ಭಾರತ vs ದಕ್ಷಿಣ ಆಫ್ರಿಕಾ: ಹೊಸ ಇತಿಹಾಸ ಬರೆದ ಹಿಟ್‌ಮ್ಯಾನ್ ರೋಹಿತ್!

ಭಾರತದ ಏಕಮಾತ್ರ ಆಟಗಾರ

ವಿಶಾಖಪಟ್ಟಣ ಟೆಸ್ಟ್ ಶತಕ ಮೂಲಕ ರೋಹಿತ್ ತನ್ನ 4ನೇ ಟೆಸ್ಟ್ ಶತಕ ಪೂರೈಸಿಕೊಂಡಂತಾಗಿದೆ. ಅಲ್ಲದೆ ಎಲ್ಲಾ ಮಾದರಿಯ ಕ್ರಿಕೆಟ್‌ನಲ್ಲಿ ಶತಕ ಬಾರಿಸಿದ ಏಕಮಾತ್ರ ಭಾರತೀಯ ಆರಂಭಿಕ ಆಟಗಾರನಾಗಿ ರೋಹಿತ್ ಶರ್ಮಾ ಹೊಸ ಇತಿಹಾಸ ನಿರ್ಮಿಸಿದ್ದಾರೆ.

ವಿಶ್ವದ 8ನೇ ಬ್ಯಾಟ್ಸ್‌ಮನ್

ಆರಂಭಿಕರಾಗಿ ಬ್ಯಾಟಿಂಗ್‌ಗೆ ತೆರಳಿ ಟೆಸ್ಟ್‌, ಟಿ20ಐ ಮತ್ತು ಏಕದಿನ ಪಂದ್ಯಗಳಲ್ಲಿ ಶತಕ ಬಾರಿಸಿದ ವಿಶ್ವದ 8ನೇ ಬ್ಯಾಟ್ಸ್‌ಮನ್‌ ಆಗಿ ರೋಹಿತ್ ದಾಖಲೆ ಪಟ್ಟಿ ಸೇರಿಸಿದ್ದಾರೆ. ಈ ಸಾಧನೆಯಲ್ಲಿ ಮೊದಲ 7 ಸ್ಥಾನಗಳಲ್ಲಿ ಕ್ರಿಸ್‌ಗೇಲ್ (ವೆಸ್ಟ್ ಇಂಡೀಸ್), ಬ್ರೆಂಡನ್ ಮೆಕಲಮ್ (ನ್ಯೂಜಿಲೆಂಡ್), ಮಾರ್ಟಿನ್ ಗಪ್ಟಿಲ್ (ನ್ಯೂಜಿಲೆಂಡ್), ತಿಲಕರತ್ನೆ ದಿಲ್ಶನ್ (ಶ್ರೀಲಂಕಾ), ಅಹ್ಮದ್ ಶಹಝಾದ್ (ಪಾಕಿಸ್ತಾನ), ಶೇನ್ ವ್ಯಾಟ್ಸನ್ (ಅಸ್ಟ್ರೇಲಿಯಾ), ತಮೀಮ್ ಇಕ್ಬಾಲ್ (ಬಾಂಗ್ಲಾದೇಶ) ಇದ್ದಾರೆ.

ಆರಂಭಿಕರಾಗಿ ಬ್ಯಾಟಿಂಗ್‌

ಭಾರತದಲ್ಲಿ ನಡೆದ ಟೆಸ್ಟ್ ಪಂದ್ಯದಲ್ಲಿ ಆರಂಭಿಕರಾಗಿ ಮೊದಲ ಟೆಸ್ಟ್ ಪಂದ್ಯವನ್ನಾಡಿದ ಜೋಡಿಯಾಗಿ ಹಿಟ್‌ಮ್ಯಾನ್ ರೋಹಿತ್-ಮಯಾಂಕ್ ಗುರುತಿಸಿಕೊಳ್ಳುವ ಮೂಲಕ 1972ರಲ್ಲಿ ನಿರ್ಮಾಣವಾಗಿದ್ದ 47 ವರ್ಷಗಳ ಹಿಂದಿನ ದಾಖಲೆ ಮುರಿದಿದ್ದಾರೆ. ಈ ದಾಖಲೆ ಮಾಜಿ ಆಟಗಾರರಾದ ಸುನಿಲ್ ಗವಾಸ್ಕರ್ ಮತ್ತು ರಾಮ್‌ನಾಥ್ ಪಾರ್ಕರ್ ಹೆಸರಿನಲ್ಲಿತ್ತು.

ದಾಖಲೆಯ ಆರಂಭಿಕ ಆಟ

ರೋಹಿತ್ ಶರ್ಮಾ-ಮಯಾಂಕ್ ಅಗರ್ವಾಲ್ ಜೋಡಿ 317 ರನ್ ಆರಂಭಿಕ ಜೊತೆಯಾಟ ನೀಡಿದೆ. ಇದು ಭಾರತದ ಟೆಸ್ಟ್ ಆರಂಭಿಕ ಜೋಡಿ ನೀಡಿದ 3ನೇ ಅತ್ಯುತ್ತಮ ಜೊತೆಯಾಟ ದಾಖಲೆಗೆ ಕಾರಣವಾಗಿದೆ. ವಿನೋದ್ ಮಂಕದ್-ಪಂಕಜ್ ರಾಯ್ (413 ರನ್), ರಾಹುಲ್ ದ್ರಾವಿಡ್-ವೀರೇಂದ್ರ ಸೆಹ್ವಾಗ್ (410 ರನ್) ಮೊದಲ ಎರಡು ಸ್ಥಾನಗಳಲ್ಲಿದ್ದಾರೆ.