ಭಾರತ vs ದಕ್ಷಿಣ ಆಫ್ರಿಕಾ: 2ನೇ ಟಿ20 ಪಂದ್ಯಕ್ಕೆ ಭಾರತದ ಸಂಭಾವ್ಯ ‍‍XI

ಆರಂಭಿಕ ಬ್ಯಾಟ್ಸ್‌ಮನ್‌ಗಳು

ಟಿ20 ದ್ವಿತೀಯ ಪಂದ್ಯದಲ್ಲಿ ಆರಂಭಿಕರಾಗಿ ರೋಹಿತ್ ಶರ್ಮಾ ಮತ್ತು ಕೆಎಲ್ ರಾಹುಲ್ ಬ್ಯಾಟ್‌ ಎತ್ತಿಕೊಳ್ಳಲಿದ್ದಾರೆ. ಒಂದಿಷ್ಟು ಪಂದ್ಯಗಳಲ್ಲಿ ಟೀಮ್ ಇಂಡಿಯಾದ ಎಂದಿನ ಆರಂಭಿಕ ಬ್ಯಾಟ್ಸ್‌ಮನ್ ಶರ್ಮಾ ಜೊತೆ ರಾಹುಲ್ ಆಡಿದ್ದರಾದರೂ ಗಮನಾರ್ಹ ಬ್ಯಾಟಿಂಗ್ ತೋರಿಸಿರಲಿಲ್ಲ. ಶಿಖರ್ ಧವನ್ ಅನುಪಸ್ಥಿತಿಯಲ್ಲಿ ರಾಹುಲ್ ಈ ಬಾರಿ ಹೇಗೆ ಅವಕಾಶ ಬಳಿಸಿಕೊಳ್ಳಲಿದ್ದಾರೆ ಕಾದು ನೋಡಬೇಕಿದೆ (1. ರೋಹಿತ್ ಶರ್ಮಾ, 2. ಕೆಎಲ್ ರಾಹುಲ್).

ಮಧ್ಯಮ ಕ್ರಮಾಂಕ

ಮೊಹಾಲಿ ಪಂದ್ಯದಲ್ಲಿ ಭಾರತದ 3ನೇ ಬ್ಯಾಟಿಂಗ್ ಕ್ರಮಾಂಕದಲ್ಲಿ ಟೀಮ್ ಇಂಡಿಯಾ ನಾಯಕ ವಿರಾಟ್ ಕೊಹ್ಲಿ ಬರಲಿದ್ದಾರೆ. 4ನೇ ಕ್ರಮಾಂಕದಲ್ಲಿ ಬಹು ನಿರೀಕ್ಷಿತ ರಿಷಬ್ ಪಂತ್, 5ನೇ ಕ್ರಮಾಂಕದಲ್ಲಿ ಮನೀಷ್ ಪಾಂಡೆ ಕಾಣಿಸಿಕೊಳ್ಳುವುದನ್ನು ನಿರೀಕ್ಷಿಸಲಾಗಿದೆ (3. ವಿರಾಟ್ ಕೊಹ್ಲಿ, 4. ರಿಷಬ್ ಪಂತ್, 5. ಮನೀಷ್ ಪಾಂಡೆ).

ಆಲ್ ರೌಂಡರ್‌ಗಳು

ಟೀಮ್ ಇಂಡಿಯಾದ ಆಲ್‌ ರೌಂಡರ್‌ಗಳ ಸಾಲಿನಲ್ಲಿರುವ ಹಾರ್ದಿಕ್ ಪಾಂಡ್ಯ 6ನೇ ಕ್ರಮಾಂಕದಲ್ಲಿ, ರವೀಂದ್ರ ಜಡೇಜಾ 7ನೇ ಕ್ರಮಾಂಕದಲ್ಲಿ, ಕೃನಾಲ್ ಪಾಂಡ್ಯ 8ನೇ ಕ್ರಮಾಂಕದಲ್ಲಿ ಬರಲಿದ್ದಾರೆ (6. ಹಾರ್ದಿಕ್ ಪಾಂಡ್ಯ, 7. ರವೀಂದ್ರ ಜಡೇಜಾ, 8. ಕೃನಾಲ್ ಪಾಂಡ್ಯ).

ಬೌಲಿಂಗ್ ಬಣ

ಭಾರತ ತಂಡದಲ್ಲಿ ಟಿ20ಯಲ್ಲಿ ನೂತನ ಚೆಂಡಿನ ಪರಿಣಿತ ಬೌಲರ್‌ ವಾಷಿಂಗ್ಟನ್ ಸುಂದರ್ 9ನೇ ಕ್ರಮಾಂಕದಲ್ಲಿ ಕಣಕ್ಕಿಳಿಯಲಿದ್ದಾರೆ. ಇನ್ನು 10ನೇ ಕ್ರಮಾಂಕದಲ್ಲಿ ದೀಪಕ್ ಚಹಾರ್, 11ನೇ ಕ್ರಮಾಂಕದಲ್ಲಿ ನವದೀಪ್ ಸೈನಿ ಮೈದಾನಕ್ಕಿಳಿಯುವುದನ್ನು ನಿರೀಕ್ಷಿಸಲಾಗಿದೆ (9. ವಾಷಿಂಗ್ಟನ್ ಸುಂದರ್, 10. ದೀಪಕ ಚಹಾರ್, 11. ನವದೀಪ್ ಸೈನಿ).