ಭಾರತ vs ಇಂಗ್ಲೆಂಡ್: ಟೆಸ್ಟ್‌ ಗೆಲುವಿನಲ್ಲಿ ಟೀಮ್ ಇಂಡಿಯಾ ದಾಖಲೆ

ರೋಹಿತ್, ಅಶ್ವಿನ್ ಶತಕ

ಟಾಸ್ ಗೆದ್ದು ಬ್ಯಾಟಿಂಗ್‌ ಆಯ್ದುಕೊಂಡಿದ್ದ ಭಾರತ ಮೊದಲ ಇನ್ನಿಂಗ್ಸ್‌ನಲ್ಲಿ ರೋಹಿತ್ ಶರ್ಮಾ ಶತಕದೊಂದಿಗೆ 329 ರನ್ ಗಳಿಸಿತ್ತು. ಇಂಗ್ಲೆಂಡ್ ಮೊದಲ ಇನ್ನಿಂಗ್ಸ್‌ನಲ್ಲಿ ಕೇವಲ 134 ರನ್ ಬಾರಿಸಿ ಹಿನ್ನಡೆ ಅನುಭವಿಸಿತ್ತು. ದ್ವಿತೀಯ ಇನ್ನಿಂಗ್ಸ್‌ನಲ್ಲಿ ಭಾರತ, ಆರ್‌ ಅಶ್ವಿನ್ ಶತಕದ ಕೊಡುಗೆಯೊಂದಿಗೆ 286 ರನ್ ಬಾರಿಸಿದರೆ ಇಂಗ್ಲೆಂಡ್ 164 ರನ್ ಬಾರಿಸಿ ತಲೆ ಬಾಗಿತ್ತು.

ಅಶ್ವಿನ್, ಅಕ್ಸರ್ ಮಾರಕ ಬೌಲಿಂಗ್

ಇಂಗ್ಲೆಂಡ್ ಮೊದಲ ಇನ್ನಿಂಗ್ಸ್‌ನಲ್ಲಿ ಭಾರತದ ಬೌಲಿಂಗ್ ಆಲ್ ರೌಂಡರ್ ಆರ್ ಅಶ್ವಿನ್ 5 ವಿಕೆಟ್ ಪಡೆದಿದ್ದರು. ಇಶಾಂತ್ ಶರ್ಮಾ 2, ಅಕ್ಸರ್ ಪಟೇಲ್ 2 ವಿಕೆಟ್ ಪಡೆದ್ದರು. ಇಂಗ್ಲೆಂಡ್ ಎರಡನೇ ಇನ್ನಿಂಗ್ಸ್‌ನಲ್ಲಿ ಅಕ್ಸರ್ ಪಟೇಲ್ 5, ಆರ್ ಅಶ್ವಿನ್ 3, ಕುಲದೀಪ್ ಯಾದವ್ 2 ವಿಕೆಟ್‌ನೊಂದಿಗೆ ಗಮನ ಸೆಳೆದಿದ್ದರು.

ಭಾರತದ ಭರ್ಜರಿ ಗೆಲುವುಗಳ ಪಟ್ಟಿ

* 337 ರನ್ ಜಯ, ದಕ್ಷಿಣ ಆಫ್ರಿಕಾ ವಿರುದ್ಧ, ನವದೆಹಲಿ, 2015/16
* 320 ರನ್ ಜಯ, ನ್ಯೂಜಿಲೆಂಡ್ ವಿರುದ್ಧ, ಇಂದೋರ್, 2016/17
* 320 ರನ್ ಗೆಲುವು, ಆಸ್ಟ್ರೇಲಿಯಾ ವಿರುದ್ಧ, ಮೊಹಾಲಿ, 2008/09
* 318 ರನ್ ವಿಜಯ, ವೆಸ್ಟ್ ಇಂಡೀಸ್ ವಿರುದ್ಧ, ನಾರ್ತ್ ಸೌಂಡ್, 2019
* 317 ರನ್ ಗೆಲುವು, ಇಂಗ್ಲೆಂಡ್ ವಿರುದ್ಧ, ಚೆನ್ನೈ, 2020/21
* 304 ರನ್ ಜಯ, ಶ್ರೀಲಂಕಾ ವಿರುದ್ಧ, ಗ್ಯಾಲೆ, 2017
(ಮೇಲಿನ 6 ಗೆಲುವುಗಳಲ್ಲಿ 5 ಜಯ ವಿರಾಟ್ ಕೊಹ್ಲಿ ನಾಯಕತ್ವದಡಿಯಲ್ಲಿ ಬಂದಿದ್ದು).