ಐಪಿಎಲ್‌ಗೆ 16ನೇ ವಾರ್ಷಿಕೋತ್ಸವ: ಚೊಚ್ಚಲ ಹರಾಜಿನಲ್ಲಿ ಮಾರಾಟವಾದ ಮೊದಲ ಆಟಗಾರ ಯಾರು?

2008ರಲ್ಲಿ ಮುಂಬೈನಲ್ಲಿ ನಡೆದ ಚೊಚ್ಚಲ ಇಂಡಿಯನ್ ಪ್ರೀಮಿಯರ್ ಲೀಗ್ (ಐಪಿಎಲ್) ಹರಾಜು ಪ್ರಕ್ರಿಯೆ ನಡೆದು ಇದೀಗ ಫೆಬ್ರವರಿ 20ಕ್ಕೆ ಬರೋಬ್ಬರಿ 16 ವರ್ಷಗಳು ಪೂರೈಸಿವೆ.

ಕ್ರಿಕೆಟ್‌ನ ಶ್ರೀಮಂತ ಟಿ20 ಲೀಗ್ ಉದ್ಘಾಟನಾ ಆವೃತ್ತಿಯ ಹರಾಜು ಪ್ರಕ್ರಿಯೆ ನಡೆದು ಈಗ ತನ್ನ 17ನೇ ಋತುವಿಗೆ ಪ್ರವೇಶಿಸುತ್ತಿರುವುದರಿಂದ, ಮುಂಬರುವ ವರ್ಷಗಳಲ್ಲಿ ಟಿ20 ಆಟದ ಭವ್ಯ ಯಶಸ್ಸಿಗೆ ಅಡಿಪಾಯ ಹಾಕಿದೆ.

ಗಮನಾರ್ಹವಾಗಿ, ಐಪಿಎಲ್‌ನ ಉದ್ಘಾಟನಾ ಹರಾಜು ಇಡೀ ಕ್ರಿಕೆಟ್ ಜಗತ್ತಿನಲ್ಲಿ ಮುಖ್ಯಾಂಶಗಳನ್ನು ಮಾಡಿತು. ಏಕೆಂದರೆ ಚೊಚ್ಚಲ ಋತುವಿನಲ್ಲಿ ಹಲವಾರು ದೊಡ್ಡ ಸ್ಟಾರ್‌ಗಳು ಭಾರೀ ಮೊತ್ತಕ್ಕೆ ಮಾರಾಟವಾದರು.

ಭಾರತ ತಂಡದ ಮಾಜಿ ನಾಯಕ ಎಂಎಸ್ ಧೋನಿ ಮೊದಲ ಹರಾಜಿನ ಅತ್ಯಂತ ದುಬಾರಿ ಆಟಗಾರರಾಗಿದ್ದರು. ಅವರು ಚೆನ್ನೈ ಸೂಪರ್ ಕಿಂಗ್ಸ್ (ಸಿಎಸ್‌ಕೆ) ತಂಡಕ್ಕೆ 1.5 ಮಿಲಿಯನ್ ಯುಎಸ್ ಡಾಲರ್ ಮೊತ್ತಕ್ಕೆ ಖರೀದಿಯಾದರು.

ಆದಾಗ್ಯೂ, ಎಂಎಸ್ ಧೋನಿ ಐಪಿಎಲ್ ಇತಿಹಾಸದಲ್ಲಿ ಮಾರಾಟವಾದ ಮೊದಲ ಆಟಗಾರನಲ್ಲ. ಟಿ20 ಲೀಗ್‌ನ ಇತಿಹಾಸದಲ್ಲಿ ಹರಾಜು ಸುತ್ತಿಗೆಗೆ ಒಳಗಾದ ಮೊದಲ ಕ್ರಿಕೆಟಿಗ ಆಸ್ಟ್ರೇಲಿಯಾದ ಲೆಜೆಂಡ್ ಸ್ಪಿನ್ನರ್ ಶೇನ್ ವಾರ್ನ್.

