ಕ್ರಿಕೆಟ್ ಲೈವ್ ಶೋ ಮುಗಿಸಿದೆ, ಸ್ಟಾರ್ ಸ್ಪೋರ್ಟ್ ಬಿಟ್ಟಿಲ್ಲ: ರೀನಾ ಸ್ಪಷ್ಟನೆ

ಮುಂದಿನ ಲೀಗ್ ಗಳಲ್ಲಿ ಖಂಡಿತ ಕಾಣಿಸಿಕೊಳ್ಳುತ್ತೇನೆ

ಇನ್ಮುಂದೆ ಈ ಕಾರ್ಯಕ್ರಮವನ್ನು ಮಧು ಹಾಗೂ ಕಿರಣ್ ಮುಂದುವರೆಸುತ್ತಿದ್ದಾರೆ. ಅವರಿಗೆ ಹಾಗೂ ವಾಹಿನಿ ಬೆಂಬಲ ನೀಡುತ್ತಿರಿ, ಎಲ್ಲರಿಗೂ ಧನ್ಯವಾದಗಳು ಎಂದು ಅಭಿಮಾನಿಗಳಿಗೆ ಥ್ಯಾಂಕ್ಸ್ ಹೇಳಿದ್ದರು. ಇದಕ್ಕೆ ಪ್ರತಿಕ್ರಿಯಿಸಿ ಕಳೆದ ನಾಲ್ಕು ವರ್ಷಗಳಿಂದ ಸ್ಟಾರ್ ವಾಹಿನಿ ಜೊತೆ ಇದ್ದೇನೆ. ನಾನು ಈ ಲೈವ್ ಶೋ ಮಾತ್ರ ಬಿಡುತ್ತಿದ್ದೇನೆ. ವಾಹಿನಿಯಲ್ಲಿ ಇದ್ದೇ ಇರುತ್ತೇನೆ. ಪ್ರೀ ರೆಕಾರ್ಡ್ ಶೋ, ಮುಂದಿನ ಲೀಗ್ ಗಳಲ್ಲಿ ಖಂಡಿತ ಕಾಣಿಸಿಕೊಳ್ಳುತ್ತೇನೆ ಎಂದಿದ್ದಾರೆ.

ನಿಮ್ಮ ಕನ್ನಡ ನಮಗೆ ಇಷ್ಟ- ಫ್ಯಾನ್ಸ್ ಪ್ರತಿಕ್ರಿಯೆ

ನಿಮ್ಮಿಂದ ಈಗ ನೀವೇ ಇಲ್ಲ ಅಂದ್ರೆ ನೋಡೋದು ಆದ್ರೂ ಯಾಕೆ... ನಿಮ್ಮ ಕನ್ನಡ ನಮಗೆ ಇಷ್ಟ-@HumanityDboss

***

ನಿವಂತೂ ಎಲ್ಲರ ಮನಸ್ಸು ಗೆದ್ದಿದ್ದಿರಿ. ಅವರು ಕೂಡ ಇದನ್ನೆ ಮುಂದುವರೆಸಲಿ. ನಿಮ್ಮಂತ ಇನ್ನೂ ಹೆಚ್ಚು ಕನ್ನಡ ಪ್ರತಿಭೆಗಳು ಬೆಳಕಿಗೆ ಬರಲಿ ಚಿಕ್ಕವರಿಗೆ ಪ್ರೆರಣೆಯಾಗಲಿ. ಲೈವ್ ಇರಲಿ ರೆಕಾರ್ಡ್ ಮಾಡಿದ್ದು ಇರಲಿ ನೋಡ್ತಿವಿ ಬಿಡಿ. ಸ್ಪಶ್ಟನೆ ನೀಡಿದ್ದಕ್ಕೆ ಥ್ಯಾಂಕ್ಸ್ #StarSportsKannada -@chandrub44
***
ಮೇಡಂ ನೀವು ಮಾತಾಡೋ ರೀತಿ ಮತ್ತು ಸಕ್ಕತ್ ವಾಯ್ಸ್ ದಯವಿಟ್ಟು ಮುಂದುವರಿಸಿ-@girishkumar2012

