17ನೇ ಶತಕದ ಬಳಿಕ ಕೊಹ್ಲಿ ಮುರಿದ ದಾಖಲೆಗಳ ಪಟ್ಟಿ

ನಾಯಕನಾಗಿ ದಾಖಲೆ

# ಕೊಹ್ಲಿ ಅವರು ಪಂದ್ಯದ ಮೂರನೇ ಇನ್ನಿಂಗ್ಸ್ ನಲ್ಲಿ ಆಡಿದ ಶತಕ ಗಳಿಸಿದ್ದು ಇದೇ ಮೊದಲು.

# ಏಳು ಇನ್ನಿಂಗ್ಸ್ ಗಳ ನಂತರ ಕೊಹ್ಲಿ ಅವರು ಮೊದಲ ಬಾರಿಗೆ ಶತಕ ಸಿಡಿಸಿದ್ದಾರೆ. ಬಾಂಗ್ಲಾದೇಶ ವಿರುದ್ಧ 204ರನ್ ಗಳಿಸಿದ ಬಳಿಕ 38, 0, 13, 12, 15, 6 ಹಾಗೂ 3 ರನ್ ಗಳಿಸಿದ್ದರು.

ವೆಂಗ್ ಸರ್ಕಾರ್ ದಾಖಲೆ ಮುರಿತ

#ಮಾಜಿ ನಾಯಕ ದಿಲೀಪ್ ವೆಂಗ್ ಸರ್ಕಾರ್ ಅವರ 17 ಶತಕ(116 ಟೆಸ್ಟ್) ಗಳ ದಾಖಲೆಯ ಸಮಕ್ಕೆ ಕೊಹ್ಲಿ ನಿಂತಿದ್ದಾರೆ. ವೆಂಗ್ ಸರ್ಕಾರ್ ಅವರು 58 ಪಂದ್ಯಗಳಲ್ಲಿ ಈ ಸಾಧನೆ ಮಾಡಿದ್ದರೆ, ಕೊಹ್ಲಿ ಅವರು 27 ಪಂದ್ಯಗಳಲ್ಲೇ ಈ ದಾಖಲೆ ಬರೆದಿದ್ದಾರೆ.
#ನಾಯಕರಾಗಿ ಅತಿ ಹೆಚ್ಚು ಶತಕಗಳನ್ನು ಹೊಂದಿರುವ ದಾಖಲೆ ಕೊಹ್ಲಿ ಹೆಸರಿಗೆ ಬಂದಿದೆ. 27 ಪಂದ್ಯಗಳಲ್ಲೇ 17 ಟೆಸ್ಟ್ ಶತಕ ದಾಖಲಿಸಿದ್ದಾರೆ.

ತೆಂಡೂಲ್ಕರ್ ದಾಖಲೆ

#ಈ ಶತಕದ ಮೂಲಕ ಕ್ರಿಕೆಟ್ ನ ಮೂರು ಮಾದರಿಗಳಲ್ಲೂ 50 ಪ್ಲಸ್ ರನ್ ಸರಾಸರಿ ಹೊಂದಿರುವ ಏಕೈಕ ಆಟಗಾರ ಎನಿಸಿಕೊಂಡಿದ್ದಾರೆ. ಏಕದಿನ ಕ್ರಿಕೆಟ್ ನಲ್ಲಿ 54.68, ಟಿ20ಐನಲ್ಲಿ 52.96 ಹಾಗೂ ಟೆಸ್ಟ್ ಕ್ರಿಕೆಟ್ ನಲ್ಲಿ 50.03 ರನ್ ಸರಾಸರಿ ಹೊಂದಿದ್ದಾರೆ.

#ಈ ಶತಕ ಬಾರಿಸಿ ವಿದೇಶಿ ನೆಲದಲ್ಲಿ ಸಚಿನ್ ನಾಯಕರಾಗಿ ಬಾರಿಸಿದ್ದ ಶತಕಗಳ ದಾಖಲೆಯನ್ನು ಕೊಹ್ಲಿ ಮುರಿದಿದ್ದಾರೆ. 27 ಟೆಸ್ಟ್ ನಂತರ ನಾಯಕರಾಗಿ 7 ಶತಕ ಬಾರಿಸಿದ್ದ ಅಜರುದ್ದೀನ್, ಸಚಿನ್ ಅವರ ದಾಖಲೆಯನ್ನು ಕೊಹ್ಲಿ ಸರಿಗಟ್ಟಿದ್ದಾರೆ.

ಕೊಹ್ಲಿ ಶತಕ

ವಿದೇಶಿ ನೆಲಗಳಲ್ಲಿ ಸಚಿನ್ ಅವರು 5 ಶತಕಗಳನ್ನು ಬಾರಿಸಿದ್ದರು. ಕೊಹ್ಲಿ ಅವರು 6 ಶತಕ ಬಾರಿಸಿದ್ದಾರೆ.

ನಾಯಕರಾಗಿ ಕೊಹ್ಲಿ ಟೆಸ್ಟ್ ನಲ್ಲಿ ತ್ವರಿತ ಗತಿಯಲ್ಲಿ 1000ರನ್ ಗಡಿ ದಾಟಿದ್ದಾರೆ. ಅದರಲ್ಲೂ ವಿದೇಶದಲ್ಲಿ ರನ್ ಗಳಿಕೆ ಅಧಿಕವಾಗಿದೆ. ತೆಂಡೂಲ್ಕರ್ ಅವರು 19 ಟೆಸ್ಟ್ ಇನ್ನಿಂಗ್ಸ್ ಗಳಲ್ಲಿ 1000ರನ್ ಗಳಿಸಿದ್ದರು. ಕೊಹ್ಲಿ ಅವರು 17 ಇನ್ನಿಂಗ್ಸ್ ಗಳಲ್ಲೇ ಈ ಸಾಧನೆ ಮಾಡಿದ್ದಾರೆ.