ಮುಂಬೈ ಇಂಡಿಯನ್ಸ್ vs ಕಿಂಗ್ಸ್ XI ಪಂಜಾಬ್ ಪಂದ್ಯದ ತಮಾಷೆಯ ಮೀಮ್ಸ್

ರೋಹಿತ್ ಅರ್ಧ ಶತಕ

ಟಾಸ್ ಸೋತು ಬ್ಯಾಟಿಂಗ್‌ಗೆ ಇಳಿಸಲ್ಪಟ್ಟ ಮುಂಬೈ ಇಂಡಿಯನ್ಸ್ ತಂಡ, ರೋಹಿತ್ ಶರ್ಮಾ 70 (45 ಎಸೆತ), ಸೂರ್ಯಕುಮಾರ್ ಯಾದವ್ 10, ಇಶಾನ್ ಕಿಶನ್ 28, ಕೀರನ್ ಪೊಲಾರ್ಡ್ 47 (20 ಎಸೆತ), ಹಾರ್ದಿಕ್ ಪಾಂಡ್ಯ 30 (11 ಎಸೆತ) ರನ್‌ನೊಂದಿಗೆ 20 ಓವರ್‌ಗೆ 4 ವಿಕೆಟ್ ಕಳೆದು 191 ರನ್ ಗಳಿಸಿತು.

ಎಡವಿದ ರಾಹುಲ್

ಮುಂಬೈ ಇನ್ನಿಂಗ್ಸ್‌ನಲ್ಲಿ ಕ್ರೀಸ್‌ನಲ್ಲಿ ಕೀರನ್ ಪೊಲಾರ್ಡ್ ಮತ್ತು ಹಾರ್ದಿಕ್ ಪಾಂಡ್ಯ ಅವರಂಥಹ ಸ್ಫೋಟಕ ಬ್ಯಾಟ್ಸ್‌ಮನ್‌ಗಳು ಇದ್ದಾಗ ಡೆತ್ ಓವರ್‌ಗೆ ಬೌಲರ್ ಆರಿಸುವಲ್ಲಿ ನಾಯಕ ಕೆಎಲ್ ರಾಹುಲ್ ಎಡವಿದರು. ತಂಡದಲ್ಲಿ ವೇಗಿಗಳಿದ್ದರೂ ಕೂಡ ರಾಹುಲ್ ಅಂತಿಮ ಓವರ್ ಅನ್ನು ಸ್ಪಿನ್ನರ್‌ಗೆ ನೀಡಿದರು. ಪರಿಣಾಮ, 20ನೇ ಓವರ್‌ ಎಸೆದ ಕೃಷ್ಣಪ್ಪ ಗೌತಮ್‌ ಕೊನೇಯ ಒಂದೇ ಓವರ್‌ನಲ್ಲಿ 25 ರನ್ ನೀಡಿದರು.

ತಲೆ ಬಾಗಿದ ಪಂಜಾಬ್

ಎಂಐ ನೀಡಿದ್ದ 192 ರನ್ ಗುರಿ ಬೆನ್ನಟ್ಟಿದ ಕಿಂಗ್ಸ್ ಇಲೆವೆನ್ ಪಂಜಾಬ್ ತಂಡದಿಂದ ಕೆಎಲ್ ರಾಹುಲ್ 17, ಮಯಾಂಕ್ ಅಗರ್ವಾಲ್ 25, ನಿಕೋಲಸ್ ಪೂರನ್ 44 (27 ಎಸೆತ), ಗ್ಲೆನ್ ಮ್ಯಾಕ್ಸ್‌ವೆಲ್ 11, ಕೃಷ್ಣಪ್ಪ ಗೌತಮ್ 22 ರನ್ ಬಾರಿಸಿದರು. ಕೆXIಪಿ 20 ಓವರ್ ಮುಕ್ತಾಯಕ್ಕೆ 8 ವಿಕೆಟ್ ನಷ್ಟದಲ್ಲಿ 143 ರನ್ ಬಾರಿಸಿ ತಲೆ ಬಾಗಿತು.

ಎಂಐನಿಂದ ಚತುರ ಬೌಲಿಂಗ್

ಮುಂಬೈ ಇನ್ನಿಂಗ್ಸ್‌ನಲ್ಲಿ ಕಿಂಗ್ಸ್ ಇಲೆವೆನ್ ಪಂಜಾಬ್‌ನ ಶೆಲ್ಡನ್ ಕಾಟ್ರೆಲ್, ಮೊಹಮ್ಮದ್ ಶಮಿ ಮತ್ತು ಕೃಷ್ಣಪ್ಪ ಗೌತಮ್ ತಲಾ 1 ವಿಕೆಟ್ ಪಡೆದರೆ, ಪಂಜಾಬ್ ಇನ್ನಿಂಗ್ಸ್‌ನಲ್ಲಿ ಎಂಐಯ ಟ್ರೆಂಟ್ ಬೌಲ್ಟ್ 1, ಜೇಮ್ಸ್ ಪ್ಯಾಟಿನ್ಸನ್ 2, ಕೃನಾಲ್ ಪಾಂಡ್ಯ 1, ಜಸ್‌ಪ್ರೀತ್ ಬೂಮ್ರಾ 2, ರಾಹುಲ್ ಚಾಹರ್ 2 ವಿಕೆಟ್‌ನಿಂದ ಗಮನ ಸೆಳೆದರು.

ರೋಹಿತ್ ಶರ್ಮಾ ದಾಖಲೆ

ಈ ಪಂದ್ಯದಲ್ಲಿ ರೋಹಿತ್ ಶರ್ಮಾ ಅವರು 38ನೇ ಅರ್ಧ ಶತಕ ಬಾರಿಸಿ ಐಪಿಎಲ್‌ನಲ್ಲಿ ಅತ್ಯಧಿಕ ಅರ್ಧ ಶತಕ ಬಾರಿಸಿದ ದಾಖಲೆ ಪಟ್ಟಿಯಲ್ಲಿ ಸುರೇಶ್ ರೈನಾ ಜೊತೆಗೆ ಎರಡನೇ ಸ್ಥಾನ ಹಂಚಿಕೊಂಡರು. ಅಲ್ಲದೆ 5000+ ರನ್ ದಾಖಲೆಯೂ ಪೂರೈಸಿಕೊಂಡರು.