ದಿ. ಶೇನ್ ವಾರ್ನ್ ಅವರನ್ನು ರಾಜಸ್ಥಾನ್ ರಾಯಲ್ಸ್ (ಆರ್‌ಆರ್) 450,000 ಯುಎಸ್ ಡಾಲರ್ ಮೊತ್ತಕ್ಕೆ ಖರೀದಿಸಿತು ಮತ್ತು ಐಪಿಎಲ್ ಇತಿಹಾಸದಲ್ಲಿ ಲೆಜೆಂಡರಿ ಕ್ರಿಕೆಟಿಗನು ತನ್ನ ಹೆಸರನ್ನು ಸುವರ್ಣಾಕ್ಷರದಲ್ಲಿ ಬರೆದುಕೊಂಡನು. ಉದ್ಘಾಟನಾ ಋತುವಿನಲ್ಲೇ ಸಿಎಸ್‌ಕೆ ತಂಡವನ್ನು ಫೈನಲ್‌ನಲ್ಲಿ ಸೋಲಿಸಿ ರಾಜಸ್ಥಾನ್ ರಾಯಲ್ಸ್ ತಂಡವನ್ನು ವಿಜಯಶಾಲಿಯಾಗಿಸಿದನು.

ತಂಡಕ್ಕಾಗಿ ವಿವಿಎಸ್ ಲಕ್ಷ್ಮಣ್ ತಮ್ಮ 'ಐಕಾನ್ ಪ್ಲೇಯರ್ ಟ್ಯಾಗ್' ತ್ಯಜಿಸಿದರು

ಐಪಿಎಲ್ ಹರಾಜಿಗೆ ಮುಂಚಿತವಾಗಿ, ಎಲ್ಲಾ ಎಂಟು ತಂಡಗಳು ತಾವು ಪ್ರತಿನಿಧಿಸುತ್ತಿದ್ದ ನಗರದ ಸ್ಥಳೀಯ ಆಟಗಾರನಿಗೆ "ಐಕಾನ್ ಪ್ಲೇಯರ್' ಎಂದು ಭಾರತೀಯ ಪ್ರಮುಖ ಆಟಗಾರನಿಗೆ ಸಹಿ ಹಾಕಿದವು.

ಬಿಡ್ಡಿಂಗ್ ಪ್ರಕ್ರಿಯೆಯಲ್ಲಿ ಐಕಾನ್ ಪ್ಲೇಯರ್ ಕಾಣಿಸಿಕೊಳ್ಳಲಿಲ್ಲ ಮತ್ತು ಆಯಾ ತಂಡದ ಅತ್ಯಂತ ದುಬಾರಿ ಆಟಗಾರನಿಗಿಂತ ಶೇ.15ರಷ್ಟು ಹೆಚ್ಚು ಮೊತ್ತವನ್ನು ಪಡೆಯುತ್ತಾನೆ.

ಮುಂಬೈ ಇಂಡಿಯನ್ಸ್ ಸಚಿನ್ ತೆಂಡೂಲ್ಕರ್ ಅವರನ್ನು ಆಯ್ಕೆ ಮಾಡಿದರೆ, ಡೆಲ್ಲಿ ಡೇರ್ ಡೆವಿಲ್ಸ್ (ಡಿಡಿ) ವೀರೇಂದ್ರ ಸೆಹ್ವಾಗ್ ಅವರನ್ನು ಸ್ವಾಧೀನಪಡಿಸಿಕೊಂಡಿತು. ಕೋಲ್ಕತ್ತಾ ನೈಟ್ ರೈಡರ್ಸ್ (ಕೆಕೆಆರ್) ತಮ್ಮ ಪ್ರಿನ್ಸ್ ಸೌರವ್ ಗಂಗೂಲಿಯನ್ನು ಪಡೆಯಿತು.

ರಾಯಲ್ ಚಾಲೆಂಜರ್ಸ್ ಬೆಂಗಳೂರು (ಆರ್‌ಸಿಬಿ) ರಾಹುಲ್ ದ್ರಾವಿಡ್‌ಗೆ ಸಹಿ ಹಾಕಿದರೆ ಮತ್ತು ಕಿಂಗ್ಸ್ ಇಲೆವೆನ್ ಪಂಜಾಬ್ (ಈಗ ಪಂಜಾಬ್ ಕಿಂಗ್ಸ್) ಯುವರಾಜ್ ಸಿಂಗ್ ಜೊತೆ ಒಪ್ಪಂದ ಮಾಡಿಕೊಂಡಿತು.

