ಐಸಿಸಿ ಟೆಸ್ಟ್‌ ಚಾಂಪಿಯನ್‌ಶಿಪ್‌ನಲ್ಲಿ ಫೈನಲ್‌ಗೇರುವ ಭಾರತದ ಆಸೆಗೆ ಕಂಟಕ!

ಭಾರತಕ್ಕೆ ಅವಕಾಶಗಳು

ನಾಲ್ಕು ಪಂದ್ಯಗಳ ಭಾರತ-ಇಂಗ್ಲೆಂಡ್ ಟೆಸ್ಟ್‌ ಸರಣಿಯಲ್ಲಿ ಭಾರತ 2ಕ್ಕಿಂತ ಹೆಚ್ಚಿನ ಪಂದ್ಯಗಳಲ್ಲಿ ಸೋಲಬಾರದು. ಭಾರತ ಈಗಾಗಲೇ ಇಂಗ್ಲೆಂಡ್ ವಿರುದ್ಧ ಒಂದು ಪಂದ್ಯ ಸೋತಿರುವುದರಿಂದ ಐಸಿಸಿ ಟೆಸ್ಟ್ ಚಾಂಪಿಯನ್‌ಶಿಪ್ ಫೈನಲ್‌ ಹಾದಿ ಕೊಂಚ ಕಠಿಣವೆನಿಸಿದೆ. ಭಾರತ ಫೈನಲ್‌ಗೇರಬೇಕಾದರೆ ಟೆಸ್ಟ್‌ ಸರಣಿಯನ್ನು ಭಾರತ 2-0, 2-1, 3-0, 3-1 ಅಥವಾ 4-0ಯಿಂದ ಗೆಲ್ಲಬೇಕಿತ್ತು. ಆದರೆ ಇದರಲ್ಲಿ 2-0, 3-0ಯಿಂದಟೆಸ್ಟ್ ಸರಣಿ ಗೆಲ್ಲುವ ಸಾಧ್ಯತೆಈಗ ಇಲ್ಲವಾಗಿದೆ.

ಇಂಗ್ಲೆಂಡ್ ಏನು ಮಾಡಬೇಕು?

ಐಸಿಸಿ ಟೆಸ್ಟ್ ಚಾಂಪಿಯನ್‌ಶಿಪ್‌ ಫೈನಲ್‌ಗೇರಲು ಇಂಗ್ಲೆಂಡ್‌ಗೂ ಅವಕಾಶಗಳಿವೆ. ಭಾರತ-ಇಂಗ್ಲೆಂಡ್ ಟೆಸ್ಟ್‌ ಸರಣಿಯಲ್ಲಿ ಜೋ ರೂಟ್ ಪಡೆ ಏನಾದರೂ 3-0, 3-1 ಅಥವಾ 4-0ಯಿಂದ ಗೆದ್ದರೆ ಐಸಿಸಿ ವರ್ಲ್ಡ್ ಟೆಸ್ಟ್‌ ಚಾಂಪಿಯನ್‌ಶಿಪ್‌ನಲ್ಲಿ ಫೈನಲ್‌ಗೆ ಹೋಗಲು ಇಂಗ್ಲೆಂಡ್‌ಗೆ ಅವಕಾಶವಿದೆ. ಟೆಸ್ಟ್‌ ಸರಣಿಯಲ್ಲಿ ಇಂಗ್ಲೆಂಡ್ ಈಗಾಗಲೇ 1-0ಯಿಂದ ಮುನ್ನಡೆಯಲ್ಲಿದೆ.

ಆಸ್ಟ್ರೇಲಿಯಾ ಗೆಲ್ಲಲು ಅವಕಾಶ

ಐಸಿಸಿ ಟೆಸ್ಟ್‌ ಚಾಂಪಿಯನ್‌ಶಿಪ್‌ನ ಫೈನಲ್‌ನಲ್ಲಿ ನ್ಯೂಜಿಲೆಂಡ್ ವಿರುದ್ಧ ಸ್ಪರ್ಧಿಸಲು ಆಸ್ಟ್ರೇಲಿಯಾಕ್ಕೂ ಅವಕಾಶವಿದೆ. ಆದರೆ ಭಾರತ-ಇಂಗ್ಲೆಂಡ್ ಟೆಸ್ಟ್ ಸರಣಿಯನ್ನಾಧರಿಸಿ ಇದು ನಿರ್ಧಾರವಾಗಲಿದೆ. ಭಾರತ ತಂಡ ಇಂಗ್ಲೆಂಡ್ ಅನ್ನು 1-0ಯಿಂದ ಸೋಲಿಸಿದರೆ (ಇದು ಸಾಧ್ಯವಿಲ್ಲ), ಇಂಗ್ಲೆಂಡ್ ಭಾರತವನ್ನು 1-0ಯಿಂದ, 2-0ಯಿಂದ ಅಥವಾ 2-1ರಿಂದ ಸೋಲಿಸಿದರೆ, ಇಲ್ಲವೆ; ಭಾರತ-ಇಂಗ್ಲೆಂಡ್ ಸರಣಿ 0-0ಯಿಂದ (ಇದು ಸಾಧ್ಯವಿಲ್ಲ), 1-1ರಿಂದ ಅಥವಾ 2-2ರಿಂದ ಡ್ರಾ ಆದರೆ ಆಸ್ಟ್ರೇಲಿಯಾ ತಂಡ ಐಸಿಸಿ ಟೆಸ್ಟ್‌ ಚಾಂಪಿಯನ್‌ಶಿಪ್‌ ಫೈನಲ್‌ನಲ್ಲಿ ಸ್ಪರ್ಧಿಸಲಿದೆ.