ಇಂಗ್ಲೆಂಡ್ ವಿರುದ್ಧದ ಟೆಸ್ಟ್‌ ಪಂದ್ಯಗಳಿಗೆ ಭಾರತ ತಂಡ ಪ್ರಕಟಿಸಿದ ಬಿಸಿಸಿಐ

ಪ್ರಮುಖ ಆಟಗಾರರಿಲ್ಲ

ಆಸ್ಟ್ರೇಲಿಯಾ ಪ್ರವಾಸವನ್ನು ಪರಿಗಣಿಸಿದರೆ ಅಲ್ಲಿ ಮೊದಲ ಆಯ್ಕೆಯ ತಂಡಕ್ಕಿಂತ ಈ ತಂಡದಲ್ಲಿ ಸಾಕಷ್ಟು ಬದಲಾವಣೆಗಳಾಗಿವೆ. ಮೊದಲ ಆಯ್ಕೆಯ ಆಟಗಾರರಾದ ರವೀಂದ್ರ ಜಡೇಜಾ, ಮೊಹಮ್ಮದ್ ಶಮಿ, ಉಮೇಶ್ ಯಾದವ್ ಮತ್ತು ಹನುಮ ವಿಹಾರಿ ತಂಡದಲ್ಲಿ ಕಾಣಸಿಕೊಂಡಿಲ್ಲ. ಅವರೆಲ್ಲ ಗಾಯಕ್ಕೀಡಾಗಿರುವುದು ಇದಕ್ಕೆ ಕಾರಣ.

ಹೊಸ ಸೇರ್ಪಡೆ ಯಾರು?

ಬಿಸಿಸಿಐ ಮಂಗಳವಾರ (ಜನವರಿ 19) ಪ್ರಕಟಿಸಿರುವ ತಂಡದಲ್ಲಿ ಅಕ್ಸರ್ ಪಟೇಲ್, ಸ್ಪಿನ್ನರ್ ಕುಲದೀಪ್ ಯಾದವ್ ಮತ್ತು ಆಲ್ ರೌಂಡರ್ ಹಾರ್ದಿಕ್ ಪಾಂಡ್ಯ ಹೆಸರಿದೆ. ಆದರೆ ಪೃಥ್ವಿ ಶಾ, ನವದೀಪ್ ಸೈನಿ (ಗಾಯ) ಹೆಸರು ಪಟ್ಟಿಯಲ್ಲಿಲ್ಲ. ಇನ್ನು ವಾಷಿಂಗ್ಟನ್ ಸುಂದರ್, ಮೊಹಮ್ಮದ್ ಸಿರಾಜ್, ರಿಷಭ್ ಪಂತ್ ಮೊದಲಾದವರಿದ್ದಾರೆ.

ಇಂಗ್ಲೆಂಡ್ ವಿರುದ್ಧದ ಟೆಸ್ಟ್‌ಗೆ ಭಾರತ ತಂಡ

ವಿರಾಟ್ ಕೊಹ್ಲಿ (ಸಿ), ಅಜಿಂಕ್ಯ ರಹಾನೆ, ಅಕ್ಸರ್ ಪಟೇಲ್, ಚೇತೇಶ್ವರ ಪೂಜಾರ, ಹಾರ್ದಿಕ್ ಪಾಂಡ್ಯ, ಇಶಾಂತ್ ಶರ್ಮಾ, ಜಸ್ಪ್ರೀತ್ ಬೂಮ್ರಾ, ಕೆ.ಎಲ್. ರಾಹುಲ್, ಕುಲದೀಪ್ ಯಾದವ್, ಮಾಯಾಂಕ್ ಅಗರ್ವಾಲ್, ಮೊಹಮ್ಮದ್ ಸಿರಾಜ್, ರವಿಚಂದ್ರನ್ ಅಶ್ವಿನ್, ರಿಷಭ್ ಪಂತ್ (ಡಬ್ಲ್ಯೂಕೆ), ರೋಹಿತ್ ಶರ್ಮಾ, ಶಾರ್ದೂಲ್ ಠಾಕೂರ್, ಶುಬ್ಮನ್ ಗಿಲ್, ವಾಷಿಂಗ್ಟನ್ ಸುಂದರ್ ಮತ್ತು ವೃದ್ಧಿಮಾನ್ ಸಹಾ (ಡಬ್ಲ್ಯೂಕೆ).