ಏಷ್ಯಾ ಕಪ್ 2018 ಫೈನಲ್: ಮೂರು ವಿಭಿನ್ನ ಸಂಭ್ರಮಾಚರಣೆಗಳ ಸುತ್ತ!

ಅತ್ತಿದ್ದ ಪುಟಾಣಿಯ ಸಂಭ್ರಮ

ಏಷ್ಯಾ ಕಪ್ 5ನೇ ಸೂಪರ್ ಫೋರ್ ನಲ್ಲಿನ ಭಾರತ-ಅಫ್ಘಾನಿಸ್ತಾನ ಮುಖಾಮುಖಿಯಲ್ಲಿ ಭಾರತ 252 ರನ್ ನಿಂದ ಅಫ್ಘಾನ್ ನೊಂದಿಗೆ ಪಂದ್ಯವನ್ನು ಟೈ ಮಾಡಿಕೊಂಡಿತ್ತು. ಈ ವೇಳೆ ಅತ್ತು ಗಮನ ಸೆಳೆದಿದ್ದ ಸಿಖ್ ಪುಟಾಣಿ ಫೈನಲ್ ನಲ್ಲಿ ಭಾರತ ಗೆದ್ದಾಗ ಸಂಭ್ರಮಿಸಿದ.

ಭಾರತ ಗೆಲ್ಲಿಸಲು ಬಂದವಳು

ಈ ಬಾರಿಯ ಏಷ್ಯಾ ಕಪ್ ಪಂದ್ಯದ ವೇಳೆ ಆಕರ್ಷಣೆ ಮೂಡಿಸಿದ್ದ ಪಾಕ್ ಚೆಲುವೆಯ ಬಗ್ಗೆ ವ್ಯಕ್ತವಾದ ತಮಾಷೆ. ಕಾರ್ ಡ್ರೈವ್ ಮಾಡುತ್ತಿರುವ ರಾಕ್ 'ನೀವೆಲ್ಲಿಗೆ ಹೋಗಬೇಕಿದೆ ಮೇಡಂ?' ಎಂದಾಗ ಆಕೆ, 'ಫೈನಲ್ ನಲ್ಲಿ ಭಾರತವನ್ನು ಗೆಲ್ಲಿಸಲು' ಅಂದಳಂತೆ!

ಭಾವನೆಗಳನ್ನು ಹಿಡಿದಿಟ್ಟುಕೊಳ್ಳಿ

ಫೈನಲ್ ಪಂದ್ಯದ ವೇಳೆ ಶಿಖರ್ ಧವನ್ ಔಟಾದಾಗ ಭಾರತ ಆಘಾತವನ್ನು ಅನುಭವಿಸಿತ್ತು. ಆ ವೇಳೆ ಬಾಂಗ್ಲಾ ಆಟಗಾರರು ಮತ್ತು ಅಭಿಮಾನಿಗಳು ನಾಗಿಣಿ ಡ್ಯಾನ್ಸು ಮಾಡಿ ಸಂಭ್ರಮಾಚರಿಸಿದ್ದರು. ಅದಕ್ಕೆ ಭಾರತದ ಅಭಿಮಾನಿ ತಿರುಗೇಟು ನೀಡಿದ್ದಾರೆ. ಆಟ ಆಡಿ; ಆದರೆ ಭಾವನೆಗಳನ್ನು ಕೊಂಚ ಹಿಡಿದಿಟ್ಟುಕೊಳ್ಳಿ ಎಂದಿದ್ದಾರೆ.

ಔಟಾ? ನಾಟೌಟಾ?

ಪಂದ್ಯದ ವೇಳೆ ಭಾರತದ ಕೂಲ್ ಕ್ಯಾಪ್ಟನ್ ಮಹೇಂದ್ರ ಸಿಂಗ್ ಧೋನಿ ಅವರು ಬಾಂಗ್ಲಾ ಶತಕದ ಸರದಾರ ಲಿಟನ್ ದಾಸ್ (121 ರನ್) ಅವರನ್ನು ಸ್ಟಂಪ್ಡ್‌ ಮಾಡಿದ್ದರು. ಬಹಳ ಸೂಕ್ಷ್ಮ ರೀತಿಯಲ್ಲಿದ್ದ ಕ್ಷಣ ಭಾರತೀಯರಿಗಿನ್ನೂ ಪ್ರಶ್ನೆಯಾಗೇ ಉಳಿದಿದೆ.

ಇದೇ ಶಾಶ್ವತ

ಬಾಂಗ್ಲಾ ಆಟಗಾರರ, ಅಭಿಮಾನಿಗಳ ನಾಗಿಣಿ ಡ್ಯಾನ್ಸಿಗೆ ಭಾರತೀಯ ತನ್ಮಯ್ ಕುಲಕರ್ಣಿಯ ತಿರುಗೇಟು. ನಾಗಿಣಿ ಡ್ಯಾನ್ಸ್ ಕ್ಷಣಿಕ, ಈ ಸೋಲಿನ ವೇದನೆ ಶಾಶ್ವತ ಎಂದಿದ್ದಾರೆ ತನ್ಮಯ್.

ಬಾಲ್ ಟು ಬಾಲ್!

ಅಂತಿಮ ಓವರ್ ನಲ್ಲಿ ಭಾರತಕ್ಕೆ ಆರು ರನ್ನಿನ ಅವಶ್ಯಕತೆಯಿದ್ದಾಗ ಭಾರತೀಯರ ರೀಯಾಕ್ಷನ್ ಹೀಗಿತ್ತಂತೆ!