ಭಾರತ ವಿರುದ್ಧವೇ ಪಾದಾರ್ಪಣೆ ಮಾಡಿದ ಭಾರತ ಮೂಲದ ಸೇನುರಾನ್!

ಭಾರತ ಪ್ರವಾಸ ಮೊದಲೇನಲ್ಲ

25ರ ಹರೆಯದ ಸೇನುರಾನ್ ಮುತ್ತುಸ್ವಾಮಿ ದಕ್ಷಿಣ ಆಫ್ರಿಕಾ ಪರ ಭಾರತಕ್ಕೆ ಪ್ರವಾಸ ಕೈಗೊಂಡಿದ್ದು ಇದು ಮೊದಲ ಸಾರಿಯೇನಲ್ಲ. ಕಳೆದ ವರ್ಷ ದಕ್ಷಿಣ ಆಫ್ರಿಕಾ 'ಎ' ತಂಡದಲ್ಲಿದ್ದ ಮುತ್ತುಸ್ವಾಮಿ, ಭಾರತ 'ಎ' ವಿರುದ್ಧದ ಪಂದ್ಯಕ್ಕಾಗಿ ಭಾರತಕ್ಕೆ ಆಗಮಿಸಿದ್ದರು. ಬುಧವಾರದ ಪಂದ್ಯದಲ್ಲಿ ಮುತ್ತುಸ್ವಾಮಿ 5 ಓವರ್‌ ಎಸೆದು 23 ರನ್ ನೀಡಿದ್ದರು.

ಸಂಸ್ಕೃತಿಯೂ ಭಾರತದ್ದೇ

'ನಮ್ಮ ಮೂಲ ಭಾರತದ ಚೆನ್ನೈ. ನಮಗೆ ಈಗಲೂ ನಾಗಪಟ್ಟಿಣಂನಲ್ಲಿ (ಚೆನ್ನೈಯಿಂದ 300 ಕಿ.ಮೀ. ದೂರದಲ್ಲಿ ಸಿಗುವ ಊರು) ಸಂಬಂಧಿಕರು ಇದ್ದಾರೆ. ನಮ್ಮ ಅನೇಕ ತಲೆಮಾರುಗಳು ಹಾದುಹೋಗಿವೆ. ಆದರೆ ಭಾರತದೊಂದಿನ ನಮ್ಮ ಸಂಬಂಧ ಈಗಲೂ ಹಾಗೇ ಇದೆ. ನಮ್ಮ ಸಂಸ್ಕೃತಿಯೂ ಭಾರತದ್ದೇ ಆಗಿದೆ,' ಎಂದು ಮುತ್ತುಸ್ವಾಮಿ ಹೇಳಿಕೊಂಡಿದ್ದಾರೆ.

ಹೆತ್ತವರು ಭಾವಪರವಶರಾದರು

ದಕ್ಷಿಣ ಆಫ್ರಿಕಾ ತಂಡಕ್ಕೆ ಆಯ್ಕೆಯಾಗಿದ್ದೇನೆ ಮತ್ತು ನನ್ನ ಟೆಸ್ಟ್ ಪಾದಾರ್ಪಣೆ ಭಾರತದ ವಿರುದ್ಧವೇ ಆಗಿದೆ ಎಂದು ತಿಳಿದಾಗ ನನ್ನ ಹೆತ್ತವರು ಭಾವಪರವಶರಾದರು. ಇದು ನನ್ನ ಪಾಲಿಗೆ ಇನ್ನೂ ವಿಶೇಷ ಅನ್ನಿಸಿದೆ,' ಎಂದು ಸೇನುರಾನ್ ಖುಷಿ ಹಂಚಿಕೊಂಡಿದ್ದಾರೆ.

ರೋಹಿತ್, ಮಯಾಂಕ್ ಅಬ್ಬರ

ಟೆಸ್ಟ್‌ನಲ್ಲಿ ಆರಂಭಿಕರಾಗಿ ಚೊಚ್ಚಲ ಪಂದ್ಯವನ್ನಾಡಿದ್ದ ರೋಹಿತ್ ಶರ್ಮಾ 176 ರನ್, ಮತ್ತೊಬ್ಬ ಆರಂಭಿಕ ಬ್ಯಾಟ್ಸ್ಮನ್ ಮಯಾಂಕ್ ಅಗರ್ವಾಲ್ 215 ರನ್ ಬಾರಿಸಿದ್ದಾರೆ. 136 ಓವರ್‌ಗೆ 7 ವಿಕೆಟ್ ನಷ್ಟದಲ್ಲಿ 502 ರನ್ ಬಾರಿಸಿ ಡಿಕ್ಲೇರ್ ಘೋಷಿಸಿದೆ.