ನಾಯಕನಾಗಿ ಶತಕದ ವಿಶ್ವದಾಖಲೆ ಬರೆಯಲು ಕೊಹ್ಲಿಗೆ ಬೇಕು ಒಂದೇ ಸೆಂಚುರಿ

ಕೊಹ್ಲಿ ಶತಕದ ದಾಖಲೆ

ವಿರಾಟ್ ಕೊಹ್ಲಿ ಹಾಗೂ ಆಸ್ಟ್ರೇಲಿಯಾ ತಂಡದ ಮಾಜಿ ನಾಯಕ ರಿಕಿ ಪಾಂಟಿಂಗ್ ನಾಯಕರಾಗಿ 41 ಅಂತಾರಾಷ್ಟ್ರೀಯ ಶತಕಗಳನ್ನು ದಾಖಲಿಸಿದ ಸಾಧನೆ ಮಾಡಿದ್ದಾರೆ. ವಿರಾಟ್ ಕೊಹ್ಲಿ 191 ಇನ್ನಿಂಗ್ಸ್‌ಗಳನ್ನು ಬಳಸಿ ಈ ಸಾಧನೆಯನ್ನು ಮಾಡಿದ್ದರೆ ರಿಕಿ ಪಾಂಟಿಂಗ್ ಇಷ್ಟು ಶತಕಗಳಿಗಾಗಿ 376 ಇನ್ನಿಂಗ್ಸ್‌ ಬಳಸಿದ್ದಾರೆ.

ಟೆಸ್ಟ್ ಹಾಗೂ ಏಕದಿನದಲ್ಲಿ ಶತಕಗಳ ಸಂಖ್ಯೆ

ವಿರಾಟ್ ಕೊಹ್ಲಿ ನಾಯಕನಾಗಿ ಬಾರಿಸಿದ 41 ಶತಕಗಳ ಪೈಕಿ 20 ಶತಕಗಳು ಟೆಸ್ಟ್ ಮಾದರಿಯಲ್ಲಿ ಬಂದಿದ್ದರೆ ಉಳಿದ 21 ಶತಕಗಳು ಏಕದಿನ ಕ್ರಿಕೆಟ್‌ನಲ್ಲಿ ದಾಖಲಾಗಿದೆ. ಈ ಮೂಲಕ ನಾಯಕನಾಗಿ ಅತ್ಯುನ್ನತ ದಾಖಲೆಯೊಂದನ್ನು ತಮ್ಮ ಹೆಸರಿಗೆ ಬರೆಯಲು ಕೊಹ್ಲಿ ಸಜ್ಜಾಗಿದ್ದಾರೆ.

ಮೂರು ನಾಲ್ಕನೇ ಸ್ಥಾನದಲ್ಲಿ 'ಸ್ಮಿತ್' ದ್ವಯರು

ನಾಯಕನಾಗಿ ಶತಕ ದಾಖಲಿಸಿದ ಈ ಪಟ್ಟಿಯಲ್ಲಿ ಮೂರನೇ ಸ್ಥಾನದಲ್ಲಿ ದಕ್ಷಿಣ ಆಫ್ರಿಕಾ ಕ್ರಿಕೆಟ್ ತಂಡದ ಮಾಜಿ ನಾಯಕ ಗ್ರೇಮ್ ಸ್ಮಿತ್ ಇದ್ದಾರೆ. ಗ್ರೇಮ್ ಸ್ಮಿತ್ 33 ಶತಕಗಳನ್ನು ನಾಯಕನಾಗಿ ಬಾರಿಸಿದ್ದಾರೆ. ಅದಾದ ಬಳಿಕ ಆಸ್ಟ್ರೇಲಿಯಾ ತಂಡದ ಮಾಜಿ ನಾಯಕ ಸ್ಟೀವ್ ಸ್ಮಿತ್ ಇದ್ದು ಸ್ಮಿತ್ ನಾಯಕನಾಗಿ 20 ಶತಕಗಳನ್ನು ಬಾರಿಸಿದ್ದಾರೆ.

ವಿರಾಟ್ ಒಟ್ಟಾರೆ ಶತಕದ ಸಾಧನೆ

ಟೀಮ್ ಇಂಡಿಯಾ ನಾಯಕ ವಿರಾಟ್ ಕೊಹ್ಲಿ ಒಟ್ಟಾರೆ ಶತಕಗಳ ಸಂಖ್ಯೆಯಲ್ಲಿ ವಿರಾಟ್ ಕೊಹ್ಲಿ ವಿರಾಟ್ ಕೊಹ್ಲಿ ಮೂರನೇ ಸ್ಥಾನದಲ್ಲಿದ್ದು 70 ಶತಕಗಳನ್ನು ತಮ್ಮ ಸಿಡಿಸಿದ್ದಾರೆ. ಏಕದಿನ ಕ್ರಿಕೆಟ್‌ನಲ್ಲಿ ವಿರಾಟ್ ಕೊಹ್ಲಿ 43 ಶತಕ ಬಾರಿಸಿದ್ದು ಟೆಸ್ಟ್‌ನಲ್ಲಿ 27 ಶತಕ ಸಿಡಿಸಿದ್ದಾರೆ. 100 ಶತಕಗಳನ್ನು ಸಿಡಿಸಿರುವ ಸಚಿನ್ ತೆಂಡೂಲ್ಕರ್ ಶತಕಗಳ ಪಟ್ಟಿಯಲ್ಲಿ ಅಗ್ರಸ್ಥಾನದಲ್ಲಿದ್ದು 71 ಶತಕ ಸಿಡಿಸಿರುವ ರಿಕಿ ಪಾಂಟಿಂಗ್ ಎರಡನೇ ಸ್ಥಾನದಲ್ಲಿದ್ದಾರೆ.