ಆಶ್ವಿನ್ ಸ್ಪಿನ್ ಮೋಡಿ, ನ್ಯೂಜಿಲೆಂಡ್ 299 ಸ್ಕೋರಿಗೆ ಆಲೌಟ್

ಇಂದೋರ್, ಅಕ್ಟೋಬರ್ 10: ಟೀಂ ಇಂಡಿಯಾದ ಸ್ಪಿನ್ ಮಾಂತ್ರಿಕ ಆರ್ ಅಶ್ವಿನ್ ಅವರ ಸ್ಪಿನ್ ಮೋಡಿಗೆ ಸಿಲುಕಿದ ಪ್ರವಾಸಿ ನ್ಯೂಜಿಲೆಂಡ್ ಮೂರನೇ ಟೆಸ್ಟ್ ನ ಮೂರನೇ ದಿನದಂದು 299ರನ್ನಿಗೆ ಆಲೌಟ್ ಆಗಿದೆ. ಫಾಲೋ ಆನ್ ನೀಡದ ಭಾರತ 258ರನ್ ಮುನ್ನಡೆಯೊಂದಿಗೆ ಎರಡನೇ ಇನ್ನಿಂಗ್ಸ್ ಬ್ಯಾಟಿಂಗ್ ಆರಂಭಿಸಿದೆ.

ಭಾರತದ ತನ್ನ ಮೊದಲ ಇನ್ನಿಂಗ್ಸ್ ನಲ್ಲಿ 577/5 ಸ್ಕೋರ್ ಮಾಡಿ ಡಿಕ್ಲೇರ್ ಮಾಡಿಕೊಂಡಿತ್ತು. ಪಂದ್ಯದ ಮೂರನೇ ದಿನವಾದ ಸೋಮವಾರ(ಆಕ್ಟೋಬರ್ 10) ಹೋಳ್ಕರ್ ಮೈದಾನದಲ್ಲಿ ಆರ್ ಅಶ್ವಿನ್ ಅವರು ಅದ್ಭುತ ಬೌಲಿಂಗ್ ಪ್ರದರ್ಶಿಸಿ 6 ವಿಕೆಟ್ ಕಬಳಿಸಿದರು.[ಡಬ್ಬಲ್ ಸೆಂಚುರಿ ಬಾರಿಸಿ ಬ್ರಾಡ್ಮನ್ ಸಮಕ್ಕೆ ನಿಂತ ಕೊಹ್ಲಿ]

ಅಶ್ವಿನ್ ಅವರು 20ನೇ ಬಾರಿಗೆ 5 ವಿಕೆಟ್ ಕಬಳಿಸಿದರು. ಅಶ್ವಿನ್ ಅವರು 27.2 ಓವರ್ ಗಳಲ್ಲಿ 6/81 ಪಡೆದರು. ಎಡಗೈ ಸ್ಪಿನ್ನರ್ ರವೀಂದ್ರ ಜಡೇಜ ಅವರು 28 ಓವರ್ ಗಳಲ್ಲಿ 2/80 ಪಡೆದು ಉತ್ತಮ ಸಾಥ್ ನೀಡಿದರು.[ಚಿತ್ರಗಳಲ್ಲಿ ನೋಡಿ: ಕೊಹ್ಲಿ- ರಹಾನೆ ಜುಗಲ್ ಬಂದಿ ಆಟ]

ಪಂದ್ಯದ ಗ್ಯಾಲರಿ

ನ್ಯೂಜಿಲೆಂಡ್ ಪರ ಜೇಮ್ಸ್ ನೀಶಾಮ್ (71), ಮಾರ್ಟಿನ್ ಗಪ್ಟಿಲ್ (72) ಉತ್ತಮ ಬ್ಯಾಟಿಂಗ್ ಪ್ರದರ್ಶಿಸಿದರು. ಭಾರತದ ವೇಗಿಗಳು ಯಾವುದೇ ವಿಕೆಟ್ ಪಡೆಯಲು ಸಾಧ್ಯವಾಗಲಿಲ್ಲ. ಭೋಜನ ವಿರಾಮದ ವೇಳೆಗೆ 125/1 ಸ್ಕೋರ್ ಮಾಡಿದ್ದ ಕಿವೀಸ್ ತಂಡ ನಂತರ ನಿಯಮಿತವಾಗಿ ವಿಕೆಟ್ ಕಳೆದುಕೊಂಡು 299ರನ್ನಿಗೆ ಸರ್ವಪತನ ಕಂಡಿತು.