ನಾಳೆಯಿಂದ ಟಿ20 ಸರಣಿ: ಆರಂಭಿಕರ ಆಯ್ಕೆಯೇ ತಲೆನೋವು

ಬೌಲಿಂಗ್‌ನಲ್ಲಿಯೂ ಸವಾಲು

ಭಾರತಕ್ಕೆ ಬೌಲಿಂಗ್ ವಿಭಾಗ ದೊಡ್ಡ ಸವಾಲಾಗಿದೆ. ಅಲ್ಲಿನ ಪಿಚ್‌ಗಳಲ್ಲಿ ವೇಗಿ ಭುವನೇಶ್ವರ್ ಹೆಚ್ಚು ಪ್ರಭಾವಿಯಾಗಬಹುದು. ಸ್ಪಿನ್ ವಿಭಾಗದಲ್ಲಿ ಕುಲದೀಪ್ ಯಾದವ್ ಮತ್ತು ಯಜುರ್ವೇಂದ್ರ ಚಾಹಲ್ ಇಬ್ಬರ ಜತೆ ಮತ್ತೊಬ್ಬರನ್ನು ತರುವುದು ಕಷ್ಟ.

ವೇಗದ ಬೌಲಿಂಗ್ ವಿಭಾಗದ ಶಕ್ತಿ ಕುಂದಿದೆ. ಚುಟುಕು ಕ್ರಿಕೆಟ್‌ನ ಪರಿಣತ ಬೌಲರ್ ಜಸ್‌ಪ್ರೀತ್ ಬೂಮ್ರಾ ಗಾಯಗೊಂಡಿರುವುದು ಭಾರತಕ್ಕೆ ತುಸು ಹಿನ್ನಡೆಯುಂಟು ಮಾಡಲಿದೆ.

ಅವರ ಬದಲು ಆಯ್ಕೆಯಾಗಿರುವ ದೀಪಕ್ ಚಾಹರ್, ಇತ್ತೀಚೆಗೆ ಇಂಗ್ಲೆಂಡ್ ಎ ವಿರುದ್ಧದ ಸರಣಿಯಲ್ಲಿ ಗಮನ ಸೆಳೆದಿದ್ದಾರೆ. ಹೀಗಾಗಿ ಅವರಿಗೆ ಭುವನೇಶ್ವರ್ ಕುಮಾರ್ ಅವರ ಜೋಡಿಯಾಗಿ ಬೌಲಿಂಗ್ ಸಾರಥ್ಯ ವಹಿಸಬಹುದು. ಅನುಭವಿ ಉಮೇಶ್ ಯಾದವ್ ಅವರಿಗೆ ಮಣೆ ಹಾಕಿದರೂ ಅಚ್ಚರಿಯಿಲ್ಲ.

ಬಲಿಷ್ಠವಾಗಿದೆ ಇಂಗ್ಲೆಂಡ್ ತಂಡ

ಇಂಗ್ಲೆಂಡ್ ತಂಡ ಎಲ್ಲಾ ವಿಭಾಗಗಳಲ್ಲಿಯೂ ಪ್ರಬಲವಾಗಿದೆ.

ಜೋಸ್ ಬಟ್ಲರ್, ಜೋ ರೂಟ್ ಮತ್ತು ಜೇಸನ್ ರಾಯ್ ಎದುರಾಳಿಗಳನ್ನು ಮನಬಂದಂತೆ ಚಚ್ಚಿ ಹಾಕುವ ಸಾಮರ್ಥ್ಯ ಹೊಂದಿದ್ದಾರೆ.

ಬೆನ್ ಸ್ಟೋಕ್ಸ್ ತಂಡಕ್ಕೆ ಮರಳಿರುವುದರಿಂದ ಅವರ ಬಲ ಹೆಚ್ಚಿದೆ. ಜಾನಿ ಬೈರ್‌ಸ್ಟೋ ಉತ್ತಮ ಫಾರ್ಮ್‌ನಲ್ಲಿದ್ದಾರೆ. ಬೌಲಿಂಗ್‌ನಲ್ಲಿ ಡೇವಿಡ್ ವಿಲ್ಲಿ, ಲಿಯಾಮ್ ಪ್ಲಂಕೆಟ್, ಟಾಮ್ ಕುರ್ರನ್, ಆದಿಲ್ ರಶೀದ್, ಜೇಕ್ ಬಾಲ್ ಅವರ ಬೌಲಿಂಗ್ ಪಡೆಯನ್ನು ಭಾರತೀಯ ಬ್ಯಾಟ್ಸ್‌ಮನ್‌ಗಳು ಹೇಗೆ ಎದುರಿಸುತ್ತಾರೋ ನೋಡಬೇಕು.

ತಂಡದಲ್ಲಿ ಯಾರ್ಯಾರಿದ್ದಾರೆ?

ಭಾರತ: ವಿರಾಟ್ ಕೊಹ್ಲಿ, ಶಿಖರ್ ಧವನ್, ರೋಹಿತ್ ಶರ್ಮಾ, ಕೆ.ಎಲ್. ರಾಹುಲ್, ಎಂ.ಎಸ್. ಧೋನಿ, ದಿನೇಶ್ ಕಾರ್ತಿಕ್, ಸುರೇಶ್ ರೈನಾ, ಮನೀಶ್ ಪಾಂಡೆ, ಹಾರ್ದಿಕ್ ಪಾಂಡ್ಯ, ಕೃನಾಲ್ ಪಾಂಡ್ಯ, ಯಜುರ್ವೇಂದ್ರ ಚಾಹಲ್, ಕುಲದೀಪ್ ಯಾದವ್, ಭುವನೇಶ್ವರ್ ಕುಮಾರ್, ಉಮೇಶ್ ಯಾದವ್, ದೀಪಕ್ ಚಾಹರ್, ಸಿದ್ಧಾರ್ಥ ಕೌಲ್.

ಇಂಗ್ಲೆಂಡ್: ಇಯಾನ್ ಮಾರ್ಗನ್, ಮೊಯೀನ್ ಅಲಿ, ಅಲೆಕ್ಸ್ ಹೇಲ್ಸ್, ಜೋಸ್ ಬಟ್ಲರ್, ಜೇಸನ್ ರಾಯ್, ಬೆನ್ ಸ್ಟೋಕ್ಸ್, ಜಾನಿ ಬೈರ್‌ಸ್ಟೋ, ಜೇಕ್ ಬಾಲ್, ಸ್ಯಾಮ್ ಕುರ್ರನ್, ಟಾಮ್ ಕುರ್ರನ್, ಲಿಯಾಮ್ ಪ್ಲಂಕೆಟ್, ಡೇವಿಡಿ ವಿಲ್ಲಿ, ಆದಿಲ್ ರಶೀದ್, ಕ್ರಿಸ್ ಜೋರ್ಡಾನ್, ಡೇವಿಡ್ ಮಲನ್, ಜೋ ರೂಟ್.

ಎಲ್ಲಿ? ಯಾವಾಗ?

ಪಂದ್ಯದ ಆರಂಭ: ರಾತ್ರಿ 10 (ಭಾರತೀಯ ಕಾಲಮಾನ)
ನೇರಪ್ರಸಾರ: ಸೋನಿ ಸಿಕ್ಸ್, ಸೋನಿ ಲೈವ್ ಆಪ್
ಎರಡನೆಯ ಪಂದ್ಯ: ಜುಲೈ 6, ಕಾರ್ಡಿಫ್
ಮೂರನೇ ಪಂದ್ಯ: ಜುಲೈ 8, ಬ್ರಿಸ್ಟಲ್