ಭಾರತೀಯರ ಪರ ಕನ್ನಡಿಗ ಮಯಾಂಕ್ ಅಗರ್ವಾಲ್ ವಿಶೇಷ ದಾಖಲೆ

ಮಯಾಂಕ್-ರಾಹುಲ್ ಜೊತೆಯಾಟ

ಮೊದಲು ಇನ್ನಿಂಗ್ಸ್‌ ಆಡಿದ್ದ ಪಂಜಾಬ್‌ ಪರ ಆರಂಭಿಕರಾಗಿ ಬ್ಯಾಟಿಂಗ್‌ಗೆ ಇಳಿಸಿದ್ದ ಮಯಾಂಕ್ ಮತ್ತು ನಾಯಕ ಕೆಎಲ್ ರಾಹುಲ್ ಉತ್ತಮ ಜೊತೆಯಾಟ ನೀಡಿದ್ದರು. ಪಂಜಾಬ್‌ನ ಮೊದಲ ವಿಕೆಟ್ ಪತನವಾಗುವಾಗ ತಂಡದ ಖಾತೆಯಲ್ಲಿ 183 ರನ್ ಇತ್ತು. ಮಯಾಂಕ್ 106, ರಾಹುಲ್ 69 ರನ್ ಸೇರ್ಪಡೆಯೊಂದಿಗೆ ಕೆXIಪಿ 2 ವಿಕೆಟ್ ನಷ್ಟಕ್ಕೆ 223 ರನ್ ಮಾಡಿತು.

ಕ್ರಿಸ್ ಗೇಲ್ ಮೊದಲಿಗ

ಭಾನುವಾರದ ಪಂದ್ಯದಲ್ಲಿ 45 ಎಸೆತಗಳಲ್ಲಿ 100 ರನ್ ಬಾರಿಸುವ ಮೂಲಕ ಅಗರ್ವಾಲ್ ವಿಶಿಷ್ಠ ದಾಖಲೆಗೆ ಕಾರಣರಾಗಿದ್ದಾರೆ. ಐಪಿಎಲ್‌ನಲ್ಲಿ ಅತೀ ವೇಗದ ಶತಕ ದಾಖಲೆ ವೆಸ್ಟ್ ಇಂಡೀಸ್‌ನ ಕ್ರಿಸ್ ಗೇಲ್ ಹೆಸರಿನಲ್ಲಿದೆ. ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಪರ ಆಡುವಾಗ ಗೇಲ್ 30 ಎಸೆತಗಳಲ್ಲಿ 100 ರನ್ ಬಾರಿಸಿದ್ದರು.

ಎರಡನೇ ಭಾರತೀಯ

ಐಪಿಎಲ್‌ನಲ್ಲಿ ಭಾರತೀಯರ ಪರ ವೇಗದ ಶತಕ ದಾಖಲೆ ಯೂಸೂಫ್ ಪಠಾಣ್ ಹೆಸರಿನಲ್ಲಿದೆ. 2010ರಲ್ಲಿ ರಾಜಸ್ಥಾನ್ ರಾಯಲ್ಸ್ ಪರ ಆಡಿದ್ದ ಯೂಸೂಫ್ ಮುಂಬೈ ಇಂಡಿಯನ್ಸ್ ವಿರುದ್ಧ 37 ಎಸೆತಗಳಲ್ಲಿ 100 ರನ್ ಬಾರಿಸಿದ್ದರು. ಹೀಗಾಗಿ ಮಯಾಂಕ್ ಈ ದಾಖಲೆ ಪಟ್ಟಿಯಲ್ಲಿ ದ್ವಿತೀಯ ಸ್ಥಾನದಲ್ಲಿ ಕಾಣಿಸಿಕೊಂಡಿದ್ದಾರೆ.

ಮಯಾಂಕ್ ಸ್ಫೋಟಕ ಶತಕ ವ್ಯರ್ಥ

ಪಂಜಾಬ್‌ ನೀಡಿದ್ದ 224 ರನ್ ಗುರಿ ಬೆನ್ನಟ್ಟಿದ ರಾಜಸ್ಥಾನ್‌ಗೆ ನಾಯಕ ಸ್ಟೀವ್ ಸ್ಮಿತ್ ಮತ್ತು ಸಂಜು ಸ್ಯಾಮ್ಸನ್ ಅವರ ಅದ್ಭುತ ಜೊತೆಯಾಟ ಲಭಿಸಿತು. ಸ್ಮಿತ್ 50 (27 ಎಸೆತ), ಸ್ಯಾಮ್ಸನ್ 85 (42 ಎಸೆತ), ರಾಹುಲ್ ತೆವಾಟಿಯಾ 53 (31 ಎಸೆತ) ರನ್ ಸೇರ್ಪಡೆಯೊಂದಿಗೆ 19.3 ಓವರ್‌ಗೆ 6 ವಿಕೆಟ್ ಕಳೆದು 226 ರನ್ ಗಳಿಸುವುದರೊಂದಿಗೆ ಆರ್‌ಆರ್‌ ಗೆಲುವನ್ನು ಸಂಭ್ರಮಿಸಿತು.