Click it and Unblock the Notifications
ಗಂಗೂಲಿ ಟ್ವೀಟ್ ಮೂಲಕ ಪ್ರಶಂಸೆ
ಇನ್ನು ದೇವದತ್ ಪಡಿಕ್ಕಲ್ ಪ್ರದರ್ಶನದ ಬಗ್ಗೆ ಬಿಸಿಸಿಐ ಅಧ್ಯಕ್ಷ ಸೌರವ್ ಗಂಗೂಲಿ ಟ್ವೀಟ್ ಮೂಲಕ ಪ್ರಶಂಸೆಯನ್ನು ವ್ಯಕ್ತಪಡಿಸಿದ್ದಾರೆ. "ದೇವದತ್ ಪಡಿಕ್ಕಲ್ ಆಟವನ್ನು ನಾನು ತುಂಬಾ ಆನಂದಿಸಿದ್ದೇನೆ. ಎಡಗೈ ಆಟಗಾರನ ಸುಲಲಿತ ಬ್ಯಾಟಿಂಗ್ ನೋಡುವುದು ಆಕರ್ಷಕ" ಎಂದಿದ್ದಾರೆ.
ಭರ್ಜರಿ ಆಟ ಪ್ರದರ್ಶನ
ಅನುಭವಿ ಆಟಗಾರ ಆರೋನ್ ಫಿಂಚ್ ಜೊತೆಗೆ ಬ್ಯಾಟಿಂಗ್ ಮಾಡಲಿಳಿದ ದೇವದತ್ ಪಡಿಕ್ಕಲ್ ಭರ್ಜರಿ ಆರಂಭವನ್ನು ನೀಡಿದರು. ಮೊದಲ ವಿಕೆಟ್ಗೆ 90 ರನ್ ಒಟ್ಟುಗೂಡಿಸಿದ ಈ ಆಟಗಾರರು 11 ಓವರ್ಗಳ ಕಾಲ ಬ್ಯಾಟಿಂಗ್ ನಡೆಸಿದರು. ಇದರಲ್ಲಿ ಪಡಿಕ್ಕಲ್ 42 ಎಸೆತಗಳನ್ನು ಎದುರಿಸಿ 56 ರನ್ ಸಿಡಿಸಿದರು. ಪಡಿಕ್ಕಲ್ ವಿಕೆಟ್ ಕಳೆದುಕೊಂಡ ಬೆನ್ನಿಗೆ ಫಿಂಚ್ ಕೂಡ ಔಟಾಗಿ ಫೆವಿಲಿಯನ್ ಸೇರಿದ್ದರು.
ಮುಂದಿನ ಪಂದ್ಯಗಳಲ್ಲೂ ಮಿಂಚುವ ಭರವಸೆ
ಆರಂಭದಿಂದಲೇ ಪಡಿಕ್ಕಲ್ ನಿರ್ಭೀತಿಯ ಆಟವನ್ನು ಪ್ರದರ್ಶಿಸಿದರು. ಹೊಡೆತದ ಆಯ್ಕೆ, ಪಾದದ ಚಲನೆ, ನಿಖರತೆ ಎಲ್ಲವೂ ಅದ್ಭುತವಾಗಿದ್ದ ಪಡಿಕ್ಕಲ್ ಇನ್ನಿಂಗ್ಸ್ನಲ್ಲಿ 8 ಬೌಂಡರಿಗಳು ಒಳಗೊಂಡಿತ್ತು. ಈ ಆತ್ಮವಿಶ್ವಾಸದ ಆಟದಿಂದಾಗಿ ಮುಂದಿನ ಪಂದ್ಯಗಳಲ್ಲೂ ಪಡಿಕ್ಕಲ್ ಮಿಂಚುವ ಭರವಸೆಯನ್ನು ಮೂಡಿಸಿದ್ದಾರೆ.
ಮೊದಲ ಪಂದ್ಯದಲ್ಲಿ ಆರ್ಸಿಬಿ ಗೆಲುವು
ಬ್ಯಾಟಿಂಗ್ನ್ಲಲಿ ಪಡಿಕ್ಕಲ್ ಹಾಗೂ ಡಿವಿಲಿಯರ್ಸ್ ಭರ್ಜರಿ ಬ್ಯಾಟಿಂಗ್ ಹಾಗೂ ಬೌಲಿಂಗ್ ವಿಭಾಗದಲ್ಲಿ ಯುಜುವೇಂದ್ರ ಚಾಹಲ್ ಅದ್ಭುತ ದಾಳಿಯಿಂದ ಮೊದಲ ಪಂದ್ಯವನ್ನು ಆರ್ಸಿಬಿ ಅದ್ಭುತವಾಗಿ ಗೆದ್ದುಕೊಳ್ಳುವಲ್ಲಿ ಯಶಸ್ವಿಯಾಗಿದೆ. ಈ ಮೂಲಕ ಟೂರ್ನಿಯಲ್ಲಿ ಶುಭಾರಂಭ ಮಾಡಿದೆ
Continue with Google