ಟಿ20 ವಿಶ್ವಕಪ್‌ನಲ್ಲಿ ಭಾರತದ ಆಡುವ 11: ವಿರಾಟ್ ಕೊಹ್ಲಿ ಕುರಿತು ಶಾಕಿಂಗ್ ತೀರ್ಪು ನೀಡಿದ ಗವಾಸ್ಕರ್!

ಶನಿವಾರ, ಜೂನ್ 1ರಂದು ನ್ಯೂಯಾರ್ಕ್‌ನಲ್ಲಿ ನಡೆದ 2024ರ ಐಸಿಸಿ ವಿಶ್ವಕಪ್ ಪಂದ್ಯಾವಳಿಯ ತಮ್ಮ ಏಕೈಕ ಅಭ್ಯಾಸ ಪಂದ್ಯದಲ್ಲಿ ಬಾಂಗ್ಲಾದೇಶ ವಿರುದ್ಧ 60 ರನ್‌ಗಳ ಭರ್ಜರಿ ಗೆಲುವಿನೊಂದಿಗೆ ಮುಖ್ಯ ಪಂದ್ಯಾವಳಿಗೆ ಕಾಲಿಡುತ್ತಿದೆ.

ಇದೇ ವೇಳೆ ಭಾರತ ತಂಡದ ಆಡುವ 11ರ ಬಳಗ ಮತ್ತು ಅಗ್ರ ಕ್ರಮಾಂಕದ ಬ್ಯಾಟರ್‌ಗಳ ಬಗ್ಗೆ ಕುತೂಹಲ ಹೆಚ್ಚಾಗಿದೆ. ಬಾಂಗ್ಲಾದೇಶ ವಿರುದ್ಧದ ಭಾರತ ತಂಡದ ಅಭ್ಯಾಸ ಪಂದ್ಯವು ಸುಳಿವು ನೀಡಿದ್ದೇ ಆದಲ್ಲಿ, 2024ರ ಟಿ20 ವಿಶ್ವಕಪ್‌ನಲ್ಲಿ ಆರಂಭಿಕ ಆಟಗಾರನಾಗಿ ರೋಹಿತ್ ಶರ್ಮಾ ಜೊತೆಗಾರನಾಗಲು ಯಶಸ್ವಿ ಜೈಸ್ವಾಲ್ ಆದ್ಯತೆಯ ಆಯ್ಕೆಯಲ್ಲ ಎಂದರ್ಥ.

ತಡವಾಗಿ ಯುಎಸ್ಎ ತಲುಪಿದ ನಂತರ ಸ್ಟಾರ್ ಬ್ಯಾಟರ್ ವಿರಾಟ್ ಕೊಹ್ಲಿ ತಂಡದಿಂದ ಗೈರುಹಾಜರಾಗಿದ್ದಾಗ, ಭಾರತ ತಂಡದ ನಾಯಕನೊಂದಿಗೆ ಆರಂಭಿಕರಾಗಿ ಮೈದಾನಕ್ಕಿಳಿದಿದ್ದು ಸಂಜು ಸ್ಯಾಮ್ಸನ್.

ಭಾರತ ತಂಡದ ಸೆಟಪ್ ಇನ್ನೂ ಅಂತಿಮಗೊಂಡಿಲ್ಲ ಎಂದು ರೋಹಿತ್ ಶರ್ಮಾ ಸ್ಪಷ್ಟಪಡಿಸಿದ್ದರೂ, ತಂಡದ ಮ್ಯಾನೇಜ್‌ಮೆಂಟ್‌ಗೆ ಯಶಸ್ವಿ ಜೈಸ್ವಾಲ್ ಆದ್ಯತೆಯ ಆಯ್ಕೆಯಲ್ಲ ಎಂದು ಅರ್ಥಮಾಡಿಕೊಳ್ಳಲು ಅಭ್ಯಾಸ ಪಂದ್ಯ ಸಾಕೆನಿಸುತ್ತದೆ.

ಭಾರತದ ಲೆಜೆಂಡ್ ಕ್ರಿಕೆಟಿಗ ಸುನಿಲ್ ಗವಾಸ್ಕರ್ ಕೂಡ ಭಾರತ ತಂಡಕ್ಕೆ ರೋಹಿತ್ ಶರ್ಮಾ ಜೊತೆಗೆ ವಿರಾಟ್ ಕೊಹ್ಲಿ ಓಪನಿಂಗ್ ಮಾಡಬೇಕು ಎಂದು ಸಲಹೆ ನೀಡಿದ್ದಾರೆ. ಯಶಸ್ವಿ ಜೈಸ್ವಾಲ್ ಸಾಕಷ್ಟು ಭರವಸೆ ನೀಡುವಂತಹ ಫಾರ್ಮ್‌ನಲ್ಲಿಲ್ಲ ಎಂಬುದು ಕಾರಣವಾಗಿದೆ.

ಮತ್ತೊಂದೆಡೆ, ಅನುಭವಿ ಬ್ಯಾಟರ್ ವಿರಾಟ್ ಕೊಹ್ಲಿ ಐಪಿಎಲ್ 2024ರ ಅಭಿಯಾನವನ್ನು ತನ್ನ ಹೆಸರಿಗೆ 741 ರನ್‌ಗಳ ಮೂಲಕ ಅಗ್ರ ರನ್ ಸ್ಕೋರರ್ ಆಗಿ ಮುಗಿಸಿದರು.

