ಸರಣಿ ಸೋಲಿಗೆ ಟೀಮ್ ಇಂಡಿಯಾ ನಾಯಕ ವಿರಾಟ್ ಕೊಹ್ಲಿ ಕೊಟ್ಟ ಕಾರಣಗಳು

ಬೌಲಿಂಗ್ ವಿಭಾಗದ ವಿಫಲ

"ಪಂದ್ಯದಿಂದ ನಾವು ಸಂಪೂರ್ಣವಾಗಿ ಹೊರಗುಳಿದೆವು. ಅದರಲ್ಲೂ ಬೌಲಿಂಗ್ ವಿಭಾಗದಲ್ಲಿ ನಾವು ಅಷ್ಟೋಂದು ಪರಿಣಾಮಕಾರಿಯಾಗಿಲ್ಲ. ನಾವು ಅಂದುಗೊಂಡ ಸ್ಥಳಕ್ಕೆ ನಿರಂತರವಾಗಿ ಬೌಲಿಂಗ್ ಮಾಡಲು ವಿಫಲರಾಗುತ್ತಿದ್ದೇವೆ. ಎದುರಾಳಿಯ ಬಳಿ ಬಲಿಷ್ಠ ಬ್ಯಾಟಿಂಗ್ ಲೈನ್‌ಅಪ್ ಹೊಂದಿದೆ ಹಾಗೂ ಅವರಿಗೆ ಕೋನಗಳ ಬಗ್ಗೆ ಚೆನ್ನಾಗಿ ಅರಿವಿದೆ" ಎಂದು ಕೊಹ್ಲಿ ಪ್ರತಿಕ್ರಿಯಿಸಿದರು.

ಆಸ್ಟ್ರೇಲಿಯಾದ ಕಠಿಣ ಗುರಿ

"ಆಸ್ಟ್ರೇಲಿಯಾ ನಮಗೆ ಕಠಿಣವಾದ ಗುರಿಯನ್ನು ನೀಡಿತ್ತು. ನೀವು ಗಮನಿಸಬಹುದು ನಾವು 340 ರನ್‌ಗಳನ್ನು ಗಳಿಸಿರುವ ಹೊರತಾಗಿಯೂ 51 ರನ್‌ಗಳ ಅಂತರದ ಸೋಲನ್ನು ಕಂಡಿದ್ದೇವೆ. ಅವರು ಬೌಲಿಂಗ್ ಮಾಡಿದ ಪ್ರದೇಶಗಳಿಂದ ಅವಕಾಶಗಳು ಸೃಷ್ಟಿಯಾಗುವಂತೆ ಮಾಡಿದರು. ಈ ಮೂಲಕ ಅವರು ಮೇಲುಗೈ ಸಾಧಿಸಿದರು" ಎಂದು ಟೀಮ್ ಇಂಡಿಯಾ ನಾಯಕ ವಿರಾಟ್ ಕೊಹ್ಲಿ ಸೋಲಿನ ಬಳಿಕ ಪ್ರತಿಕ್ರಿಯೆ ನೀಡಿದ್ದಾರೆ.

ಹಾರ್ದಿಕ್ ಬೌಲಿಂಗ್‌ನಲ್ಲಿ ಯಶಸ್ಸು

ಈ ಪಂದ್ಯದಲ್ಲಿ ಸಕಾರಾತ್ಮಕವಾಗಿರುವ ಸಂಗತಿಯೆಂದರೆ ಹಾರ್ದಿಕ್ ಪಾಂಡ್ಯ ಅವರ ಬೌಲಿಂಗ್. ಆತ ವರ್ಷಗಳ ಬಳಿಕ ಬೌಲಿಂಗ್ ನಡೆಸಿದ್ದು ದೊಡ್ಡ ವಿಕೆಟ್ ಸ್ಟೀವ್ ಸ್ಮಿತ್ ವಿಕೆಟ್ ಪಡೆದುಕೊಂಡಿದ್ದಾರೆ ಎಂದು ವಿರಾಟ್ ಕೊಹ್ಲಿ ಹಾರ್ದಿಕ್ ಪಾಂಡ್ಯ ಬೌಲಿಂಗ್ ಪ್ರದರ್ಶನದ ಬಗ್ಗೆ ಪ್ರಶಂಸಿದ್ದಾರೆ.

ರಾಹುಲ್ ಜೊತೆ ಉತ್ತಮ ಜೊತೆಯಾಟ ಬೇಕಿತ್ತು

ಇನ್ನು ಕೆಎಲ್ ರಾಹುಲ್ ಜೊತೆಗೆ ಕನಿಷ್ಟ 40 ಓವರ್‌ವರೆಗೆ ಬ್ಯಾಟಿಂಗ್ ಮಾಡಿದ್ದರೆ ಎದುರಾಳಿ ಮೇಲೆ ಒತ್ತಡವನ್ನು ಹೇರಬಹುದಾಗಿತ್ತು ಎಂದು ಕೊಹ್ಲಿ ಅಭಿಪ್ರಾಯಪಟ್ಟಿದ್ದಾರೆ. ಅಂತಿಮ 10 ಓವರ್‌ಗಳಲ್ಲಿ 100ರನ್‌ಗಳ ಅವಶ್ಯಕತೆಯಿದ್ದರೆ ಅದನ್ನು ಪಾಂಡ್ಯ ಅವರ ಜೊತೆಗೂಡಿ ಸಾಧಿಸಬಹುದು ಎಂಬ ಲೆಕ್ಕಾಚಾರವನ್ನು ಹಾಕಿದ್ದೆವು ಎಂದು ಕೊಹ್ಲಿ ವಿವರಿಸಿದ್ದಾರೆ.