ಅಡಿಲೇಡ್, ಜನವರಿ 15: ಭಾರತದ ಯುವ ವೇಗಿ ಮೊಹಮ್ಮದ್ ಸಿರಾಜ್ ಅವರು ಬೇಡದ ದಾಖಲೆಯೊಂದಕ್ಕೆ ಕಾರಣರಾಗಿದ್ದಾರೆ. ಅಡಿಲೇಡ್ನಲ್ಲಿ ಮಂಗಳವಾರ (ಜನವರಿ 15) ನಡೆದ ಭಾರತ vs ಆಸ್ಟ್ರೇಲಿಯಾ ದ್ವಿತೀಯ ಏಕದಿನ ಪಂದ್ಯದಲ್ಲಿ ಸಿರಾಜ್ ಇಂಥದ್ದೊಂದು ದಾಖಲೆಗೆ ಗುರುತಿಸಿಕೊಂಡರು.
ಅತ್ಯಧಿಕ ಅಂತಾರಾಷ್ಟ್ರೀಯ ಶತಕ: ಸಂಗಕ್ಕಾರ ಸರಿಗಟ್ಟಿದ ವಿರಾಟ್ ಕೊಹ್ಲಿ!
ಅಡಿಲೇಡ್ ಪಂದ್ಯದಲ್ಲಿ ಅಂತಾರಾಷ್ಟ್ರೀಯ ಏಕದಿನಕ್ಕೆ ಪಾದಾರ್ಪಣೆ ಮಾಡಿದ್ದ ಸಿರಾಜ್ ಒಟ್ಟು 10 ಓವರ್ ಎಸೆದಿದ್ದರು. ಆದರೆ ಅವರಿಗೆ ಒಂದೂ ವಿಕೆಟ್ ಲಭಿಸಲಿಲ್ಲ. ಆದರೆ 10 ಓವರ್ಗೆ ಸಿರಾಜ್ ಬರೋಬ್ಬರಿ 76 ರನ್ ನೀಡಿದ್ದರು. ಇದರಿಂದ ಅತ್ಯಧಿಕ ರನ್ ನೀಡಿದ ಭಾರತದ ಎರಡನೇ ಆಟಗಾರ ಎಂಬ ಹಣೆಪಟ್ಟಿ ಸಿರಾಜ್ ಅವರಿಗೆ ಲಭಿಸಿದೆ.
#MohammedSiraj makes his debut. Welcome to the blue gang mate #AUSvIND pic.twitter.com/b1V4LX5ho2
— Doordarshan Sports (@ddsportschannel) January 15, 2019
ಇದಕ್ಕೂ ಮುನ್ನ 1975ರಲ್ಲಿ ಭಾರತದ ಮಾಜಿ ಆಟಗಾರ ಕಾರ್ಸನ್ ಘೌರಿ ಅವರು ಇಂಗ್ಲೆಂಡ್ ವಿರುದ್ಧ ಏಕದಿನ ಪಾದಾರ್ಪಣೆ ಪಂದ್ಯದಲ್ಲಿ 11 ಓವರ್ಗೆ 83 ರನ್ ನೀಡಿ ಈ ಅನಗತ್ಯ ದಾಖಲೆಗಾಗಿ ಮೊದಲ ಸ್ಥಾನದಲ್ಲಿದ್ದಾರೆ. ಆದರೆ ಅಡಿಲೇಡ್ ಪಂದ್ಯದಲ್ಲಿ ಭಾರತ ತಂಡ ವಿರಾಟ್ ಕೊಹ್ಲಿ, ರೋಹಿತ್ ಶರ್ಮಾ ಮತ್ತು ಎಂಎಸ್ ಧೋನಿ ಆಟದ ನೆರವಿನೊಂದಿಗೆ 6 ವಿಕೆಟ್ ಗೆಲುವನ್ನಾಚರಿಸಿತು.