ಮುಂಬೈ ಟೆಸ್ಟ್ : ಸ್ಪಿನ್ ಮಾಂತ್ರಿಕ ಅಶ್ವಿನ್ ಗಳಿಸಿದ ದಾಖಲೆಗಳು

ಕಪಿಲ್ ದೇವ್ ದಾಖಲೆ ಮುರಿದ ಅಶ್ವಿನ್

24 ಬಾರಿ ಐದು ವಿಕೆಟ್ ಪಡೆಯುವ ಅಶ್ವಿನ್ ಅವರು ಟೀಂ ಇಂಡಿಯಾದ ಮಾಜಿ ನಾಯಕ ಕಪಿಲ್ ದೇವ್ ಅವರ 23 ವಿಕೆಟ್ ಗಳ ದಾಖಲೆಯನ್ನು ಮುರಿದರು.

ಮೊದಲ ಇನ್ನಿಂಗ್ಸ್ ನಲ್ಲಿ ಕಪಿಲ್ ದೇವ್ ದಾಖಲೆಯನ್ನು ಸಮಗೊಳಿಸಿದ್ದ ಅಶ್ವಿನ್ ಅವರು ಎರಡನೇ ಇನ್ನಿಂಗ್ಸ್ ನಲ್ಲಿ ದಾಖಲೆ ಮುರಿದರು.

7ನೇ ಬಾರಿ 10 ವಿಕೆಟ್

ಮುಂಬೈ ಟೆಸ್ಟ್ ಪಂದ್ಯದಲ್ಲಿ 12 ವಿಕೆಟ್ ಗಳಿಸುವ ಮೂಲಕ ವೃತ್ತಿ ಬದುಕಿನಲ್ಲಿ ಒಂದು ಪಂದ್ಯದಲ್ಲಿ 10 ವಿಕೆಟ್ ಪಡೆದರು. ಟೀಂ ಇಂಡಿಯಾದ ಕೋಚ್ ಅನಿಲ್ ಕುಂಬ್ಳೆ ಮಾತ್ರ 10 ಬಾರಿ ಪಂದ್ಯವೊಂದರಲ್ಲಿ 10 ವಿಕೆಟ್ ಪಡೆದುಕೊಂಡಿದ್ದಾರೆ.

2016ರಲ್ಲಿ 71ವಿಕೆಟ್ ಕಿತ್ತಿರುವ ಅಶ್ವಿನ್

ಆರ್ ಅಶ್ವಿನ್ ಅವರು 2016ರಲ್ಲಿ 11 ಪಂದ್ಯಗಳಲ್ಲಿ 71 ವಿಕೆಟ್ ಗಳಿಸಿದ್ದಾರೆ. ಕಳೆದ ವರ್ಷ 62 ವಿಕೆಟ್ ಗಳನ್ನು ಕಬಳಿಸಿದ್ದರು.

2004ರಲ್ಲಿ ಅನಿಲ್ ಕುಂಬ್ಳೆ ಅವರು 74 ವಿಕೆಟ್ ಹಾಗೂ ಕಪಿಲ್ ದೇವ್ ಅವರು 1979ರಲ್ಲಿ 74, 75 ಹಾಗೂ 1983ರಲ್ಲಿ ಈ ಸಾಧನೆ ಮಾಡಿದ್ದರು.

ಆಲ್ ರೌಂಡರ್ ಆಟ

ಕಪಿಲ್ ದೇವ್ ನಂತರ 500ಪ್ಲಸ್ ರನ್ ಹಾಗೂ 50 ವಿಕೆಟ್ ಗಳನ್ನು ಒಂದೇ ಕ್ಯಾಲೆಂಡರ್ ವರ್ಷದಲ್ಲಿ ಗಳಿಸಿದ ಸಾಧನೆಯನ್ನು ಆರ್ ಅಶ್ವಿನ್ ಮಾಡಿದ್ದಾರೆ. ಕಪಿಲ್ ಅವರು 1979ರಲ್ಲಿ 619ರನ್ ಹಾಗು 74ವಿಕೆಟ್ ಗಳಿಸಿದ್ದರು. 1983ರಲ್ಲಿ 579ರನ್ ಹಾಗೂ 75ವಿಕೆಟ್ ಗಳಿಕೆ.

ತವರು ನೆಲದಲ್ಲಿ ಭರ್ಜರಿ ಪ್ರದರ್ಶನ

2016ರಲ್ಲಿ 11 ಟೆಸ್ಟ್ ಪಂದ್ಯದಲ್ಲಿ 53ವಿಕೆಟ್ ಪಡೆದಿದ್ದು, ಒಂದು ಕ್ಯಾಲೆಂಡರ್ ವರ್ಷದಲ್ಲಿ ಸ್ಪಿನ್ನರ್ ಒಬ್ಬರ ಉತ್ತಮ ಸಾಧನೆಯಾಗಿದೆ. ಸ್ಪಿನ್ನರ್ ಇ ಪ್ರಸನ್ನ ಅವರು 1969ರಲ್ಲಿ 46 ವಿಕೆಟ್ ಗಳಿಸಿದ್ದು ಇಲ್ಲಿ ತನಕದ ಉತ್ಯ್ತಮ ಸಾಧನೆಯಾಗಿತ್ತು.