ಸ್ವಯಂಕೃತ ಅಪರಾಧದಿಂದ ನ್ಯೂಜಿಲ್ಯಾಂಡ್ ಗೆ ಮ್ಯಾಚ್ ಒಪ್ಪಿಸಿದ ವಿರಾಟ್ ಕೊಹ್ಲಿ ಪಡೆ

ಟಾಸ್ ಸೋತು ಮೊದಲು ಬ್ಯಾಟ್ ಮಾಡಿದ ಭಾರತ

ಟಾಸ್ ಸೋತು ಮೊದಲು ಬ್ಯಾಟ್ ಮಾಡಿದ ಭಾರತ, ನಾಲ್ಕು ವಿಕೆಟ್ ಕಳೆದುಕೊಂಡು 347 ರನ್ ಪೇರಿಸಿತ್ತು. ಶ್ರೇಯಸ್ ಅಯ್ಯರ್ 103, ರಾಹುಲ್ 88, ವಿರಾಟ್ ಕೊಹ್ಲಿ 51 ರನ್ ಹೊಡೆದರೆ, ನ್ಯೂಜಿಲ್ಯಾಂಡ್ ಪವರ ಸೌಥಿ ಎರಡು ವಿಕೆಟ್ ಅನ್ನು ಪಡೆದರು.

ಭಾರತದ ಬೌಲರ್ ಗಳು ಬಿಟ್ಟುಕೊಟ್ಟ ಇತರ ರನ್

ಕಿವೀಸ್ ಬೌಲರ್ ಗಳು ಬಿಟ್ಟುಕೊಟ್ಟ ಇತರ ರನ್ 27. ಇದರಲ್ಲಿ ವೈಡ್ 19. ಭಾರತದ ಬೌಲರ್ ಗಳು ಇದನ್ನು ಮೀರಿಸಿ 29 ಇತರ ರನ್ ಅನ್ನು ನೀಡಿದರು. ಇದರಲ್ಲಿ ವೈಡ್ 24. ವೈಡಿಗೆ ಇನ್ನೊಂದು ಬಾಲ್ ಕೂಡಾ ಹೆಚ್ಚುವರಿ ಹಾಕಬೇಕಾಗಿರುವುದರಿಂದ, ಇಂತಹ ದೊಡ್ಡಮೊತ್ತದ ಚೇಸಿಂಗ್ ಪಂದ್ಯದಲ್ಲಿ ಇದು ಎದುರಾಳಿಗಳಿಗೆ ಇನ್ನಷ್ಟು ಬಲ ನೀಡಿದಂತಾಗುತ್ತದೆ.

ಸ್ಟ್ರೈಕ್ ಬೌಲರ್ ಜಸಪ್ರೀತ್ ಬುಮ್ರಾ

ಭಾರತದ ಸ್ಟ್ರೈಕ್ ಬೌಲರ್ ಜಸಪ್ರೀತ್ ಬುಮ್ರಾ ಒಬ್ಬರೆ ಒಂಬತ್ತು ವೈಡ್, ಮೊಹಮ್ಮದ್ ಶಮಿ ಆರು ವೈಡ್ ಎಸೆದರು. ಇನ್ನು ಶಾರ್ಧೂಲ್ ಎರಡು, ಜಡೇಜಾ ಮತ್ತು ಕುಲದೀಪ್ ಯಾದವ್ ತಲಾ ಒಂದೊಂದು ವೈಡ್ ಅನ್ನು ಎಸೆದರು.

ನಾಯಕ ವಿರಾಟ್ ಕೊಹ್ಲಿ ಮತ್ತು ಕೋಚ್ ರವಿಶಾಸ್ತ್ರಿ

ಮುಂದಿನ ಪಂದ್ಯಗಳಲ್ಲಿ ನಾಯಕ ವಿರಾಟ್ ಕೊಹ್ಲಿ ಮತ್ತು ಕೋಚ್ ರವಿಶಾಸ್ತ್ರಿ ಇತರ ರನ್ ಹೆಚ್ಚು ಹೋಗದಂತೆ ವರ್ಕೌಟ್ ಮಾಡಿಸಬೇಕಿದೆ. ಇಲ್ಲದಿದ್ದರೆ, ಇತರ ರನ್ ಗಳೇ ಪಂದ್ಯವನ್ನು ಎದುರಾಳಿಗಳಿಗೆ ಗೆಲ್ಲಿಸಿಕೊಡಬಹುದು ಎನ್ನುವುದಕ್ಕೆ ಮೊದಲ ಏಕದಿನವೇ ಸಾಕ್ಷಿ.