ಪಾಕಿಸ್ತಾನ ಬ್ಯಾಟ್ಸ್‌ಮನ್ ಇನ್ಝಮಾಮ್ ದಾಖಲೆ ಮುರಿದ ಜೋ ರೂಟ್!

100ನೇ ಟೆಸ್ಟ್‌ ಪಂದ್ಯ

ಭಾರತ ವಿರುದ್ಧದ ಮೊದಲನೇ ಪಂದ್ಯದಲ್ಲಿ ಜೋ ರೂಟ್ 100ನೇ ಟೆಸ್ಟ್‌ ಪಂದ್ಯಕ್ಕಾಗಿ ಮೈದಾನಕ್ಕಿಳಿದಿದ್ದರು. ಈ ಪಂದ್ಯದಲ್ಲಿ ರೂಟ್ ದ್ವಿಶತಕ ಬಾರಿಸಿರುವುದರಿಂದ ಅವರ ಹೆಸರಿನಲ್ಲಿ ದಾಖಲೆಗಳು ನಿರ್ಮಾಣವಾಗಿದೆ. ಶತಕ ಬಾರಿಸಿದ್ದಾಗ ಬೇರೆ ದಾಖಲೆ ಪಟ್ಟಿಯಲ್ಲಿದ್ದರು. ಆದರೆ ಆ ಶತಕವನ್ನು ದ್ವಿಶತಕಕ್ಕೆ ಪರಿವರ್ತಿಸಿರುವ ರೂಟ್ ಮತ್ತೊಂದು ದಾಖಲೆ ಪಟ್ಟಿಗೆ ಜಿಗಿದಿದ್ದಾರೆ.

ಸತತ ಟೆಸ್ಟ್ ಪಂದ್ಯಗಳಲ್ಲಿ ಹೆಚ್ಚು 150+ ರನ್

(ಸತತ ಟೆಸ್ಟ್ ಪಂದ್ಯಗಳಲ್ಲಿ ಹೆಚ್ಚು 150+ ರನ್ ಗಳಿಸಿರುವ ಬ್ಯಾಟ್ಸ್‌ಮನ್ ಗಳು ಪಟ್ಟಿ)
* ಕುಮಾರ ಸಂಗಕ್ಕಾರ, ಶ್ರೀಲಂಕಾ, 4 ಸಾರಿ, 2007
* ಇಂಗ್ಲೆಂಡ್ ನ ವ್ಯಾಲಿ ಹ್ಯಾಮಂಡ್, 3 ಸಾರಿ, 1928-29
* ಡಾನ್ ಬ್ರಾಡ್ಮನ್, ಆಸ್ಟ್ರೇಲಿಯಾ, 3 ಸಾರಿ, 1937
* ಝಹೀರ್ ಅಬ್ಬಾಸ್, ಪಾಕಿಸ್ತಾನ, 3 ಸಾರಿ, 1982-83
* ಮುದಾಸರ್ ನಝರ್, ಪಾಕಿಸ್ತಾನ, 3 ಸಾರಿ, 1983
* ನ್ಯೂಜಿಲೆಂಡ್ ನ ಟಾಮ್ ಲ್ಯಾಥಮ್, 3 ಸಾರಿ, 2018-19
* ಜೋ ರೂಟ್, ಇಂಗ್ಲೆಂಡ್, 3 ಸಾರಿ, 2021.

ರೂಟ್ ಹೆಸರಲ್ಲಿ ವಿಶ್ವದಾಖಲೆ

ತನ್ನ 98, 99 ಮತ್ತು 100ನೇ ಟೆಸ್ಟ್‌ನಲ್ಲಿ ಶತಕ, ದ್ವಿಶತಕದ ದಾಖಲೆ ವಿಶ್ವದ ಯಾವುದೇ ಬ್ಯಾಟ್ಸ್‌ಮನ್‌ ಮಾಡಿಲ್ಲ. ಆ ದಾಖಲೆ ರೂಟ್‌ ಹೆಸರಿನಲ್ಲಿ ನಿರ್ಮಾಣವಾಗಿದೆ. ತನ್ನ 98ನೇ, 99ನೇ ಟೆಸ್ಟ್ ಪಂದ್ಯದಲ್ಲಿ ಶತಕ ಬಾರಿಸಿರುವ ರೂಟ್, 100ನೇ ಟೆಸ್ಟ್‌ನಲ್ಲಿ ದ್ವಿಶತಕ ಬಾರಿಸಿ ಅವಿಸ್ಮರಣೀಯ ಮೈಲಿಗಲ್ಲು ಸ್ಥಾಪಿಸಿದ್ದಾರೆ.

ಇನ್ಝಮಾಮ್ ದಾಖಲೆ ಬದಿಗೆ

2005ರಲ್ಲಿ ಭಾರತ ವಿರುದ್ಧ ಬೆಂಗಳೂರಿನಲ್ಲಿ ನಡೆದಿದ್ದ ಟೆಸ್ಟ್‌ ಪಂದ್ಯದಲ್ಲಿ 100ನೇ ಟೆಸ್ಟ್ ಪಂದ್ಯ ಆಡಿದ್ದ ಪಾಕಿಸ್ತಾನದ ಮಾಜಿ ಸ್ಫೋಟಕ ಬ್ಯಾಟ್ಸ್‌ಮನ್‌ ಇನ್ಝಮಾಮ್ ಉಲ್ ಹಕ್ ಅವರು 184 ರನ್ ಬಾರಿಸಿದ್ದರು. ಆದರೆ ಜೋ ರೂಟ್ ಈಗ 100ನೇ ಟೆಸ್ಟ್ ಪಂದ್ಯದಲ್ಲಿ ದ್ವಿಶತಕ (218 ರನ್) ಬಾರಿಸಿರುವುದರಿಂದ ಹಕ್ ದಾಖಲೆ ಮುರಿದಿದೆ.