ಇದನ್ನು ನಂಬುವುದು ಕಠಿಣ : ಪಂದ್ಯ ಡ್ರಾ ಬಳಿಕ ಆಸಿಸ್ ನಾಯಕನ ಪ್ರತಿಕ್ರಿಯೆ

ಅರಗಿಸಿಕೊಳ್ಳುವುದು ಕಷ್ಟ

"ನನ್ನ ಪ್ರಕಾರ ನಾವು ಗೆಲ್ಲಲು ಪೂರಕವಾದ ಸಾಕಷ್ಟು ಸಂದರ್ಭಗಳನ್ನು ಸೃಷ್ಟಿಸಿಕೊಂಡಿದ್ದೆವು. ಆದರೆ ಈ ವಿಚಾರವನ್ನು ಅರಗಿಸಿಕೊಳ್ಳುವುದು ತುಂಬಾ ಕಷ್ಟ. ನಮ್ಮ ಬೌಲರ್‌ಗಳು ಅದ್ಭುತವಾಗಿದ್ದರು. ವಿಶೇಷವಾಗಿ ಲಿಯಾನ್ ಶ್ರೇಷ್ಠ ಬೌಲಿಂಗ್ ಪ್ರದರ್ಶನ ನೀಡಿದ್ದರು . ಆದರೆ ನಾವು ವಿಶೇಷವಾಗಿ ನಾನು ಕ್ಯಾಚ್‌ಗಳನ್ನು ಪಡೆಯುವಲ್ಲಿ ವಿಫಲರಾದೆವು" ಎಂದು ಟಿಮ್ ಪೈನ್ ಪ್ರತಿಕ್ರಿಯಿಸಿದ್ದಾರೆ.

ಕಳೆದೆರಡು ಪಂದ್ಯಗಳಲ್ಲಿ ಅತ್ಯುತ್ತಮ ಪ್ರದರ್ಶನ ನೀಡಿಲ್ಲ

"ನಾವು ಈಗ ಬ್ರಿಸ್ಬೇನ್ ಪಂದ್ಯದತ್ತ ಚಿತ್ತವನ್ನು ಹರಿಸಿದ್ದೇವೆ. ಕಳೆದ ಎರಡು ಪಂದ್ಯಗಳಲ್ಲಿ ನಾವು ನಮ್ಮ ಅತ್ಯುತ್ತಮ ಪ್ರದರ್ಶನವನ್ನು ನೀಡಿಲ್ಲ. ಆದರೆ ಈ ಪಂದ್ಯದಲ್ಲಿ ನಾವು ಬ್ಯಾಟಿಂಗ್ ವಿಭಾಗದಲ್ಲಿ ಉತ್ತಮ ಪ್ರದರ್ಶನ ನೀಡಿದ್ದೆವು" ಎಂದು ಟಿಮ್ ಪೈನ್ ಪಂದ್ಯದ ಮುಕ್ತಾಯದ ಬಳಿಕ ಪ್ರತಿಕ್ರಿಯೆ ನೀಡಿದ್ದಾರೆ.

ಸಾಕಷ್ಟು ಸಕಾರಾತ್ಮಕ ಸಂಗತಿಗಳು ಇದೆ

"ಈ ಪಂದ್ಯದಲ್ಲಿ ಕೆಲ ಸಕಾರಾತ್ಮಕ ಸಂಗತಿಗಳೂ ಇದೆ. ನಮ್ಮ ಬೌಲ್‌ಗಳು ಸಾಕಷ್ಟು ಅವಕಾಶಗಳನ್ನು ಸೃಷ್ಟಿಸಿದ್ದಾರೆ. ಇಂದು ನಮ್ಮ ಹುಡುಗರು ಪೂರ್ಣ ಪ್ರಮಾಣದ ಪ್ರಯತ್ನವನ್ನು ನಡೆಸಿದ್ದರು. ಆದರೆ ಅದು ನಮಗೆ ಪೂರಕವಾಗಿ ಫಲಿತಾಂಶ ನೀಡಿಲ್ಲ" ಎಂದು ಟಿಮ್ ಪೈನ್ ಹೇಳಿದ್ದಾರೆ.

ಬ್ರಿಸ್ಬೇನ್ ಪಂದ್ಯ ನಿರ್ಣಾಯಕ

ಭಾರತ ಹಾಗೂ ಆಸ್ಟ್ರೇಲಿಯಾ ನಡುವಿನ ಅಂತಿಮ ಟೆಸ್ಟ್ ಪಂದ್ಯ ಬ್ರಿಸ್ಬೇನ್‌ನ ಗಾಲೆ ಕ್ರೀಡಾಂಗಣದಲ್ಲಿ ಜನವರಿ 15ನೇ ತಾರೀಕಿನಿಂದ ಆರಂಭವಾಗಲಿದೆ. ನಾಲ್ಕು ಪಂದ್ಯಗಳ ಸರಣಿಯಲ್ಲಿ ಎರಡು ತಂಡಗಳು ತಲಾ ಒಂದೊಂದು ಪಂದ್ಯಗಳನ್ನು ಗೆದ್ದಿರುವುದರಿಂದ ಈ ಪಂದ್ಯ ಸರಣಿಯ ನಿರ್ಣಾಯಕ ಪಂದ್ಯವಾಗಿರಲಿದೆ.