Click it and Unblock the Notifications
ಐಪಿಎಲ್ 2020: ಹಸಿರು ಜರ್ಸಿಯಲ್ಲಿ ಆರ್ಸಿಬಿಗೆ ಗೆಲುವಿಗಿಂತ ಸೋಲೇ ಹೆಚ್ಚು!
ಚೆನ್ನೈ ಸೂಪರ್ ಕಿಂಗ್ಸ್ ವಿರುದ್ಧದ ಪಂದ್ಯವನ್ನು ಆರ್ಸಿಬಿ ಹೀನಾಯವಾಗಿ ಕಳೆದುಕೊಂಡಿದೆ. ಆರ್ಸಿಬಿ ನೀಡಿದ್ದ 146 ರನ್ಗಳ ಸುಲಭ ಸವಾಲನ್ನು ಚೆನ್ನೈ ಸೂಪರ್ ಕಿಂಗ್ಸ್ ತಂಡ ಕೇವಲ ಎರಡು ವಿಕೆಟ್ ಕಳೆದುಕೊಂಡು ಗುರಿ ತಲುಪಿದೆ. ಈ ಮೂಲಕ 8 ವಿಕೆಟ್ಗಳ ಭರ್ಜರಿ ಗೆಲುವನ್ನು ಸಾಧಿಸಿದೆ. ಹಸಿರು ಬಣ್ಣದ ಜರ್ಸಿಯಲ್ಲಿ ಕಣಕ್ಕಿಳಿದ ಆರ್ಸಿಬಿ ಈ ಬಣ್ಣದಲ್ಲಿನ ಕೆಟ್ಟ ಪ್ರದರ್ಶನ ಈ ಬಾರಿಯೂ ಮುಂದುವರಿಸಿದೆ.
ಹೌದು, ಆರ್ಸಿಬಿ ಪ್ರತೀ ವರ್ಷವೂ ಗೋ ಗ್ರೀನ್ ಅಭಿಯಾನಕ್ಕೆ ಬೆಂಬಲವನ್ನು ನೀಡುವ ನಿಟ್ಟಿನ ಒಂದು ಪಂದ್ಯದಲ್ಲಿ ಹಸಿರು ಜರ್ಸಿಯಲ್ಲಿ ಕಣಕ್ಕಿಳಿಯುತ್ತಿದೆ. 2011ರ ಆವೃತ್ತಿಯಿಂದ ಈ ಪರಂಪರೆಯನ್ನು ನಡೆಸಿಕೊಂಡು ಬಂದಿದೆ ಆರ್ಸಿಬಿ. ಕಾಕತಾಳೀಯವೇನೆಂದರೆ ಈ ಪಂದ್ಯಗಳ ಇತಿಹಾಸ ಮಾತ್ರ ಆರ್ಸಿಬಿ ಪಾಲಿಗೆ ಉತ್ತಮವಾಗಿಲ್ಲ ಎಂಬುದು ಸ್ಪಷ್ಟವಾಗುತ್ತದೆ.
ಹಸಿರು ಜರ್ಸಿಯಲ್ಲಿ ಅದೃಷ್ಠವಿಲ್ಲ
ಕಳೆದ ಇಪ್ಪತ್ತು ಐಪಿಎಲ್ ಆವೃತ್ತಿಗಳಲ್ಲಿ ಆರ್ಸಿಬಿ ಹಸಿರು ಜರ್ಸಿಯಲ್ಲಿ ಕಣಕ್ಕಿಳಿಯುತ್ತಿದೆ. ಆದರೆ ಈ ಬಾರಿಯ ಆವೃತ್ತಿಯ ಚೆನ್ನೈ ವಿರುದ್ಧದ ಪಂದ್ಯವೂ ಸೇರಿದಂತೆ 8 ಆವೃತ್ತಿಗಳಲ್ಲಿ ಆರ್ಸಿಬಿ ಸೋಲನ್ನೇ ತನ್ನದಾಗಿಸಿಕೊಂಡಿದೆ. ಗೆದ್ದಿರುವುದು ಎರಡು ಆವೃತ್ತಿಗಳಲ್ಲಿ ಮಾತ್ರ. ಹೀಗಾಗಿ ಆರ್ಸಿಬಿಗೆ ಹಸಿರು ಜರ್ಸಿ ಅದೃಷ್ಠವಿಲ್ಲ ಎಂಬ ಅಭಿಪ್ರಾಯಗಳನ್ನು ಅಭಿಮಾನಿಗಳು ವ್ಯಕ್ತಪಡಿಸುತ್ತಿದ್ದಾರೆ.
ಗೆದ್ದ ಎರಡು ಬಾರಿ ಫೈನಲ್ ಪ್ರವೇಶ
ಮತ್ತೊಂದು ಕುತೂಹಲಕಾರಿ ಸಂಗತಿ ಈ ಅಂಕಿಅಂಶಗಳಲ್ಲಿ ಇದೆ. ಆರ್ಸಿಬಿ ಈ ಹಸಿರು ಜರ್ಸಿಯಲ್ಲಿ ಗೆದ್ದಿರುವುದು 2011ರ ಆವೃತ್ತಿ ಹಾಗೂ 2016ರ ಆವೃತ್ತಿಯಲ್ಲಿ ಮಾತ್ರ. ಕಾಕತಾಳೀಯವೆಂಬಂತೆ ಈ ಎರಡೂ ಆವೃತ್ತಿಗಳಲ್ಲಿ ಆರ್ಸಿಬಿ ಫೈನಲ್ ಪ್ರವೇಶವನ್ನು ಪಡೆದುಕೊಂಡಿತ್ತು. ಅದಕ್ಕೂ ಮುನ್ನ 2009ರಲ್ಲಿ ಆರ್ಸಿಬಿ ಮೊದಲ ಬಾರಿಗೆ ಫೈನಲ್ಗೆ ಪ್ರವೇಶ ಪಡೆದುಕೊಂಡಿತ್ತು.
ಸೋಲಿನೊಂದಿಗೆ ಸಣ್ಣ ಹಿನ್ನೆಡೆ
ಈ ಬಾರಿಯ ಐಪಿಎಲ್ ಆವೃತ್ತಿಯಲ್ಲಿ ಆರ್ಸಿಬಿ ಉತ್ತಮ ಪ್ರದರ್ಶನವನ್ನು ನೀಡುತ್ತಿದೆ. ಚೆನ್ನೈ ವಿರುದ್ದದ ಪಂದ್ಯದಲ್ಲಿ ಗೆದ್ದು ಅಂಕಪಟ್ಟಿಯಲ್ಲಿ ಮೊದಲ ಸ್ಥಾನಕ್ಕೆರುವ ಅವಕಾಶ ಆರ್ಸಿಬಿಯ ಮುಂದಿತ್ತು. ಆದರೆ ಈ ಸೋಲಿನ ಮೂಲಕ ಸಣ್ಣ ಹಿನ್ನಡೆಗೆ ಒಳಗಾಗಿದೆ ಆರ್ಸಿಬಿ.
Story first published: Monday, October 26, 2020, 0:30 [IST]
Other articles published on Oct 26, 2020
Log in for Better Reading Experience!
Continue with Google By signing in, you agree to our Terms and Privacy Policy
Gender
Select your Gender
- Male
- Female
- Others
Age
Select your Age Range
- Under 18
- 18 to 25
- 26 to 35
- 36 to 45
- 45 to 55
- 55+