ಟೀಮ್ ಇಂಡಿಯಾದ ವಿಭಿನ್ನ ನಡೆಗೆ ಆಸೀಸ್‌ನ ಲೀಸಾ ಸ್ಟಾಲೇಕರ್ ಪ್ರತಿಕ್ರಿಯೆ

ಟಿ ನಟರಾಜನ್ ಉತ್ತಮ ಪ್ರದರ್ಶನ

ಭಾರತ-ಆಸ್ಟ್ರೇಲಿಯಾ ಏಕದಿನ ಮತ್ತು ಟಿ20ಐ ಸರಣಿಯಲ್ಲಿ ಯಾರ್ಕರ್ ಸ್ಪೆಷಾಲಿಸ್ಟ್ ಟಿ ನಟರಾಜನ್ ಉತ್ತಮ ಪ್ರದರ್ಶನ ನೀಡಿದ್ದರು. ಏಕದಿನ ಸರಣಿಯ ಕೊನೇ ಪಂದ್ಯದಲ್ಲಿ 3 ವಿಕೆಟ್, ಟಿ20ಐ ಸರಣಿಯ 3 ಇನ್ನಿಂಗ್ಸ್‌ಗಳಲ್ಲಿ 5 ವಿಕೆಟ್ ಲಭಿಸಿತ್ತು. ಹೀಗಾಗಿ ಕೊಹ್ಲಿ ಸಹಜವಾಗೇ ನಟರಾಜನ್‌ ಪ್ರದರ್ಶನದ ಬಗ್ಗೆ ಖುಷಿಗೊಂಡಿದ್ದರು.

ಭಾರತೀಯ ತಂಡದಲ್ಲಿ ಎಂಥಾ ಪ್ರೀತಿ

ಟ್ವೀಟ್ ಮಾಡಿರುವ ಲೀಸಾ, 'ಪುರುಷರ ಮತ್ತು ಮಹಿಳಾ ಭಾರತೀಯ ತಂಡಗಳಲ್ಲಿ ಎಂಥಾ ಪ್ರೀತಿ. ಒಂದು ವೇಳೆ ತಂಡ ಪ್ರಶಸ್ತಿ ಗೆದ್ದರೆ ಫೋಟೋ ವೇಳೆ ಟ್ರೋಫಿಯನ್ನು ನಾಯಕ ಹಿಡಿದುಕೊಳ್ಳುವುದಿಲ್ಲ. ಬದಲಿಗೆ ಯುವ ಆಟಗಾರನಿಗೆ ಅಥವಾ ಉತ್ತಮ ಪ್ರದರ್ಶನ ನೀಡಿದವರಿಗೆ ಟ್ರೋಫಿ ನೀಡಲಾಗುತ್ತದೆ. ಈ ಬಾರಿ ಟ್ರೋಫಿ ಕೈಯಲ್ಲಿ ಹಿಡಿದು ಟಿ ನಟರಾಜನ್ ಮಧ್ಯದಲ್ಲಿ ನಿಂತಿದ್ದಾರೆ,' ಎಂದು ಲೀಸಾ ಬರೆದುಕೊಂಡಿದ್ದಾರೆ.

ಧೋನಿ ಶುರು ಮಾಡಿದ ಟ್ರೆಂಡ್ ಇದು

ಭಾರತೀಯ ತಂಡ ಪಂದ್ಯ ಅಥವಾ ಸರಣಿ ಗೆದ್ದಾಗ ಟ್ರೋಫಿಯನ್ನು ನಾಯಕ ಹಿಡಿದುಕೊಳ್ಳದೆ ಅದನ್ನು ಯುವ ಆಟಗಾರ ಅಥವಾ ಉತ್ತಮ ಪ್ರದರ್ಶನ ನೀಡಿದ ಆಟಗಾರನ ಕೈಯಲ್ಲಿ ಕೊಟ್ಟು ತಂಡದ ಫೋಟೋ ತೆಗೆಸಿಕೊಳ್ಳುವ ಈ ಟ್ರೆಂಡ್ ಶುರು ಮಾಡಿದ್ದು ಕೂಲ್ ಕ್ಯಾಪ್ಟನ್ ಎಂಎಸ್ ಧೋನಿ. ಆ ಬಳಿಕ ಇದನ್ನು ಉಳಿದ ನಾಯಕರೂ ಪಾಲಿಸುತ್ತಿದ್ದಾರೆ. ಲೀಸಾ ಶ್ಲಾಘನೆ ವೇಳೆ ನೆಟ್ಟಿಗರು ಧೋನಿಯನ್ನು ಸ್ಮರಿಸಿ ಲೀಸಾಗೆ ಟ್ವೀಟ್‌ಗೆ ಪ್ರತಿಕ್ರಿಯಿಸಿದ್ದಾರೆ.