ಗುವಾಹಟಿ, ಮಾರ್ಚ್ 7: ಭಾರತ ಪ್ರವಾಸದಲ್ಲಿರುವ ಇಂಗ್ಲೆಂಡ್ ವನಿತಾ ತಂಡ ಗುವಾಹಟಿಯ ಬರ್ಸಪಾರದಲ್ಲಿ ಗುರುವಾರ (ಮಾರ್ಚ್ 7) ನಡೆದ ಆತಿಥೇಯ ಭಾರತದ ವಿರುದ್ಧದ ಎರಡನೇ ಟಿ20 ಪಂದ್ಯದಲ್ಲಿ 5 ರನ್ ಜಯ ಗಳಿಸಿದೆ. ಇದರೊಂದಿಗೆ ಆಂಗ್ಲ ಮಹಿಳೆಯರು ಮೂರು ಪಂದ್ಯಗಳ ಈ ಟಿ20 ಸರಣಿಯನ್ನು 2-0ಯಿಂದ ಗೆದ್ದುಕೊಂಡಿದ್ದಾರೆ.
ಡ್ರೈವರ್ ಆಗಿ ಜೊತೆ ಆಟಗಾರರನ್ನು ಹಮ್ಮರ್ ರೈಡ್ಗೆ ಕರೆದೊಯ್ದ ಧೋನಿ!
ಟಾಸ್ ಸೋತು ಬ್ಯಾಟಿಂಗ್ಗೆ ಇಳಿಸಲ್ಪಟ್ಟ ಭಾರತದ ಮಹಿಳಾ ತಂಡ, ಕಳಪೆ ಬ್ಯಾಟಿಂಗ್ ಪ್ರರ್ದಶಿಸಿತು. ಆರಂಭಿಕ ಆಟಗಾರ್ತಿ ಹರ್ಲೀನ್ ಡಿಯೋಲ್ 14, ನಾಯಕಿ ಸ್ಮೃತಿ ಮಂಧಾನ 12, ಮಿಥಾಲಿ ರಾಜ್ 20, ದೀಪ್ತಿ ಶರ್ಮಾ ಮತ್ತು ಭಾರತಿ ಫುಲ್ಮಾಲಿ ತಲಾ 18 ರನ್ ಸೇರಿಸಿದ್ದೇ ಹೆಚ್ಚೆನಿಸಿತು. ಭಾರತ 20 ಓವರ್ಗಳಲ್ಲಿ 8 ವಿಕೆಟ್ ಕಳೆದು 111 ರನ್ ಬಾರಿಸಿತು.
#INDWvsENGW, 2nd T20I
— CricDost (@CricDost) March 7, 2019
INDW 111/8
ENGW 114/5
England Women won by 5 wickets and Lead the Series 2-0. Danielle Wyatt is the top-scorer with an unbeaten 64 off 55 balls. #INDvENG pic.twitter.com/dYyVAE54xs
ಗುರಿ ಬೆನ್ನಟ್ಟಿದ ಇಂಗ್ಲೆಂಡ್ ಗೆ ಆರಂಭಿಕ ಆಟಗಾರ್ತಿ ಡೇನಿಯಲ್ ವ್ಯಾಟ್ ಭರ್ಜರಿ ಬೆಂಬಲವಿತ್ತರು. ಕ್ರೀಸ್ಗೆ ಅಂಟಿನಿಂತ ವ್ಯಾಟ್ ಅಜೇಯ 64 ರನ್ ಕೊಡುಗೆ ನೀಡಿದರು. ಇನ್ನು ಲಾರೆನ್ ವಿನ್ಫೀಲ್ಡ್ ಅವರ 29 ರನ್ ಸೇರ್ಪಡೆ ಗೆಲುವಿನ ನೆಲೆಯಲ್ಲಿ ತಂಡಕ್ಕೆ ನೆರವಾಯ್ತು.
ಭಾರತ vs ಆಸೀಸ್: 3ನೇ ಏಕದಿನ ಪಂದ್ಯಕ್ಕೆ ಭಾರತ ಸಂಭಾವ್ಯ XI ತಂಡ
ಇಂಗ್ಲೆಂಡ್ ತಂಡ 19.1 ಓವರ್ಗೆ 5 ವಿಕೆಟ್ ನಷ್ಟದಲ್ಲಿ 114 ರನ್ ಪೇರಿಸಿ ಗೆಲುವನ್ನಾಚರಿಸಿತು. ಭಾರತದ ಇನ್ನಿಂಗ್ಸ್ ವೇಳೆ ಇಂಗ್ಲೆಂಡ್ನ ಕ್ಯಾಥರೀನ್ ಬ್ರಂಟ್ 3, ಲಿನ್ಸಿ ಸ್ಮಿತ್ 2 ವಿಕೆಟ್ ಪಡೆದರೆ, ಇಂಗ್ಲೆಂಡ್ ಇನ್ನಿಂಗ್ಸ್ ವೇಳೆ ಭಾರತದ ಏಕ್ತಾ ಬಿಶ್ತ್ 2 ವಿಕೆಟ್ಗಳೊಂದಿಗೆ ಗಮನ ಸೆಳೆದರು. ಪಂದ್ಯಶ್ರೇಷ್ಠೆಯಾಗಿ ಡೇನಿಯಲ್ ವ್ಯಾಟ್ ಮಿಂಚಿದರು.