ಕನ್ನಡ ವಾಹಿನಿಯ ಜನಪ್ರಿಯ ಕಾರ್ಯಕ್ರಮ

ಕನ್ನಡ ಭಾಷೆಯಲ್ಲಿ ಸಂಪೂರ್ಣವಾಗಿ ಆರಂಭಿಸಿ ಎರಡು ವರ್ಷವಾಗುತ್ತಾ ಬಂದಿದೆ. ಹಿಂದಿ, ತಮಿಳು ಭಾಷೆಯಲ್ಲಿ ಮಾತ್ರ ಇದ್ದ ಸ್ಟಾರ್ ಸ್ಪೋರ್ಟ್ಸ್ ಕನ್ನಡದಲ್ಲೂ ಲಭ್ಯವಾದ ಬಳಿಕ ಕರ್ನಾಟಕ ಮೂಲೆ ಮೂಲೆ ತಲುಪಿದೆ. ಈ ಸ್ಟಾರ್ ಸ್ಪೋರ್ಟ್ ಕನ್ನಡ ವಾಹಿನಿಯ ಜನಪ್ರಿಯ ಕಾರ್ಯಕ್ರಮ ಬೈಜುಸ್ ಕ್ರಿಕೆಟ್ ಲೈವ್ ಪ್ರಸ್ತುತ ಪಡಿಸುತ್ತಿದ್ದ ನಿರೂಪಕಿ ರೀನಾ ಡಿಸೋಜಾ ಅವರು ನಿನ್ನೆ ಟ್ವೀಟ್ ಮಾಡಿ ಈ ಕಾರ್ಯಕ್ರಮ ನಡೆಸಿಕೊಡಲು ಬೆಂಬಲಿಸಿದ್ದಕ್ಕೆ ಧನ್ಯವಾದ ಎಂದು ಹೇಳಿದ್ದರು.

ಮನರಂಜನೆ ಪ್ಲಸ್ ಕ್ರಿಕೆಟ್ ಹರಟೆ ಕಾರ್ಯಕ್ರಮ

ಕನ್ನಡ ಭಾಷೆಯಲ್ಲಿ ಇಂಡಿಯನ್ ಪ್ರೀಮಿಯರ್ ಲೀಗ್ ಕಾಮೆಂಟರಿ ಮಾತ್ರವಲ್ಲದೆ, ಕ್ರಿಕೆಟ್ ವಿಶ್ಲೇಷಣೆ, ಹರಟೆ ಎಲ್ಲವನ್ನು ಈ ವಾಹಿನಿ ಸಾಧ್ಯವಾಗಿಸಿದೆ. ಇಂಥ ಮನರಂಜನೆ ಪ್ಲಸ್ ಕ್ರಿಕೆಟ್ ಹರಟೆ ಕಾರ್ಯಕ್ರಮವನ್ನು ರೀನಾ ನಡೆಸಿಕೊಡುತ್ತಿದ್ದರು. ವೆಂಕಟೇಶ್ ಪ್ರಸಾದ್, ಭರತ್ ಚಿಪ್ಲಿ, ವಿನಯ್ ಕುಮಾರ್ ಸೇರಿದಂತೆ ಹಲವಾರು ಮಾಜಿ ಹಾಲಿ ಕ್ರಿಕೆಟರ್ ಗಳು, ಕ್ರಿಕೆಟ್ ಮಧ್ಯದಲ್ಲಿ ಮನರಂಜನಾ ಕ್ಷೇತ್ರದ ಸೆಲೆಬ್ರಿಟಿಗಳ ಸಂದರ್ಶನವನ್ನು ಹೊಂದಿದ್ದ ಈ ಜನಪ್ರಿಯ ಕಾರ್ಯಕ್ರಮವನ್ನು ತೊರೆಯುತ್ತಿರುವುದಾಗಿ ಟ್ವೀಟ್ ಮಾಡಿದ್ದರು.