ಟಿ20ಐನಲ್ಲಿ ಭಾರತ-ಇಂಗ್ಲೆಂಡ್: ಕುತೂಹಲಕಾರಿ ಅಂಕಿ-ಅಂಶಗಳು!

ನಾನಾ-ನೀನಾ ರೀತಿಯ ಕದನ

ಭಾರತ ಮತ್ತು ಇಂಗ್ಲೆಂಡ್ ತಂಡಗಳು ಈವರೆಗೆ ಒಟ್ಟು 14 ಪಂದ್ಯಗಳಲ್ಲಿ ಮುಖಾಮುಖಿಯಾಗಿವೆ. ವಿಶೇಷವೆಂದರೆ ಈ 14 ಪಂದ್ಯಗಳಲ್ಲಿ 7ರಲ್ಲಿ ಭಾರತ ಗೆದ್ದಿದ್ದರೆ, 7ರಲ್ಲಿ ಇಂಗ್ಲೆಂಡ್ ಗೆದ್ದಿದೆ. ಅಂದರೆ ಎರಡೂ ತಂಡಗಳು ಚುಟುಕು ಕ್ರಿಕೆಟ್ ಮಾದರಿಯಲ್ಲಿ ಸಮಬಲದ ಸಾಧನೆ ತೋರಿವೆ. ಹೀಗಾಗಿ ಟಿ20ಐನಲ್ಲಿ ಬಲಿಷ್ಠ ತಂಡ ಯಾವುದು ಅನ್ನೋದನ್ನು ಮುಂಬರಲಿರುವ ಭಾರತ-ಇಂಗ್ಲೆಂಡ್ ಟಿ20ಐ ಸರಣಿ ಹೇಳಲಿದೆ.

ತಾಣಗಳಲ್ಲಿ ಸೋಲು/ಗೆಲುವು

ಭಾರತ-ಇಂಗ್ಲೆಂಡ್ ಒಟ್ಟು 14 ಪಂದ್ಯಗಳಲ್ಲಿ ಎರಡೂ ತಂಡಗಳು ತಲಾ 7 ಪಂದ್ಯಗಳನ್ನು ಗೆದ್ದಿದೆ. ತಟಸ್ಥ ತಾಣವಾದ ಡರ್ಬನ್‌ನಲ್ಲಿ ಎರಡು ಪಂದ್ಯಗಳು ನಡೆದಿದ್ದವು. ಇದರಲ್ಲಿ ಎರಡೂ ಪಂದ್ಯಗಳನ್ನು ಭಾರತ ಗೆದ್ದಿದೆ. ಇನ್ನು ಭಾರತದಲ್ಲಿ 6 ಪಂದ್ಯಗಳು ನಡೆದಿತ್ತು. ಇದರಲ್ಲಿ ಭಾರತ 3 ಪಂದ್ಯಗಳನ್ನು ಗೆದ್ದ ದಾಖಲೆ ಹೊಂದಿದೆ. 2012ರಲ್ಲಿ ಪೂಣೆ, 2017ರಲ್ಲಿ ನಾಗ್ಪುರ್, 2017ರಲ್ಲಿ ಬೆಂಗಳೂರಿನಲ್ಲಿ ಈ ಪಂದ್ಯಗಳು ನಡೆದಿದ್ದವು. ಇಂಗ್ಲೆಂಡ್‌ನಲ್ಲಿ ನಡೆದಿದ್ದ 6 ಪಂದ್ಯಗಳಲ್ಲಿ 2ರಲ್ಲಿ ಭಾರತ ಗೆದ್ದಿದೆ.

ಕುತೂಹಲಕಾರಿ ಅಂಕಿ-ಅಂಶಗಳು

* ಭಾರತ vs ಇಂಗ್ಲೆಂಡ್ ಒಟ್ಟು ಟಿ20ಐ ಪಂದ್ಯಗಳು 14
* ಭಾರತ ಗೆದ್ದಿದ್ದು 7 ಪಂದ್ಯಗಳು, ಇಂಗ್ಲೆಂಡ್ ಗೆದ್ದಿದ್ದು 7 ಪಂದ್ಯಗಳು
* ಎರಡೂ ತಂಡಗಳು ಟಿ20ಐನಲ್ಲಿ ಮೊದಲು ಮುಖಾಮುಖಿಯಾಗಿದ್ದು 19 ಸೆಪ್ಟೆಂಬರ್ 2007 (ಇದರಲ್ಲಿ ಭಾರತ ಗೆದ್ದಿತ್ತು)
* ಕೊನೇಯ ಬಾರಿಗೆ ಭಾರತ-ಇಂಗ್ಲೆಂಡ್ ಕಾದಾಡಿದ್ದು (ಟಿ20ಐನಲ್ಲಿ) 8 ಜುಲೈ 2018 (ಇದರಲ್ಲಿ ಭಾರತಕ್ಕೆ ಜಯ)
* ಅತ್ಯಧಿಕ ರನ್ ದಾಖಲೆ: ವಿರಾಟ್ ಕೊಹ್ಲಿ (346 ರನ್)
* ಅತ್ಯಧಿಕ ವಿಕೆಟ್‌ ದಾಖಲೆ ಯುಜುವೇಂದ್ರ ಚಾಹಲ್ (9 ವಿಕೆಟ್‌ಗಳು)