ಕೂಲಿಯಾಳಿನ ಪುತ್ರ ನಟರಾಜನ್ ಗೆ ಮಿಚೆಲ್ ಜಾನ್ಸನ್ ಆದರ್ಶ!

ಚೆನ್ನೈ, ಫೆಬ್ರವರಿ 22: ಎಡಗೈ ವೇಗಿ ಟಿ. ನಟರಾಜನ್ ಈಗ ಬಾರಿ ಐಪಿಎಲ್​ ಹರಾಜಿನಲ್ಲಿ ಭರ್ಜರಿ ಬೆಲೆ ಪಡೆದುಕೊಂಡು ಸುದ್ದಿ ಮಾಡಿದ್ದು ಗೊತ್ತಿರಬಹುದು. ನನಗೆ ಇನ್ನೂ ನಂಬಲು ಆಗುತ್ತಿಲ್ಲ, ಕೋಟಿಗೆ ಎಷ್ಟು ಸೊನ್ನೆ ಎಂದು ತಿಳಿದಿಲ್ಲ ಎಂದು ತಮಿಳುನಾಡಿನ ಆಟಗಾರ ತ್ಯಾಗರಾಜನ್ ನಟರಾಜನ್ ಅವರು ಪ್ರತಿಕ್ರಿಯಿಸಿದ್ದಾರೆ.

ಯಾವ ತಂಡದಲ್ಲಿ ಯಾವ ಆಟಗಾರರು ಉಳಿದುಕೊಂಡಿದ್ದಾರೆ?|ಯಾವ ತಂಡದಿಂದ ಯಾವ ಕ್ರಿಕೆಟರ್ ಗೆ ಕೊಕ್!

25 ವರ್ಷದ ನಟರಾಜನ್ ಅವರಿಗೆ 10 ಲಕ್ಷ ರೂ. ಮೂಲಬೆಲೆ ನಿಗದಿಯಾಗಿತ್ತು. ಆದರೆ, ಬಿಡ್ಡಿಂಗ್ ವೇಳೆ ಭಾರಿ ಪೈಪೋಟಿ ನಡೆದು 30 ಪಟ್ಟು ಅಧಿಕ ಮೊತ್ತಕೆ 3 ಕೋಟಿ ರೂ.ಗೆ ಕಿಂಗ್ಸ್ ಇಲೆವೆನ್ ಪಾಲಾದರು.[ಹರಾಜು ಅಚ್ಚರಿ: ರಿಕ್ಷಾ ಚಾಲನ ಮಗ ಸಿರಾಜ್ ಗೆ ಭರ್ಜರಿ ಬೆಲೆ]

ರೈಲ್ವೆ ಫ್ಲಾಟ್ ಫಾರ್ಮ್, ಗಾರ್ಮೆಂಟ್ ಫ್ಯಾಕ್ಟರಿಯಲ್ಲಿ ದಿನಗೂಲಿಯಾಗಿರುವ ತಂದೆ ಮತ್ತು ಬೀದಿಬದಿ ವ್ಯಾಪಾರಿಯಾಗಿರುವ ತಾಯಿಯ ಪರಿಶ್ರಮ ಹಾಗೂ ತ್ಯಾಗವೇ ನಾನು ಈ ಮಟ್ಟಕ್ಕೇರಲು ಸಾಧ್ಯವಾಯಿತು ಎಂದು ನಟರಾಜನ್ ಹೇಳಿದ್ದಾರೆ. ಈ ದಂಪತಿಯ ಐವರು ಮಕ್ಕಳ ಪೈಕಿ ನಟರಾಜನ್ ಹಿರಿಯವರು.[ಐಪಿಎಲ್ 2017 ಸಂಪೂರ್ಣ ವೇಳಾಪಟ್ಟಿ]

ಕಳೆದ ವರ್ಷ ತಮಿಳುನಾಡು ಪ್ರೀಮಿಯರ್ ಲೀಗ್​ನಲ್ಲಿ (ಟಿಎನ್​ಪಿಎಲ್) ಆಡಿದ್ದು ನನ್ನ ಬದುಕಿನ ಅವಿಸ್ಮರಣೀಯ ಕ್ಷಣಗಳು, ಟಿಎನ್​ಪಿಎಲ್​ನಲ್ಲಿ ಕಂಡ ಯಶಸ್ಸಿನಿಂದ ಐಪಿಎಲ್ ಅವಕಾಶ ಒಲಿಸಿಕೊಂಡಿರುವ ಅವರಿಗೆ ಆಸೀಸ್ ವೇಗಿ ಮಿಚೆಲ್ ಜಾನ್ಸನ್ ಆದರ್ಶ.[ಯಾವ ತಂಡದಲ್ಲಿ ಯಾವ ಆಟಗಾರರಿದ್ದಾರೆ?]

ಟೆನ್ನಿಸ್ ಬಾಲ್ ಟೂರ್ನಿ ನಂತರ ಜಾಲಿ ರೋವರ್ಸ್ ಕ್ಲಬ್ ಪರ ಆಡಿದ್ದ ನಟರಾಜನ್, ಅವರು ಟಿಎನ್ ಪಿಎಲ್ ನಲ್ಲಿದಿಂಡಿಗಲ್ ಡ್ರಾಗನ್ಸ್ ಪರ ಆಡಿದ್ದರು. ಅಶ್ವಿನ್, ಮುರಳಿ ವಿಜಯ್ ಹಾಗೂ ಎಲ್ ಬಾಲಾಜಿ ಅವರ ನೆರವನ್ನು ಸ್ಮರಿಸುತ್ತಾರೆ. 2015-16ರಲ್ಲಿ ರಣಜಿ ತಂಡದಲ್ಲೂ ನಟರಾಜನ್ ಸ್ಥಾನ ಪಡೆದರು.[ಐಪಿಎಲ್ 2017: ಆರ್ ಸಿಬಿ ಪಂದ್ಯಗಳ ಪೂರ್ಣ ವೇಳಾಪಟ್ಟಿ]

ತಮಿಳುನಾಡಿನ 'ಮುಸ್ತಫಿಝುರ್ ರೆಹ್ಮಾನ್ ' ಎಂದು ಸಹ ಆಟಗಾರರು ಪ್ರೀತಿಯಿಂದ ನಟರಾಜನ್ ರನ್ನು ಕರೆಯುತ್ತಾರೆ. ಬಾಂಗ್ಲಾದ ರೆಹ್ಮಾನ್ ರಂತೆ ನಟರಾಜನ್ ಕೂಡಾ ಯಾರ್ಕರ್ ಸ್ಪೆಷಲಿಸ್ಟ್ .[4 ಕೋಟಿಗೆ ಬಿಕರಿಯಾದ ಅಫ್ಘಾನಿಸ್ತಾನದ 18ರ ಪೋರ!]

ಆಸ್ಟ್ರೇಲಿಯಾದ ವೇಗಿ ಮಿಚೆಲ್ ಜಾನ್ಸನ್ ನನಗೆ ಆದರ್ಶ. ಐಪಿಎಲ್ ವೇಳೆ ಆತನನ್ನು ಭೇಟಿ ಮಾಡಿ, ಸಾಕಷ್ಟು ಕಲಿಯಬೇಕಿದೆ ಎಂದು ನಟರಾಜನ್ ಹೇಳಿದ್ದಾರೆ.