ಭಾರತ vs ಇಂಗ್ಲೆಂಡ್: 2ನೇ ಟೆಸ್ಟ್‌ಗೆ ಇಂಗ್ಲೆಂಡ್ ಪಡೆಯಲ್ಲಿ 3 ಬದಲಾವಣೆಗೆ ಮೈಕಲ್ ವಾನ್ ಸಲಹೆ

ಮೂವರು ಆಟಗಾರರನ್ನು ಕೈಬಿಡಲು ವಾನ್ ಸಲಹೆ

ಭಾರತ ಹಾಗೂ ಇಂಗ್ಲೆಂಡ್ ನಡುವಿನ ಟೆಸ್ಟ್ ಸರಣಿಯ ಎರಡನೇ ಪಂದ್ಯಕ್ಕಾಗಿ ಮೊದಲ ಪಂದ್ಯದಲ್ಲಿ ಆಡಿದ್ದ ಮೂವರು ಆಟಗಾರರನ್ನು ಕೈಬಿಡಬೇಕೆಂದಯ ಮೈಕಲ್ ವಾನ್ ಸಲಹೆ ನೀಡಿದ್ದಾರೆ. ಮೂವರು ಬ್ಯಾಟ್ಸ್‌ಮನ್‌ಗಳಾದ ಡಾಮ್ ಸಿಬ್ಲಿ, ಜಾಕ್ ಕ್ರಾಲಿ ಮತ್ತು ಡ್ಯಾನ್ ಲಾರೆನ್ಸ್ ಅವರನ್ನು ಆಡುವ ಬಳಗದಿಂದ ಕೈಬಿಡಬೇಕಿದೆ ಎಂದು ಮೈಕಲ್ ವಾನ್ ಸಲಹೆಯನ್ನು ನೀಡಿದ್ದಾರೆ. ದಿ ಟೆಲಿಗ್ರಾಪ್‌ಗೆ ನೀಡಿದ ಹೇಳಿಕೆಯಲ್ಲಿ ಮೈಕಲ್ ವಾನ್ ಈ ಸಲಹೆಯ ಮಾತುಗಳನ್ನಾಡಿದ್ದಾರೆ.

ಆರಂಭದ 25 ಎಸೆತಗಳು..

ಮೈಕಲ್ ವಾನ್ ಆರಂಭದಲ್ಲಿ ಡ್ಯಾನ್ ಲಾರೆನ್ಸ್ ಬಗ್ಗೆ ಮಾತನಾಡಿದ್ದಾರೆ. "ನಾನು ಲಾರೆನ್ಸ್ ಅವರಿಂದ ಆರಂಬಿಸುತ್ತೇನೆ. ಆತ ಆರಂಭದ 25 ಎಸೆತಗಳನ್ನು ಉತ್ತಮವಾಗಿ ಎದುರಿಸುವ ಪರಿಣತಿಯನ್ನು ಪಡೆದುಕೊಳ್ಳಬೇಕಿದೆ. ಆತ ಆಡಿದ ಎಲ್ಲಾ ಪಂದ್ಯಗಳಲ್ಲಿಯೂ ಆತ ಉತ್ತಮವಾದ ರನ್ ಗಳಿಸಿದ ಪಂದ್ಯಗಳನ್ನೂ ಸೇರಿದಂತೆ ಆರಂಭದ 25 ಎಸೆತಗಳನ್ನು ಅತ್ಯಂತ ಅಸ್ತವ್ಯಸ್ಥ ರೀತಿಯಲ್ಲಿ ಎದುರಿಸಿದ್ದಾರೆ. ನನ್ನ ಪ್ರಕಾರ ಅವರು ಕಮ್‌ಬ್ಯಾಕ್ ಮಾಡಬಲ್ಲ ಸಾಮರ್ಥ್ಯವನ್ನು ಹೊಂದಿದ್ದಾರೆ. ಮತ್ತಷ್ಟು ನಿರ್ಭೀತಿಯಿಂದ ಆಡುವುದನ್ನು ಆತ ಕರಗತ ಮಾಡಿಕೊಳ್ಳಬೇಕಿದೆ" ಎಂದು ಮೂಕಲ್ ವಾನ್ ಹೇಳಿದ್ದಾರೆ.

ನೀರಜ್ ಚೋಪ್ರಾಗೆ ಕಾಶಿನಾಥ್ ಕೋಚ್ ಅಲ್ಲ,10ಲಕ್ಷ ರೂ ಬಹುಮಾನಕ್ಕೆ ಶುರುವಾಯ್ತು ವಿವಾದ | Oneindia Kannada

ಕ್ರಾವ್ಲಿಗೂ ಉತ್ತಮ ಭವಿಷ್ಯವಿದೆ

ಇನ್ನು ಮುಂದುವರಿದು ಅಭಿಪ್ರಾಯವ್ಯಕ್ತಪಡಿಸಿರುವ ಮೈಕಲ್ ವಾನ್ "ಇಂಗ್ಲೆಂಡ್ ತಂಡದ ಪ್ರಮುಖ ಆಟಗಾರನಾಗಿರುವ ಜಾಕ್ ಕ್ರಾವ್ಲಿ ಅತ್ಯುತ್ತಮ ಟೆಸ್ಟ್ ವೃತ್ತಿ ಜೀವನವನ್ನು ಹೊಂದಿದ್ದಾರೆ ಎಂದು ನಾನು ಭಾವಿಸುತ್ತೇನೆ. ಆತ ಅತ್ಯುತ್ತಮ ಆಟಗಾರನಾಗುತ್ತಾನೆ ಎಂಬ ಭರವಸೆ ನನ್ನಲ್ಲಿದೆ. ಆದರೆ ತನ್ನಲ್ಲಿರುವ ತಾಂತ್ರಿಕ ಕೌಶಲ್ಯವನ್ನು ಆತ ಮತ್ತಷ್ಟು ಹೆಚ್ಚಿಸಿಕೊಳ್ಳಬೇಕಿದೆ" ಎಂದು ಮೈಕಲ್ ವಾನ್ ಹೇಳಿದ್ದಾರೆ. ಈ ಮೂಲಕ ಲಾರೆನ್ಸ್ ಹಾಗೂ ಕ್ರಾವ್ಲಿ ಟೆಸ್ಟ್ ತಂಡದಿಂದ ಕೈಬಿಟ್ಟರೂ ಮತ್ತೆ ಅವಕಾಶವನ್ನು ಗಳಿಸಲು ಅರ್ಹರಾಗಿದ್ದಾರೆ ಎಂಬ ಅಭಿಪ್ರಾಯವನ್ನು ವ್ಯಕ್ತಪಡಿಸಿದ್ದಾರೆ. ಆದರೆ ಡಾಮಿನಿಕ್ ಸಿಬ್ಲಿ ಇಂಗ್ಲೆಂಡ್ ಮಾಜಿ ನಾಯಕ ಮೈಕಲ್ ವಾನ್‌ ಅವರನ್ನು ಸೆಳೆಯುವಲ್ಲಿ ವಿಫಲವಾಗಿದ್ದಾರೆ.