"ವಿರಾಟ್ ಕೊಹ್ಲಿ ಯಾವ ರೀತಿಯ ಫಾರ್ಮ್‌ನಲ್ಲಿದ್ದಾರೆ ನೋಡಿದ್ದೇವೆ, ವಿಶೇಷವಾಗಿ ಐಪಿಎಲ್ 2024ರ ಋತುವಿನ ದ್ವಿತೀಯಾರ್ಧದಲ್ಲಿ. ಕೊಹ್ಲಿ ಅವರು ನಾಯಕ ರೋಹಿತ್ ಶರ್ಮಾ ಅವರೊಂದಿಗೆ ಬ್ಯಾಟಿಂಗ್ ಇನ್ನಿಂಗ್ಸ್ ತೆರೆಯಬೇಕು. ಉತ್ತಮ ಆಟಗಾರರು ಎಂದಿಗೂ ಉತ್ತಮ ಆಟಗಾರರೇ, ಐಪಿಎಲ್‌ನಲ್ಲಿ ವಿರಾಟ್ ಕೊಹ್ಲಿ ತೋರಿದ ರೀತಿಯ ಫಾರ್ಮ್‌ನಿಂದಾಗಿ ಅವರು ಬ್ಯಾಟಿಂಗ್ ತೆರೆಯಬೇಕು," ಎಂದು ಸುನಿಲ್ ಗವಾಸ್ಕರ್ ಅಭಿಪ್ರಾಯಪಟ್ಟರು.

"ದೂರದರ್ಶನದಲ್ಲಿ ಎಡಗೈ, ಬಲಗೈ ಸಂಯೋಜನೆಯ ಬಗ್ಗೆ ಮಾತನಾಡುವುದು ಒಳ್ಳೆಯದು. ಆದರೆ ಉತ್ತಮ ಆಟಗಾರರು ಅವರು ಎಲ್ಲಿ ಬ್ಯಾಟ್ ಮಾಡಿದರೂ ಉತ್ತಮ ಆಟಗಾರರು," ಎಂದು ಸುನಿಲ್ ಗವಾಸ್ಕರ್ ಅವರು ಯುಎಸ್ಎ ಮತ್ತು ಕೆನಡಾ ನಡುವಿನ ಟಿ20 ವಿಶ್ವಕಪ್ ಆರಂಭಿಕ ಪಂದ್ಯದ ನಂತರ ಸ್ಟಾರ್ ಸ್ಪೋರ್ಟ್ಸ್‌ನಲ್ಲಿ ಹೇಳಿದರು.

"ಟೆಸ್ಟ್ ಸರಣಿಯಲ್ಲಿ ನಾವು ಅವರನ್ನು ನೋಡಿದ ರೀತಿಯ ಫಾರ್ಮ್‌ನಲ್ಲಿ ಯಶಸ್ವಿ ಜೈಸ್ವಾಲ್ ಇರಲಿಲ್ಲ," ಎಂದು ಭಾರತದ ಲೆಜೆಂಡ್ ಕ್ರಿಕೆಟಿಗ ಎರಡನೇ ಆರಂಭಿಕ ಸ್ಥಾನಕ್ಕಾಗಿ ವಿರಾಟ್‌ ಕೊಹ್ಲಿಯೊಂದಿಗೆ ಸ್ಪರ್ಧಿಸುತ್ತಿರುವ ಎಡಗೈ ಬ್ಯಾಟರ್ ಬಗ್ಗೆ ಹೇಳಿದರು.

ಬಾಂಗ್ಲಾದೇಶ ವಿರುದ್ಧದ ಅಭ್ಯಾಸ ಪಂದ್ಯದಲ್ಲಿ ವಿರಾಟ್ ಕೊಹ್ಲಿ ಭಾರತ ತಂಡದಲ್ಲಿ ಆಡಿದ್ದರೆ ಅದು ಅದ್ಭುತವಾಗಿತ್ತು. ಆದರೆ ಅವರ ತಡವಾಗಿ ಆಗಮನವು ಅಸಾಧ್ಯವಾಯಿತು. ಆದರೆ, ಅಗ್ರ ಕ್ರಮಾಂಕದ ಬ್ಯಾಟರ್ ಜೂನ್ 5ರಂದು ಐರ್ಲೆಂಡ್ ವಿರುದ್ಧ ಟಿ20 ವಿಶ್ವಕಪ್ 2024ರ ಅಭಿಯಾನ ಆರಂಭಿಸುವಾಗ ಮೂಲಕ ತಂಡದ ಆಡುವ 11ರ ಬಳಗಲದಲ್ಲಿ ಖಂಡಿತವಾಗಿ ಭಾಗವಾಗಿರುತ್ತಾನೆ.

ವಿರಾಟ್ ಕೊಹ್ಲಿ ಮತ್ತು ರೋಹಿತ್ ಶರ್ಮಾ ಇಬ್ಬರೂ ತಂಡಕ್ಕೆ ಅನಿವಾರ್ಯವಾಗಿರುವುದರಿಂದ, ಯಶಸ್ವಿ ಜೈಸ್ವಾಲ್ ಅವಕಾಶಗಳು ಬೇಗನೆ ಬರುವುದಿಲ್ಲ. ಆದಾಗ್ಯೂ, ಬ್ಯಾಟಿಂಗ್ ವಿಭಾಗದಲ್ಲಿ ಮತ್ತೊಂದು ಪಾತ್ರವು ಸಾಧ್ಯವಾಗಬಹುದು.