಿಯಿತು.
ಭಾರತ ತಂಡ: ರೋಹಿತ್ ಶರ್ಮಾ, ಶಿಖರ್ ಧವನ್, ವಿರಾಟ್ ಕೊಹ್ಲಿ (ಸಿ), ರಿಷಬ್ ಪಂತ್ (ವಿ.ಕೆ), ಕೇದಾರ್ ಜಾಧವ್, ವಿಜಯ್ ಶಂಕರ್, ರವೀಂದ್ರ ಜಡೇಜಾ, ಭುವನೇಶ್ವರ ಕುಮಾರ್, ಕುಲದೀಪ್ ಯಾದವ್, ಮೊಹಮ್ಮದ್ ಶಮಿ, ಜಸ್ಪ್ರೀತ್ ಬೂಮ್ರಾ.
ಆಸ್ಟ್ರೇಲಿಯಾ ತಂಡ: ಆ್ಯರನ್ ಫಿಂಚ್ (ಸಿ), ಉಸ್ಮಾನ್ ಖವಾಜಾ, ಪೀಟರ್ ಹ್ಯಾಂಡ್ಸ್ಕಾಂಬ್, ಮಾರ್ಕಸ್ ಸ್ಟೊಯಿನಿಸ್, ಗ್ಲೆನ್ ಮ್ಯಾಕ್ಸ್ವೆಲ್, ಆಷ್ಟನ್ ಟರ್ನರ್, ಅಲೆಕ್ಸ್ ಕ್ಯಾರಿ (ವಿಕೆ), ಜೆಯೀ ರಿಚರ್ಡ್ಸನ್, ಪ್ಯಾಟ್ ಕಮ್ಮಿನ್ಸ್, ಆಡಮ್ ಜಂಪಾ, ನಾಥನ್ ಲಿಯಾನ್.