ಗಮನಾರ್ಹವಾಗಿ, ಹೈದರಾಬಾದ್ ಮೂಲದ ಕ್ರಿಕೆಟಿಗ ವಿವಿಎಸ್ ಲಕ್ಷ್ಮಣ್ ಡೆಕ್ಕನ್ ಚಾರ್ಜರ್ಸ್ (ಡಿಸಿ) ಗಾಗಿ ತಮ್ಮ "ಐಕಾನ್ ಪ್ಲೇಯರ್' ಸ್ಥಾನಮಾನವನ್ನು ಬಿಟ್ಟುಕೊಟ್ಟರು. ಆಟಗಾರರಿಗೆ ಬಿಡ್ ಮಾಡಲು ಹೆಚ್ಚಿನ ಹಣವನ್ನು ಹೊಂದಲು ಅವಕಾಶ ಮಾಡಿಕೊಟ್ಟರು.

ರಾಜಸ್ಥಾನ್ ರಾಯಲ್ಸ್ ಮತ್ತು ಚೆನ್ನೈ ಸೂಪರ್ ಕಿಂಗ್ಸ್ (ಸಿಎಸ್‌ಕೆ) ಎರಡೂ ಐಕಾನ್ ಪ್ಲೇಯರ್‌ನನ್ನು ಹೊಂದಿರಲಿಲ್ಲ. ಇದು ಸಿಎಸ್‌ಕೆ 1.5 ಮಿಲಿಯನ್ ಡಾಲರ್ ಮೊತ್ತಕ್ಕೆ ಎಂಎಸ್ ಧೋನಿಯನ್ನು ಖರೀದಿಸಲು ಸಹಾಯ ಮಾಡಿತು.

ಗ್ಲೆನ್ ಮೆಕ್‌ಗ್ರಾತ್ ಅನ್‌ಸೋಲ್ಡ್, ಮುಂಬೈ ಇಂಡಿಯನ್ಸ್ ಅತ್ಯಂತ ದುಬಾರಿ ತಂಡ

ಎಂಎಸ್ ಧೋನಿ ನಂತರ, ಆಸ್ಟ್ರೇಲಿಯಾದ ಲೆಜೆಂಡ್ ಆಲ್‌ರೌಂಡರ್ ಆಂಡ್ರ್ಯೂ ಸೈಮಂಡ್ಸ್ ಹರಾಜಿನಲ್ಲಿ ಡೆಕ್ಕನ್ ಚಾರ್ಜರ್ಸ್ ತಂಡಕ್ಕೆ 1.35 ಮಿಲಿಯನ್‌ ಡಾಲರ್‌ಗೆ ಮಾರಾಟವಾದ ಎರಡನೇ ಅತ್ಯಂತ ದುಬಾರಿ ಆಟಗಾರರಾದರು.

ದಕ್ಷಿಣ ಆಫ್ರಿಕಾದ ಲೆಜೆಂಡರಿ ಆಲ್ ರೌಂಡರ್ ಜಾಕ್ವೆಸ್ ಕಾಲಿಸ್ ಅವರು ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡಕ್ಕೆ 900,000 ಡಾಲರ್‌ಗೆ ಮಾರಾಟವಾದ ಕಾರಣ, ಹೆಚ್ಚು ಬೇಡಿಕೆಯಿರುವ ವಿದೇಶಿ ಆಟಗಾರರಲ್ಲಿ ಒಬ್ಬರಾಗಿದ್ದರು. ಹರಾಜಿನ ಕೊನೆಯಲ್ಲಿ ಮುಂಬೈ ಇಂಡಿಯನ್ಸ್ 111.9 ಮಿಲಿಯನ್ ವೆಚ್ಚದ ಅತ್ಯಂತ ದುಬಾರಿ ತಂಡವಾಗಿ ಹೊರಹೊಮ್ಮಿತು.