ಬೆನ್ ಸ್ಟೋಕ್ಸ್ ಕೈ ಬೆರಳು ಮಡಚಿದ್ದರ ಹಿಂದಿದೆ ಕುತೂಹಲಕಾರಿ ಕಾರಣ!

ಹಾರ್ದಿಕ್ ಸ್ಫೋಟಕ ಬ್ಯಾಟಿಂಗ್

ರಾಜಸ್ಥಾನ್ ವಿರುದ್ಧದ ಪಂದ್ಯದಲ್ಲಿ ಮುಂಬೈ ಇಂಡಿಯನ್ಸ್ ಆಲ್ ರೌಂಡರ್ ಹಾರ್ದಿಕ್ ಪಾಂಡ್ಯ ಕೂಡ ಸ್ಫೋಟಕ ಬ್ಯಾಟಿಂಗ್ ಪ್ರದರ್ಶಿಸಿದ್ದರು. 21 ಎಸೆತಗಳಿಗೆ 60 ರನ್ ಬಾರಿಸಿದ್ದರು. ಇಶಾನ್ ಕಿಶನ್ 37, ಸೂರ್ಯಕುಮಾರ್ ಯಾದವ್ 40, ಸೌರಭ್ ತಿವಾರಿ 34 ರನ್‌ ಕೊಡುಗೆಯೊಂದಿಗೆ ಮುಂಬೈ 20 ಓವರ್‌ಗೆ 5 ವಿಕೆಟ್ ಕಳೆದು 195 ರನ್ ಗಳಿಸಿತ್ತು. ಆದರೆ ಆರ್‌ಆರ್ ಇದನ್ನು ಚೇಸ್ ಮಾಡಿತ್ತು.

ಸ್ಟೋಕ್ಸ್ ಬೆರಳು ಮಡಚಿದ್ದೇಕೆ?

ಪಂದ್ಯದಲ್ಲಿ ರಾಜಸ್ಥಾನ್ ರಾಯಲ್ಸ್ ಗೆದ್ದ ಬಳಿಕ ಬೆನ್ ಸ್ಟೋಕ್ಸ್ ತನ್ನ ಕೈಯ ನಡು ಬೆರಳನ್ನು ಮಡಚಿ ಪೋಸ್ ಕೊಟ್ಟಿದ್ದರು. ಸ್ಟೋಕ್ಸ್ ಹೀಗೆ ಪೋಸ್ ನೀಡಿದ್ದಿದ್ದು ಇದೇ ಮೊದಲಲ್ಲ. ಹಿಂದೆ ಇಂಗ್ಲೆಂಡ್‌ನಲ್ಲಿ ಟೆಸ್ಟ್ ಸರಣಿ ವೇಳೆಯೂ ಹೀಗೆ ಪೋಸ್ ಕೊಟ್ಟಿದ್ದರು. ಇದಕ್ಕೆ ಕಾರಣವಿದೆ. ತನ್ನ ತಂದೆಯನ್ನು ನೆನೆದು ಸ್ಟೋಕ್ಸ್ ಹೀಗೆ ಮಾಡುತ್ತಿದ್ದಾರೆ.

ಗೆಡ್ ಸ್ಟೋಕ್ಸ್‌ಗೆ ಬೆರಳಿಲ್ಲ

ಸ್ಟೋಕ್ಸ್ ತಂದೆ ಗೆಡ್ ಸ್ಟೋಕ್ಸ್‌ಗೆ ಎಡಗೈಯ ನಡು ಬೆರಳಿಲ್ಲ. ರಗ್ಬೀ ಆಟಗಾರರಾಗಿದ್ದ ಗೆಡ್, ಅನೇಕ ಬಾರಿ ಕೈ ಬೆರಳಿಗೆ ಗಾಯ ಮಾಡಿಕೊಂಡಿದ್ದರು. ಬಹಳಷ್ಟು ಸಾರಿ ಬೆರಳಿಗೆ ಶಸ್ತ್ರ ಚಿಕಿತ್ಸೆಯೂ ಮಾಡಿಕೊಂಡಿದ್ದರು. ಆದರೆ ಚಿಕಿತ್ಸೆಗಳು ವಿಫಲವಾಗಿದ್ದರಿಂದ ನಡು ಬೆರಳನ್ನು ತೆಗೆಸಬೇಕಾಗಿ ಬಂದಿತ್ತು.

ಬ್ರೇನ್ ಕ್ಯಾನ್ಸರ್ ಬೇರೆ!

ಸ್ಟೋಕ್ಸ್ ತಂದೆ ಗೆಡ್ ಸ್ಟೋಕ್ಸ್‌ಗೆ ಬ್ರೇನ್ ಕ್ಯಾನ್ಸರ್ ಕೂಡ ಇದೆ. ಐಪಿಎಲ್‌ಗೆ ಸ್ಟೋಕ್ಸ್ ತಡವಾಗಿ ಎಂಟ್ರಿ ಕೊಟ್ಟಿದ್ದು ಇದೇ ಕಾರಣಕ್ಕೆ. ನ್ಯೂಜಿಲೆಂಡ್ ಆಸ್ಪತ್ರೆಯಲ್ಲಿ ಗೆಡ್ ಚಿಕಿತ್ಸೆ ಪಡೆಯುತ್ತಿದ್ದರಿಂದ ಸ್ಟೋಕ್ಸ್ ಅಲ್ಲಿಗೆ ತೆರಳಿ ಸ್ವಲ್ಪ ಕಾಲ ತಂದೆಯ ಜೊತೆಗಿದ್ದರು. ಮುಂಬೈ ವಿರುದ್ಧದ ಶತಕವನ್ನೂ ಸ್ಟೋಕ್ಸ್ ತನ್ನ ತಂದೆಗೆ ಅರ್ಪಿಸಿದ್ದಾರೆ.