ಐಪಿಎಲ್ ಪಂದ್ಯಗಳ ವಿರುದ್ಧ ಹೈ ಕೋರ್ಟ್‌ನಲ್ಲಿ ಸಾರ್ವಜನಿಕ ಹಿತಾಸಕ್ತಿ ಅರ್ಜಿ!

ಹಲವಾರು ಕ್ರೀಡಾಕೂಟಗಳು ರದ್ದು

ಕೊರೊನಾ ವೈರಸ್ ಭೀತಿಯಿಂದಾಗಿ ಇಟಲಿಯಲ್ಲಿ ನಡೆಯುವ ಇಂಗ್ಲೆಂಡ್ ಪುರುಷರ ಮತ್ತು ಮಹಿಳೆಯರ 6 ರಾಷ್ಟ್ರಗಳ ರಗ್ಬೀ ಪಂದ್ಯಗಳು, ಸೀರೀ ಎ ಫುಟ್ಬಾಲ್ ಪಂದ್ಯಗಳು ಸೇರಿದಂತೆ ಅನೇಕ ಕ್ರೀಡಾಕೂಟಗಳು ಈಗಾಗಲೇ ರದ್ದಾಗಿವೆ. ಕೆಲವೊಂದು ದೇಶಗಳು ಪ್ರಮುಖ ಕ್ರೀಡಾಕೂಟಗಳನ್ನು ರದ್ದು ಇಲ್ಲವೆ ಮುಂದೂಡುತ್ತಿವೆ.

ದೊಡ್ಡ ಸಾಂಕ್ರಾಮಿಕ ವಿಪತ್ತು ಸೃಷ್ಟಿ

'ವಿಶ್ವ ಆರೋಗ್ಯ ಸಂಸ್ಥೆಯ ಜಾಲತಾಣದಲ್ಲಿ 'ಕೊವಿಡ್-19' ಸೋಂಕಿಗೆ ನಿರ್ದಿಷ್ಟ ಔಷಧವಿಲ್ಲ ಅಥವಾ ತಡೆಗಟ್ಟಲು, ಔಷಧೋಪಚಾರ ನೀಡಲು ಸಾಧ್ಯವಿಲ್ಲ ಎಂದು ಹೇಳಿದೆ,' ಎಂದು ಅರ್ಜಿಯಲ್ಲಿ ಬೆಂಜಿಗರ್ ಹೇಳಿದ್ದಾರೆ. ಕೊರೊನಾವೈರಸ್ ಪ್ರಪಂಚದಾದ್ಯಂತ ವೇಗವಾಗಿ ಹರಡುತ್ತಿದೆ ಮತ್ತು ದೊಡ್ಡ ಸಾಂಕ್ರಾಮಿಕ ವಿಪತ್ತು ಸೃಷ್ಟಿಸುತ್ತಿದೆ ಎಂದೂ ಅರ್ಜಿಯಲ್ಲಿ ತಿಳಿಸಲಾಗಿದೆ.

ಸೋಂಕಿನ ಬಗ್ಗೆ ಬಿಸಿಸಿಐ ಪ್ರತಿಕ್ರಿಯೆ

ಕೊರೊನಾ ವೈರಸ್ ಭೀತಿಯಿಂದ ಐಪಿಎಲ್‌ಗೆ ತೊಂದರೆಯಿದೆಯೇ ಎಂಬ ಪ್ರಶ್ನೆಗಳು ಈಗಾಗಲೇ ಕೇಳಿ ಬಂದಿದ್ದವು. ಆದರೆ ಇದಕ್ಕೆ ಬಿಸಿಸಿಐ 'ಇಲ್ಲ,' ಎಂದು ಉತ್ತರಿಸಿತ್ತು. ಟೂರ್ನಿ ಯಾವುದೇ ಬದಲಾವಣೆಗಳಿಲ್ಲದೆ ನಿಗದಿತ ದಿನಾಂಕದಂದು ನಡೆಯಲಿದೆ ಎಂದು ಐಪಿಎಲ್ ಆಡಳಿತ ಮಂಡಳಿಯ ಅಧ್ಯಕ್ಷ ಬ್ರಿಜೇಶ್ ಪಟೇಲ್ ಮತ್ತು ಬಿಸಿಸಿಐ ಅಧ್ಯಕ್ಷ ಸೌರವ್ ಗಂಗೂಲಿ ಈ ಮೊದಲು ಹೇಳಿದ್ದರು.

ಕರ್ನಾಟಕದಿಂದ ಬಿಸಿಸಿಐಗೆ ಪತ್ರ

ಕರ್ನಾಟಕದಲ್ಲೂ ಕೊರೊನಾ ಸೋಂಕಿತರ ಪ್ರಕರಣಗಳು ದಾಖಲಾಗುತ್ತಿದ್ದು, ರಾಜ್ಯ ಸರ್ಕಾರ ಐಪಿಎಲ್ ಪಂದ್ಯಗಳನ್ನು ರದ್ದುಗೊಳಿಸುವಂತೆ, ರಾಜ್ಯದಲ್ಲಿ ಪಂದ್ಯಗಳನ್ನು ನಡೆಸದಂತೆ ಬಿಸಿಸಿಐಗೆ ಪತ್ರ ಬರೆದಿದೆ. ಹೀಗಾಗಿ ಒಂದೋ ಐಪಿಎಲ್ ರದ್ದಾಗಬಹುದು, ಮುಂದೂಡಲ್ಪಡಬಹುದು ಇಲ್ಲವೆ ಕರ್ನಾಟಕದ ಪಂದ್ಯಗಳು ರದ್ದು ಅಥವಾ ಬೇರೆಡೆಗೆ ಸ್ಥಳಾಂತರಿಸಲ್ಪಡುವ ಸಾಧ್ಯತೆಗಳೂ ಇವೆ ಎನ್ನಲಾಗುತ್ತಿದೆ.