ಭಾರತ vs ಆಸ್ಟ್ರೇಲಿಯಾ: ದ್ವಿತೀಯ ಏಕದಿನಕ್ಕೆ ಭಾರತ ಸಂಭಾವ್ಯ ತಂಡ

ಟಾಪ್ ಆರ್ಡರ್

ಮುಂಬೈ ಪಂದ್ಯದಲ್ಲಿ ಆರಂಭಿಕ ಬ್ಯಾಟ್ಸ್‌ಮನ್ ಶಿಖರ್ ಧವನ್ 74 ರನ್‌ಗಳ ಕೊಡುಗೆಯಿತ್ತರಾದರೂ ಮತ್ತೊಬ್ಬ ಓಪನರ್ ರೋಹಿತ್ ಶರ್ಮಾ (10 ರನ್) ಬೇಗನೆ ವಿಕೆಟ್ ಒಪ್ಪಿಸಿದ್ದು ತಂಡಕ್ಕೆ ಹಿನ್ನಡೆಯಾಗಿ ಪರಿಣಮಿಸಿತ್ತು. ಅಲ್ಲದೆ ವಿರಾಟ್ ಕೊಹ್ಲಿ 3ನೇ ಕ್ರಮಾಂಕಕ್ಕೆ ಬದಲಾಗಿ 4ನೇ ಕ್ರಮಾಂಕದಲ್ಲಿ ಬಂದಿದ್ದು ಇನ್ನೊಂದು ಎಡವಟ್ಟು (1. ರೋಹಿತ್ ಶರ್ಮಾ, 2. ಶಿಖರ್ ಧವನ್, 3 ವಿರಾಟ್ ಕೊಹ್ಲಿ).

ಮಧ್ಯಮ ಕ್ರಮಾಂಕ

ತಂಡವೊಂದರ ಟಾಪ್ ಆರ್ಡರ್ ಬ್ಯಾಟ್ಸ್‌ಮನ್‌ಗಳು ಕೈಕೊಟ್ಟಾಗ ತಂಡವನ್ನು ಮೇಲೆತ್ತುವ ಜವಾಬ್ದಾರಿ ಮಧ್ಯಮ ಕ್ರಮಾಂಕ ಬ್ಯಾಟ್ಸ್‌ಮನ್‌ಗಳ ಮೇಲಿರುತ್ತದೆ. ಆದರೆ ಹಿಂದಿನ ಪಂದ್ಯದಲ್ಲಿ ಭಾರತದ ಮಧ್ಯಮ ಕ್ರಮಾಂಕವೂ ವೈಫಲ್ಯ ತೋರಿಕೊಂಡಿತ್ತು. ರಾಜ್‌ ಕೋಟ್‌ನಲ್ಲಾದರೂ ಮಧ್ಯಮ ಕ್ರಮಾಂಕ ಮಿನುಗುತ್ತಾ ಕಾದು ನೋಡಬೇಕಿದೆ (4. ಕೆಎಲ್ ರಾಹುಲ್, 5. ಶ್ರೇಯಸ್ ಐಯ್ಯರ್, 6. ಮನೀಶ್ ಪಾಂಡೆ).

ಆಲ್ ರೌಂಡರ್

ಕಳೆದ ಪಂದ್ಯದಲ್ಲಿ ಮೆನ್ ಇನ್ ಬ್ಲೂ ತಂಡದ ಆಲ್ ರೌಂಡರ್‌ಗಳ ಸಾಲಿನಲ್ಲಿ ರವೀಂದ್ರ ಜಡೇಜಾ ಮತ್ತು ಶಾರ್ದೂಲ್ ಠಾಕೂರ್ ಇದ್ದರು. ಈ ಬಾರಿ ಠಾಕೂರ್ ಬದಲು ತಂಡದಲ್ಲಿ ಸಣ್ಣ ಬದಲಾವಣೆಯಾಗುವ ಸಾಧ್ಯತೆಯಿದೆ. ಯುವ ವೇಗಿ ನವದೀಪ್ ಸೈನಿ ತಂಡ ಸೇರಿಕೊಳ್ಳುವ ನಿರೀಕ್ಷೆಯಿದೆ (7. ರವೀಂದ್ರ ಜಡೇಜಾ).

ಕೆಳ ಕ್ರಮಾಂಕ

ಮೊದಲ ಏಕದಿನ ಪಂದ್ಯದಲ್ಲಿ ಭಾರತ ಬೌಲರ್‌ಗಳ ಆಟ ನಡೆಯಲೇಯಿಲ್ಲ. ಭಾರತೀಯರು ಎಸೆಯುತ್ತಿದ್ದ ಎಸೆತಗಳನ್ನು, ಬದಲಾವಣೆಗಳನ್ನು ಎದುರಾಳಿ ಬ್ಯಾಟ್ಸ್‌ಮನ್‌ಗಳು ಅರಿತುಕೊಂಡು ಚೆಂಡನ್ನು ಪೆವಿಲಿಯನ್‌ಗೆ ಅಟ್ಟುವುದನ್ನು ಮುಂದುವರೆಸಿದ್ದರು. ಈ ಬಾರಿಯಾದರೂ ಬೌಲರ್‌ಗಳು ಆಸೀಸ್ ಬ್ಯಾಟ್ಸ್‌ಮನ್‌ಗಳ ಮುಂದೆ ಬಲ ಪ್ರದರ್ಶಿಸಬೇಕಿದೆ (8. ಯುಜುವೇಂದ್ರ ಚಾಹಲ್, 9. ಮೊಹಮ್ಮದ್ ಶಮಿ, 10. ನವದೀಪ್ ಸೈನಿ, 11. ಜಸ್‌ಪ್ರೀತ್‌ ಬೂಮ್ರಾ).